Yehova Witukwashanga Potudi mu Byamalwa

Mu ano mafuku a mfulo, tutanwanga na makambakano. Mu kitatyi kimo tubwanya kumona’mba ketubwanyapo kwiominina. Inoko, shi twendelele kufwena Yehova uketukwasha tuminine makambakano otwikonda nao nansha shi amweka bu makomo namani. (Isa 43:2, 4) Pano i muswelo’ka otubwanya kufwena Yehova potudi mu makambakano?

Milombelo. Shi tupungulwila Yehova byonso bidi ku mutyima, nabya uketupa bukomo bwa kūminina ano makambakano.​—Fid 4:6, 7; 1Ts 5:17.

Kupwila. Kino kyo kitatyi kine kyotufwaninwe kudya byakudya bya ku mushipiditu, kubadila’mo ne bufundiji bwitupa Yehova ku kupwila. (Bah 10:24, 25) Nanshi shi twiteakanya biyampe, kutanwa ku kupwila ne kuleta’ko malondololo tukalombola’mba tumwenanga mu bukwashi bwa mushipiditu wa Yehova.​—Kus 2:29.

Kusapula. Kuvudilwa bya kulonga mu busapudi kuketukwasha twikale na mumweno muyampe ne kushala bapyasakane mu uno mwingilo. Kadi kino kiketukwasha tuningije kipwano kyetu na Yehova ne na banabetu.​—1Ko 3:5-10.

TALAI VIDEO, YEHOVA UKAKUTAMBULANGA, KUPWA LONDOLOLAI BINO BIPANGUJO:

• Le i bika byakweshe Malu afwene kudi Yehova mu kitatyi kya makambakano?

  Your answer

• Le Ñimbo ya Mitōto 34:18 yakweshe namani Malu mu kitatyi kya makambakano?

  Your answer

• Le bintu byemwenine Malu bilombola namani amba Yehova witupanga “bukomo butabukile bwikalanga na bantu” potutanwa na makambakano?​—2Ko 4:7

  Your answer