“Nkikibwanyapo Monka Kumutana ku Njibo!”

Lelo kashā kwanenene binenwa bidi namino pa yewa muntu walombwele kusangela? Nansha shi walongele bukomo bwa kujokela muntu misunsa ne misunsa, ino wakomenwe kusangila mema pa nkunwa ya bubinebine yowakunine. (1 Ko. 3:6) Kyaba kimo, basapudi ba bwino balembanga mukanda nansha kushiya kakanda munshi mwa kibelo kya muntu obakomenwe kutana ku njibo. Basapudi bamo byobayukile kala bikoleja bikalanga’ko pa kutana muntu monka ku njibo, balombanga nimelo ya telefone, padi na kwipangula amba, “Lelo nobe wituminanga misapu na bantu?” Kujokela’mo kupya kubwanya kubalwa kitatyi kyotupempula muntu nansha kumusapwila kupityila ku mukanda, ku musapu wa ku olodinatele, ku musapu wa ku telefone, ku kushiya kakanda pa kibelo nansha kumwita ku telefone. Nansha shi muntu kavudilepo kutanwa ku njibo, batwe tubwanya kutamija kusangela kwandi.