Kampanye ka Kusapula Kivulukilo Kashilula mu Difuku 1 Kweji 3

1. I kitatyi’ka kikalongwa kampanye ka Kivulukilo, ne mwanda waka i kalampe kupita myaka mikwabo?

¹ Tusa kushilula kampanye ketu ka pa mwaka pa mwaka ka kwita bantu ku Kivulukilo mu Dya Butano difuku 1 Kweji 3. Kivulukilo kikalongwa mu mafuku 26 Kweji 3, ko kunena’mba kampanye kakekala kalampe kupita’ko myaka yapityile. Kino kikakwashi bavule batambule lwito, nakampata boba badi mu mwaba wa kipwilo mukatampe mpata.

2. Le tukalonga namani pa kusela tukanda ne pa kusambakanya mwaba?

² Mwiteakanyei: Bakulumpe bakakwata’ko mpangiko ya mwa kusambakenya mwaba, ne shi bilomba kushiya tukanda ne ku mobo oketukatana’kopo bantu. Shi mubapu kupāna ku njibo ne njibo, ino tukanda tubashala’po, mubwanya kuketupāna ne mu busapudi bwa mu bibumbo bya bantu. Mutadi wa mingilo ukalonga bukomo amba tukanda tutūlwe popa patūlwanga mapepala mwanda wa basapudi basele’to, inoko tukanda ketukatūlwa’popo tonso kipukwi. Tufwaninwe kwiselela enka tukanda totubwanya kupwa mu yenga umo umo.

3. I bika byotufwaninwe kuvuluka potupāna tukanda twa lwito?

³ Le Tukanena Namani? I biyampe kunena bityetye mwa kusapwila ku bantu bavule. Pa paje 4 padi mupānino wa kulondela’ko otukokeja kujidika mungya mwaba wetu. Inoko, ketufwaninwepo kupita lubilo shi mwinē njibo usaka kwisamba ne shi udi na bipangujo. Shi tupānanga mu Dya Mposo ne Dya Yenga, tufwaninwe ne kupāna mapepala mungya bisakibwa. Mu mafuku 2 Kweji 3, tukata mutyima mpata ku kupāna tukanda pa kyaba kya kuta’o ku kushilula bifundwa bya Bible.

4. Mwanda waka tufwaninwe kwingila na bupyasakane mu kano kampanye?

⁴ Tukulupile amba bavule bakatanwa netu ku Kivulukilo. Mwisambo ukashintulula Yesu mwine i ani. (1 Kod. 11:26) Ukatōkeja muswelo witukweshe lufu lwandi. (Loma 6:23) Kadi uketuyukija i mwanda waka tufwaninwe kumuvuluka. (Yoa. 17:3) Bine, twingilei na bupyasakane mu kano kampanye!