“Kupāna Mapepala a Kala Nansha Boloshile Ye-yense Usangela Bantu”

Mu myeji motukapāna dibuku Bifundija Bible ne kushilula kifundwa mu kwitana kubajinji, twi bakankamikwe “kupāna mapepala a kala nansha boloshile ye-yense usangela bantu” nansha shi mwine njibo udi kala nadyo kadi ketabijepo kwifunda. Mwanda waka?

Maboloshile ne mapepala a kala adi na myanda palapala isangaja. Kintu kampanda kidi mu ano mabuku kikokeja kutenga mutyima wa muntu. Nanshi shi koomeka bitabo mu sakoshi obe wa busapudi, ela’mo maboloshile ne mapepala palapala a kala. Shi kudipo na mapepala a kala, padi ukokeja kwiatana kokwa kulamwanga mapepala a kipwilo. Ino shi mwine njibo udi kala na dibuku Bifundija Bible ne ketabijepo kwifunda Bible, ukokeja kumulombola mapepala nansha maboloshile amoamo odi nao ne kumunena ayate oa amusangaja. Kupwa, mulaye wiye umupempule monka mwanda wa kutamija kusangela kwandi. Kepabulwe padi kifundwa kya Bible kikashilula mwenda mafuku.