Kupituluka kwa Kubungakana kwa Kipindi
Ino myanda ikengidijibwa kumeso kwa mpangiko ya kubungakana kwa kipindi kwa mwaka wa mingilo wa 2005 ne pa kupituluka kwayo. Kishinte “Muswelo Mupya wa Kupituluka mu Mpangiko ya Kubungakana,” kidi pa paje wa 4 wa dino dyani dya ntentekelo kishintulula mokukapityijibwa. Mu kupituluka, abanya kitatyi senene mwa kwipangwila bipangujo byonso. Kupituluka kufwaninwe kwimanina pa muswelo otubwanya kulonda umbūmi myanda inenenwe’mo.
KIPIMPO KYA LUBANGA KYA DIFUKU DIBAJINJI
1. I bika biketukwasha twikale na tunangu twa Leza?
2. I bukomo’ka buloñanga ba mu kyetu kipindi mwanda wa kufikila bantu bavule na myanda miyampe?
KIPIMPO KYA KYOLWA KYA DIFUKU DIBAJINJI
3. Mwanda waka kidi na mvubu ku bene Kidishitu kwikala kwampikilwa kiko mu ñeni? Ne kino kitulomba kulonga bika?
4. I muswelo’ka otubwanya kulombola’mba tudi mu ndoe na banabetu?
5. Lelo bujalale i kika, ne bubwanya kumweka namani mu muswelo otwingidija kitatyi kyetu?
6. I ñeni’ka yotuboila ku bimfwa bya ba Solo ne Noa? I mu bika motubwanya kulombola amba tudi na mutyima wa “kikōkeji”? (Yak. 3:17)
7. Bene Kidishitu babwanya namani kwepuka kwikala kulu mu bya Leza, kulu mu bya ntanda?
8. I muswelo’ka otubwanya kwiula kimfwa kya Polo mu kusapula tunangu twa Leza?
KIPIMPO KYA LUBANGA KYA DIFUKU DYA BUBIDI
9. I kika kinenenwa’mba tufwaninwe kusañuna na katentekeji mingilo yotwingila, ne i kika kiketukwasha tusañune na katentekeji?
10. I buninge’ka buloñanga ba mu kyetu kipindi mwanda wa kutanwa ku kupwila kitatyi ne kitatyi, ne i kamweno’ka kobamwenanga’mo?
11. Mitwe ya bisaka ibwanya kutamija ba mu bipango byabo muswelo’ka?
12. I bisakibwa’ka bya kyetu kipindi byotwanenwe kuta’ko mutyima?
KIPIMPO KYA KYOLWA KYA DIFUKU DYA BUBIDI
13. I mingilo’ka myoloke ilupukanga ku tunangu twa mūlu, pamo na mokyalombwedilwe mu dishikulu dya bantu bonso?
14. I kika kinenenwa amba ke kya ñenipo kwikulupila batwe bene nansha kukulupila boba bampikwa kwendejibwa na tunangu twa Leza? I mu bintu’ka motufwaninwe kudyumuka?
15. Tunangu twa Leza twitukiñanga ku makinga’ka?
16. Mwanda waka kulonda madingi apēnwe mu mpangiko ya kubungakana kwa kipindi kudi na mvubu?