Kampanye ka Kwita Bantu ku Kivulukilo Kakashilula mu Mafuku 22 Kweji 3

Uno mwaka, kampanye ka kwita bantu bāye batanwe ku Kivulukilo kakashilula mu Dya Mposo, mafuku 22 Kweji 3. Basapudi bonso i bakankamikwe balonge kano kampanye. Shi bikokejika, mu Dya Mposo ne Dya Yenga, tukapāna ne mapepala a panopano. Mu Dya Mposo dibajinji dya Kweji 4, tukemanina bininge pa kwabanya tukanda twa lwito pa kyaba kya kushilula bifundwa bya Bible. Inoko, shi tubatana muntu usepelele bininge, tubwanya ne kushilula nandi kifundwa kya Bible. Mutadi wa mingilo ubwanya kulombola shi kwabanya tukanda twa lwito mu busapudi bwa mu kitango kya bantu kubwanya kukwasha kipwilo kifikile bantu bavule mu mwaba. Tamba’nka pano tusonekei majina a babutule, bengidi-netu, balunda ba ku masomo, boba botukalonga kujokela’mo ne bantu bakwabo botwiibidile nabo botusaka kwita, ne kukebapa kakanda ka lwito shi kampanye kabashilula. Tukulupile amba bantu bavule bakelunga netu kitatyi kyotukavuluka bilomboji bibidi bikatampe bya buswe.​—Yoa. 3:16; 15:13.