Kupituluka kwa Kubungakana kwa pa Bula kwa Difuku Dimo

Ino myanda ikengidijibwa kumeso kwa mpangiko ya kubungakana kwa pa bula kwa mwaka wa mingilo wa 2005 ne pa kupituluka kwayo. Kishinte “Muswelo Mupya wa Kupituluka mu Mpangiko ya Kubungakana,” kidi pa paje wa 4 wa dino dyani dya ntentekelo, kishintulula mokukapityijibwa. Mu kupituluka, abanya kitatyi senene mwa kwipangwila bipangujo byonso. Kupituluka kufwaninwe kwimanina pa muswelo otubwanya kulonda umbūmi myanda inenenwe’mo.

KIPIMPO KYA LUBANGA

1. Mwanda waka pano po pene potusakilwa kwivwana Yehova? Lelo kwivwana kushintulula bika? (“Kine Kyotusakilwa Kwivwana Diwi dya Yehova”)

2. I muswelo’ka bisaka obibwanya kulama mpangiko miyampe ya mingilo ya ku mushipiditu? (“Bisaka Bivwana Kinenwa kya Leza Kwampikilwa Kilabi”)

3. I kamweno’ka kamwenwa mu mikenga ya busapudi bwa kiponka na ponka mu kyetu kipindi? (“Tulongelei Bintu Byonso mu Ntumbo ya Leza”)

4. I ñeni’ka yotuboila mu kimfwa kya kidyumu kidi mu Bahebelu shapita wa 3 ne wa 4? Dyalelo, Yehova wisambanga netu muswelo’ka? (“Kwivwana Kitatyi Kinena Leza Kwitulamanga”)

5. I kamweno’ka kowamwenine mu dishikulu dya lubatyijo? (“Kwipāna ne Lubatyijo”)

KIPIMPO KYA KYOLWA

6. Twajingulwile bika bitala pa bunkasampe bwa Yesu, ne i muswelo’ka bankasampe ba mu kyetu kipindi obabwanya kwiula kimfwa kyandi? (“Kwivwana na Katentekeji Kinenwa kya Leza Mokukankamikila Bankasampe”)

7. I miswelo’ka imoimo ibwanya bambutwile kushilula kufundija babo bana ba ku kyadi ne bana batyetye mashinda a Yehova? (“Bana Befunda ne Kwivwana Leza”)

8. I mu myanda’ka mipotoloke motufwaninwe kwivwana na katentekeji Yehova, wandi Mwana, ne ‘umpika wa binebine ne wa manwa’? (Mat. 24:45) Mwanda waka kwibevwana kudi na mvubu? (“Twendelelei Kwivwana Bufundiji Bwa Leza”)