Lelo Mukulupile Mudi Yesu?

En-en. Tukulupile mudi Yesu, mwine wānenene amba: “Ami ne dishinda ne bubine ne būmi. I kutupu wiya kudi Tata poso upityila padi ami.” (Yoano 14:6) Twitabije amba Yesu wātambile mūlu waiya pano panshi ne kupāna būmi bwandi bubwaninine bu kinkūlwa. (Mateo 20:28) Lufu ne lusangukilo lwandi, byo bilengeje boba bamukulupile bakamone būmi bwa nyeke. (Yoano 3:16) Kadi tukulupile amba Yesu pano i Mulopwe wa Bulopwe bwa Leza bwa mūlu, bwine busa kuleta ndoe pano pa ntanda ponso, panopano ponka. (Kusokwelwa 11:15) Inoko, tumumonanga enka na mwānenene aye mwine amba: “Tata untabukile ami bukata.” (Yoano 14:28) Byoketwitabijepo amba Yesu ye Leza Mwinē Bukomo Bonso, o mwanda ketumutōtangapo.