Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 4

“Bamo bamonanga’mba bintu byonso bilongeka umbūmi, ne binkumbulu bine kumo, i kiswa-mutyima kya Leza. Le nobe kweipangwile pa kino? [Muleke alondolole.] Bantu bavule bayukile luno lulombelo. [Tanga Mateo 6:10b.] Ino lelo mpango ya Leza itala ino ntanda i mpango’ka, ne ikafikidila ne pa mfulo kitatyi’ka? Dino dipepala dileta’po kilondololwa mungya Bible.”

Réveillez-vous ! 22 Kweji 4

“Mu ntanda ya ano mafuku, bamobamo ke bajimije kikulupiji. Le nobe wiivwananga kyaba kimo uno muswelo? [Muleke alondolole. Kupwa tanga Loma 15:4.] Bantu bavule bayukile mvubu ya kwikadila na lukulupilo. Inoko, shi nobe ubandaule bubinga busamba-bubidi bwa mu Bisonekwa bwa kwikadila na kikulupiji bunenenwe mu uno Réveillez-vous ! kukabulwepo kusangala.”

Kiteba kya Mulami 1 Kweji 5

“Bendeji bamobamo ba bipwilo baloñanga bukomo bwa kulumbulula mushikatyilo wa bantu na kwikuja mu politike. Inoko, tala kyānene Yesu bantu pobādi ke basake kumubikika bu mulopwe. [Tanga Yoano 6:15.] Yesu wāimanine pa kintu kampanda kyadi kibwanya kuletela bantu biyampe bya nyeke. Dino dipepala disambila pa kino kintu.”

Réveillez-vous ! 8 Kweji 5

“Bantu bavule batanwanga na makambakano ku kaji. Bakwabo basusulwanga’nka na bengidi nabo. Le wadi kala uyukile’mba Bible udi na madingi abwanya kwitukwasha tukomene makambakano a uno muswelo? [Muleke alondolole. Kupwa tanga Nkindi 15:1.] Dino dipepala dipāna madingi a mwa kulamina ndoe pamo na bakwetu ku kaji.”