Kupituluka kwa Kubungakana kwa Kipindi

Ino myanda ikengidijibwa ku mpangiko ya Kupwila kwa Mingilo kumeso kwa kipwilo kukatanwa ku kubungakana kwa kipindi kwa mu mwaka wa mingilo wa 2006 ne kinondanonda’tu na kujoka’ko. Mutadi mwimaniji ukakwata mpangiko ya kupituluka’mo kubajinji ne kwa mfulo monka mokilombwedilwe mu Mwingilo Wetu wa Bulopwe wa Kweji 8, 2004 paje 4. Mu kupituluka, bipangujo byonso bifwaninwe kwipangulwa, ne kukokela milangwe pa muswelo wa kwingidija myanda idi’mo.

DIFUKU DIBAJINJI

1. Tuvwalanga bumuntu bupya muswelo’ka, ne mwanda waka tufwaninwe kulama’bo?

2. Le bamo i babwanye kuvudija nsaa yobatambila mu mwingilo wa busapudi namani?

3. Mwanda waka tufwaninwe kuleka kwidingakanya na bakwetu?

4. Le ba mu kisaka bakokeja kulombola namani amba badi na bumuntu bupya mu kisaka?

5. Tukalombola muswelo’ka dikōkeji mu kukwatakanya kipwilo?

6. Mwanda waka i biyampe tuvwale bumuntu bupya potutambila mu mwingilo wa budimi?

7. Kulanguluka kuyampe i kulonga bika ne bika, ne i muswelo’ka otumwena’mo?

8. I ngikadilo’ka iketukwasha twikale banekena mu makasa a Yehova?

DIFUKU DYA BUBIDI

9. Mwanda waka i kya kamweno kwingidija ludimi lwetu biyampe?

10. I byabuyabuya’ka bimwenwa mu kwisamba bintu biyampe na bakwetu ba ku kaji, ba ku masomo, ne bantu bakwabo?

11. Tukokeja kulonda madingi a Polo adi mu Efisesa 4:25-32 namani potudi na banabetu betabije?

12. I muswelo’ka mupite buya otufwaninwe kwingidija ludimi lwetu?

13. I bika byotufwaninwe kulonga pa kushinda yewa umbi?

14. I mu bintu’ka motufwaninwe kulonga bukomo bwa kwilama bampikwa kiko kya ino ntanda?

15. Mwanda waka muntu wetu wa munda ufwaninwe kwenda wikala umpya difuku ne difuku, ne tukalonga kino namani?

16. I madingi’ka a ku kubungakana kwa uno mwaka osa kukengidija?