Longa Bukomo bwa Kushilula Bifundwa bya Bible mu Dya Mposo Dibajinji

Kushilwila mu Kweji 5, 2011, basapudi bakankamikilwe kulonga bukomo bwa kushilula bifundwa bya Bible mu Dya Mposo dibajinji dya kweji ne kweji. Pa kwitukwasha tushilule’byo, kuteakanibwanga kitatyi ne kitatyi mu Kiteba kya Mulami kya bantu bonso kishinte kinena’mba, “Malondololo ku Bipangujo Bimanine pa Bible.” O mwanda kupwila kwa kwenda mu busapudi kulongwa mu Dya Mposo dibajinji, kufwaninwe kulombola muswelo otubwanya kwingidija kino kishinte mwanda wa kushilula bifundwa bya Bible, kadi kufwaninwe ne kulongwa kya kumwena’ko kya mwa kusapwila.

Bakulumpe babwanya kukwata butyibi bwa kisumpi ne kisumpi kya busapudi kibungakene pakyo mu Dya Mposo dibajinji, nansha kukwata butyibi bwa bisumpi byonso bibungakene pamo kadi padi ku Njibo ya Bulopwe. Inoko, shi bipwilo bivule bingidijanga Njibo ya Bulopwe imo, kekudipo kipwilo nansha kimo kifwaninwe kutundulwila dino difuku dya pa bula dya kushilulula bifundwa bya Bible mu difuku dikwabo mwanda wa kulonga pamo kupwila kwa kwenda mu busapudi.