Mukanda wa Musambo

Basapudi ba Bulopwe Baswedibwe:

Tudi na nsangaji mikatampe pa kwimusapwila lapolo wa mwingilo wa budimi wa Kweji 3, 2008. Mu Congo-Kinshasa, kibalwa kya basapudi kyafikile pa 150309. Uno i musunsa umbajinji mu ino ntanda kumona basapudi 150000 ne musubu batūla lapolo wa mwingilo wa budimi mu kweji umo. Kwadi ne kibalwa kipya kya mansaa a busapudi, kya bifundwa bya Bible ne mu bipindi bikwabo bya mwingilo wa budimi. Kadi twasangele pa kumona’mba basapudi bapyasakane 5174 ba mu Congo-Brazzaville basapwile ne kufikila pa kibalwa kya mansaa 122365. Tubemufwija’ko pa byonso byomwalongele pa kuputumina mu mwingilo wa kusapula myanda miyampe.​—1 Kod. 15:58.

Lūbako lwendelelanga biyampe ku Betele. Mu mafuku 28 Kweji 4, kisaka kya Betele kyasangele pa kushilula kwingidija njibo mipya ya buya bwa dyangi ya kudila’mo ne mpishi. Ino njibo mipya ya kudila’mo i mikata kutabuka yoya imbajinji, itwela’mo misunsa ibidi, ne kadi mubwanya kushikata bantu 600 ne musubu.

Mu Dya Mposo, 23 Kweji 2, 2008, kwadi mpangiko ya kufikijija kwa Njibo ya Kubungakena’mo mu Limete, Kinshasa. Bonso batenwe’ko baitabije na nsangaji kwingidija ino njibo mwanda wa kutendela Yehova ne kwiilama. Mu Kweji 7, Njibo ya Kubungakena’mo mikwabo yapwile kūbakwa ku Kisangani kadi kudi makwabo afwaninwe kūbakwa panopano ku Lubumbashi ne ku Mbuji-Mayi. Kadi, Njibo ya Kubungakena’mo ya ku Beni yaikele kufikijibwa mu Kweji 2, 2008; ya ku Butembo nayo mu Kweji 4, 2007. Tudi na nsangaji pa kumona ano mobo onso engidijibwa mwanda wa kutendela Yehova.

Nanshi, twimanei talala nyā koku tutengele lupandilo lwa Yehova lwiya lufwena bukidibukidi.

Banabenu,

Bilo ya Musambo wa Congo-Kinshasa