Ikala na Buswe mu Kisaka

Buswe ye budimbo bulamikilanga kisaka mu bumo. Pampikwa buswe, mu kisaka kemukekalapo bumo nansha ke kumvwañana kwine. Le mulume, mukaji, ne bambutwile babwanya kulonga bika pa kulombola buswe mu kisaka?

Mulume wa buswe utanga mutyima ku bisakibwa bya wandi mukaji, ku muswelo umona wandi mukaji bintu, ne ku mwiivwanino wandi. (Ef 5:28, 29) Usasaketanga kyandi kisaka ku ngitu ne ku mushipiditu, kadi wendejanga Butōtyi bwa Kisaka pampikwa kalengwa. (1Tm 5:8) Mukaji wa buswe ukōkelanga bininge wandi mulume ne kumulēmeka “bulēme bukatampe.” (Ef 5:22, 33; 1Pe 3:1-6) Kadi ba mulume ne mukaji abo bonso bubidi bafwaninwe kwilekela na mutyima umo. (Ef 4:32) Bambutwile ba buswe batanga mwana ne mwana mutyima ne kumufundija asanswe Yehova. (Kup 6:6, 7; Ef 6:4) A mbutwile le bobe bana bekondanga na bikoleja’ka ku masomo? Le i muswelo’ka obōmininanga kuningilwa na bakwabo? Shi buswe i bukutyile kisaka mu bumo, nabya muntu ne muntu mu kisaka ukemona bu i mukingwe kadi udi mu mutyima-ntenke.

TALAI VIDEO LOMBOLAI MU KISAKA BUSWE KEBUKANKALWANGAPO, KUPWA LONDOLOLAI BINO BIPANGUJO:

• 

  Le mulume wa buswe wikalanga namani na wandi mukaji, ne ulombolanga namani amba umusenswe?

• 

  Le mukaji wa buswe ulombolanga namani amba ulēmekele wandi mulume bikatampe?

• 

  Le bambutwile ba buswe bakomanga namani Kinenwa kya Leza mu babo bana?