Bintu Bibi Bitambanga ku Mavita

“Potwikalanga ku mavita tumonanga’ko mufwila bantu, bakwabo nabo batapika bibibibi. Netu tuselanga mutyima kūlu.”—Gary, wa mu Beletanye.

“Masashi ankwete mu mongo ne mu mpala, kadi namwene bantu bavule bafwa, banuke ne banunu. Divita ditumishanga mutyima ketukityinapo masusu ne lufu.”—Wilmar, wa mu Kolombi.

“Shi abaase muntu mu meso obe, ukanza nyeke kumona mu ñeni mwadidila ne mwafwila, kukebilwapo nansha dimo.”—Zafirah, wa mu États-Unis.

“Nalangile amba nkikekalapo monka na nsangaji. Nadi na moyo amba nsa kufwa, inoko kibi kutabukidila nadi ntyina amba ba mu kyami kisaka nansha balunda nami babwanya kufwa.”—Oleksandra, wa mu Ikrene.

“Nadi ngivwana moyo mwanda twadi twimana ku mulongo tutambula byakudya tamba 2:00 ya ku lubanga kutūla ku 23:​00, koku tuyukile amba masashi abwanya kwitukwata kitatyi kyo-kyonso.”—Daler, wa mu Tajikista.

“Bambutwile bami bafwile ku divita nashala mwanā nshiye kwampikwa muntu nansha umo wa kunsenga nansha wa kundela.”—Marie, wa mu Rwanda.