Mwa Kwisambila pa Kupāna Mapepala

(Shi ubamone amba nimelo īsambilwa’po keidipo mu Kiluba, nankyo tala mu Falanse)

Kiteba kya Mulami 15 Kweji 4

“Muntu ne muntu uyukile amba pa kumona būmi bwa nsangaji mu kisaka i biyampe kwikale mīsambo, ino bavule bakomenwe kwisambila pamo senene. Le ulanga amba bakomenwanga pa mwanda waka? [Muleke alondolole.] Dino dipepala dileta madingi a mwa kwikadila na bwino bwa kwisamba.” Tanga Yakoba 1:19.

Réveillez-vous ! Kweji 4

“Bantu bavule banenanga amba musalaba wibakwashanga bafwene kudi Leza. Inoko, bamo beipangulanga amba: Le i byendele’mo kutōta kintu kyāipailwe nakyo Yesu? Lelo bine Yesu wāfwidile pa musalaba? Kishinte kishilula pa paje 12 kibandaula bino bipangujo mungya munenena’po Bible.” Tanga Bilongwa 5:30.

Kiteba kya Mulami 1 Kweji 5

“Bantu midiyo ne midiyo ntanda yonso basusukanga na bilupuka ku bulanda bwa malwa. Le ulanga kudi kibwanya kwibakwasha? [Muleke alondolole. Kupwa tanga 1 Petelo 2:21.] Dino dipepala dishintulula muswelo otukokeja kulonda kimfwa kya Yesu mu kulangila balanda.”

Réveillez-vous ! Kweji 5

“Lelo kodi mwiipangule kine kyotununupilanga? [Muleke alondolole.] Ino nshintulwilo ya Bible ya kine kyotununupila ilombola mwetupangile Leza mwanda wa twikale ne būmi bwa endaenda. [Tanga Isaya 25:8.] Ino nimelo ya Réveillez-vous ! ibandaula milangwe ya panopano ya mwikadilanga bununu.”