BŪMI BWA BENE KIDISHITU
Yehova Upandijanga Boba ba Mushipiditu Musonsakane
Kyaba kimo batwe bonso twiivwananga bibi. Kwiivwana bibi kekulombolapo amba muntu wazōza ku mushipiditu. Ne kadi bidi, Yehova wālombwele amba wēivwene bibi kitatyi kimo. (Ngo 6:5, 6) Ino bikekala namani shi ketwiivwana bibi bininge kitatyi ne kitatyi nansha kitatyi kyonso?
Lomba Yehova bukwashi. Yehova utele mutyima bininge ku muswelo otwiivwana. Aye uyukile biyampe kitatyi kyotudi na nsangaji ne kyotwiivwana bibi. Wivwanijanga kine kyalengeja tulange nansha twiivwane motwiivwanina’mwa. (Ñi 7:9b) Kya mvubu kutabuka, Yehova witutele mutyima kadi ubwanya kwitukwasha tulwe na mwiivwanino mubi ne kutyumukwa mutyima.—Ñi 34:18.
Kinga ñeni yobe. Kwiivwana bibi kubwanya kwitonena nsangaji ne bulunda bwetu na Yehova. Nanshi i biyampe tukinge mityima yetu—ke muntu wetu wa munda kadi.—Nki 4:23.
TALAI VIDEO MWIKADILANGA BANABETU MU NDOE POBEKONDA NA KUTYUMUKWA MUTYIMA, KUPWA LONDOLOLAI BINO BIPANGUJO:
Le i bika byaloñanga Nikki byamukwashanga alwe na kutyumukwa mutyima?
Mwanda waka Nikki wamonenga’mba usakilwa kukamona muñanga?—Mat 9:12
Le Nikki walombolanga namani amba ukulupile mu bukwashi bwa Yehova?