Mwa Kwisambila pa Kupāna Mapepala
(Shi ubamone amba nimelo īsambilwa’po keidipo mu Kiluba, nankyo tala mu Falanse)
Kiteba kya Mulami 1 Kweji 7
“Ulanga amba makambakano a uno muswelo akekala na mfulo? [Tanga binenwa bya ñanjilo bya kishinte kibajinji, kupwa umuleke akulondolole.] Kinenwa kya Leza kya ku bukomo bwa mushipiditu kitukulupija amba ano makambakano asa kupwa’nka panopano. [Tanga Mitōto 72:12-14.] Kino Kiteba kya Mulami kishintulula muswelo obikafikidila.”
Réveillez-vous ! 22 Kweji 6
“Le nobe ulanga amba bwanapabo bwabinebine bwa muntu ye-yense bubwanika kwikala’ko pano pa ntanda? [Muleke akulondolole.] Ivwana uno mulao mulumbuluke wa Leza. [Tanga Loma 8:21.] Kunena amba uno mulao ubafikidila i enka poso bupika bonso bubapu pwē, ke amopo? Uno Réveillez-vous ! ulombola mobikafikidila.”
Kiteba kya Mulami 1 Kweji 7
“Bantu midiyo ne midiyo bengidijanga bifwatulo ne bankishi mu butōtyi bwabo, ino bakwabo nabo amba kulonga namino i kuluba. Lelo nobe kodi mwiipangule mulangila’po Leza? [Muleke akulondolole. Kupwa utange Yoano 4:24.] Bino bishinte bilombola mwāshilwidile bantu kwingidija bankishi ne munenena Bible pa butōtyi butōtwa na bifwatulo.”
Réveillez-vous ! 8 Kweji 7
“Bible wālaile amba kukekalanga myaka ya malwa mu mafuku a mfulo. [Tanga 2 Temote 3:1, 3.] Buvule bwa bya bupolapola bikumwa kujokoloka ntanda yonso bulombola kino patōka. Shi kwadi amba i kutupu bampulushi, longa i bikole! Uno Réveillez-vous ! wisambila pa mingilo ikonda nayo bampulushi pi na pi.”