Misapwilo ya Kulondela’po

Mwa Kushilwila Bifundwa bya Bible mu Dya Mposo Dibajinji dya Kweji 3

“Tubemunangila bityetye mwanda wa kwimulombola mwanda kampanda usa kulongeka mu mafuku 14 Kweji 4. Dino i difuku dikavulukwa lufu lwa Yesu. Bantu bamo basa kuvuluka dino difuku mwanda bamwene’mba kufwa kwandi kwādi na mvubu. Ino bakwabo nabo kebamwenepo mvubu ya kufwa kwandi. Lelo ulanga’mba abe ne ami tubwanya kumwena mu lufu lwa Yesu?” Muleke alondolole. Mulombole kibalu kya mfulo kya Kiteba kya Mulami kya 1 Kweji 3, ne kubandaula nandi pamo myanda idi munshi mwa kipangujo kibajinji ne kumutangila’ko nansha kisonekwa kimo mu bitelelwe. Mupe mapepala ne kwilaya nandi difuku dya kukesambila pa kipangujo kilonda’ko.

Kiteba kya Mulami 1 Kweji 3

“Bantu bavule beipangulanga mwanda waka Leza kalongapo kintu mwanda wa kufudija bukondame ne masusu mu ino ntanda. Le ulanga, i mwanda Leza katele’kopo mutyima nansha umwene’mba i kyendele’mo bantu basusuke? [Muleke alondolole. Kupwa tanga Yoano 3:16.] Nansha bavule byobashintululanga kino kisonekwa’mba Leza wituswele, inoko kebakulupilepo na bubine amba tubwanya kumwena mu lufu lwa wandi mwana. Dino dipepala dishintulula muswelo ubwenye lufu lwa Yesu kupwija lufu ne masusu pano pa ntanda.”

Réveillez-vous ! Kweji 3

“Tupempulanga bantu mu kitatyi’tu kityetye mwanda wa kutōkeja mwivwanino mubi udi na bavule pa uno vese wa mu Bible. [Tanga Ngalwilo 1:1.] Bamo bakulupile amba diulu ne ntanda byāpangilwe, ino bakwabo mpikila. Le mbwanya kuyuka molangila’po nobe? [Muleke alondolole.] Bavule badi na nkulupilo mishileshile pa bupangi mwanda bendeji ba bipwilo bafundijanga bintu kebinenenepo Bible. Dino dipepala dileta nshintulwilo ya bine ne ikulupilwa idi mu Bible itala ngalwilo ya diulu ne ntanda.”