Tutundailei Beni

Tukulupile amba mu mafuku 23 Kweji 3, kintu kya beni midiyo 12 ne kupita bakāya kutanwa ku Kivulukilo bu beni. Bine bakatambula bukamoni butendelwa pakesambila muneni pa kyabuntu kya Yehova kya kinkūlwa ne pa madyese amoamo a kumeso okikaletela muzo wa muntu! (Isa 11:6-9; 35:5, 6; 65:21-23; Yoa 3:16) Inoko ke enkapo muneni kete ukaleta bukamoni ku uno mukenga wa pa bula. Batwe bonso tubwanya kukwasha’ko na kutundaila beni na kyanga. (Lo 15:7) Tala madingi amoamo.

• Pa kyaba kya kwenda kushikata bitupu, wilaija pasa kushilula mpangiko, tundaila beni ne boba kebakingilangapo na lwimu lwa kyanga kadi bya bulunda

• Nansha byotuta mutyima mpata boba botwityile, ketukilwai bantu bakwabo babwanya kwiya’ko mwanda baityilwe mu kampanye. Nena bapya bashikate pabwipi nobe. Tanga nabo mu Bible obe ne kwimba nabo mu dibuku dyobe dya ñimbo.

• Kupwa kwa dishikulu, witeakanye mwa kulondolwela ku bipangujo byabo. Shi kitatyi kibatyepa mwanda kipwilo kyenu kifwaninwe kushila kipwilo kikwabo kyaba, kwata’ko mpangiko ya kukapempula muntu’wa kupwa kwa mafuku matyetye. Shi kudipo na adelese yandi, ubwanya kunena’mba: “Nsangedile kuyuka mo wamwena ino mpangiko. Tubwanya kwitana namani?”