HOSHEA
1 Dîyi dia Yehowa diakalua kudi Hoshea* muana wa Bêli mu matuku a Uziya,+ Yotama,+ Ahaza,+ ne Hezikiya,+ bakalenge ba Yuda,+ ne mu matuku a Yalobama+ muana wa Yoasha,+ mukalenge wa Isalele. 2 Pakatuadija Yehowa kuamba dîyi diende ku butuangaji bua Hoshea, Yehowa wakambila Hoshea ne: “Ndaku, usele mukaji wa ndumba* ne ulele bana ba mu bundumba,* bualu bua bundumba* buloba mbulekele kulonda Yehowa bulekeelamu.”+
3 Nunku, wakaya kusela Gomê muana wa Dibelayama, yeye kuimita, kumulelelaye muana wa balume.
4 Pashishe Yehowa wakamuambila ne: “Muinyika dîna ne: Yizelele,* bualu mu katupa kakese emu nendumbuluishe nzubu wa Yehu+ bua bienzedi bia diela mashi panshi bia Yizelele, ne nentuishe bukokeshi bua nzubu wa Isalele ku ndekelu.+ 5 Dituku adi nentshibule buta bua mikete bua Isalele mu Tshibandabanda* tshia Yizelele.”
6 Yeye wakimita kabidi, kulelaye muana wa bakaji. Pashishe, Yeye wakamuambila ne: “Muinyika dîna ne: Lo-luhama,* bualu tshiakumvuila kabidi nzubu wa Isalele luse to,+ bualu meme nembipate bulelela.+ 7 Kadi nengumvuile nzubu wa Yuda luse,+ ne nembapandishe ku diambuluisha dia Yehowa Nzambi wabu;+ tshiakubapandisha ku diambuluisha dia buta bua mikete, anyi dia muele wa mvita, anyi dia mvita, anyi dia tubalu, anyi dia bendeshi ba tubalu to.”+
8 Yeye mumane kulekesha Lo-luhama dibele, wakimita kabidi, kulelaye muana wa balume. 9 Pashishe, Yeye wakamba ne: “Muinyika dîna ne: Lo-ami,* bualu nuenu kanuena bantu banyi ne meme tshiakuikala wenu to.
10 “Kadi bungi bua bantu* ba Isalele nebuikale bu nsenga ya ku mbuu, idibu kabayi mua kupima anyi kubala.+ Muaba uvuabu babambidile ne: ‘Kanuena tshisamba tshianyi,’+ nebabambile ne: ‘Bana ba Nzambi wa muoyo.’+ 11 Nunku, nebasangishe bantu ba mu Yuda ne ba mu Isalele pamue mu buobumue+ ne nebadisunguile mfumu umue ne nebapatuke mu buloba, bualu dituku dia Yizelele nedikale dinene.+
2 “Ambilayi bana benu ba balume ne: ‘Bantu banyi!’*+
Ne bana benu ba bakaji ne: ‘Wewe mukaji udibu bumvuile luse!’*+
2 Fundayi mamuenu; mufundayi,
Bualu yeye ki mmukajanyi+ ne meme tshiena bayende to.
Yeye udi ne bua kumbusha bundumba* buende kudiye
Ne masandi ende pankatshi pa mabele ende,
3 Tshianana nemmushiye butaka ne nemmushiye bu mu dituku divuabu bamulele,
Mmuvuija bu tshipela,
Mmushiya bu buloba budi kabuyi ne mâyi,
Mmushipesha ne nyota.
4 Tshiakumvuila bana bende luse to,
Bualu mbana ba mu bundumba.*
5 Bualu mamuabu mmuende bundumba.*+
Yeye uvua mubimite mmuenze malu a bundu,+ bualu wakamba ne:
‘Nendonde bananga banyi badi banzukila,+
Badi bampesha biakudia bianyi ne mâyi anyi,
Tshilamba tshianyi tshia miosa ya mikoko ne tshilamba tshianyi tshia line, mafuta anyi ne bia meme kunua.’
6 Nunku nenkukangile njila webe ne lupangu lua mêba;
Ne nemmujudile tshimanu tshia dibue,
Bua yeye kamonyi njila yende to.
7 Yeye nealondakaje bananga bende bavua bamuzukila, kadi kakubapeta+ to;
Neabakebe, kadi kakubamona to.
Pashishe yeye neambe ne: ‘Nempingane kudi bayanyi wa kumpala,+
Bualu mvua bimpe tshikondo atshi kupita mundi mpindieu.’+
8 Kavua mujingulule ne: meme ke uvua mumupeshe ntete,+ mvinyo mupiamupia ne mafuta,
Kabidi ne: meme ke uvua mumupeshe arjan wa bungi
Ne or, bivuabu benze nabi mudimu bua Bâla+ to.
9 ‘Nanku, nempingane ne nengumbushe ntete yanyi tshikondo tshiayi
Ne mvinyo wanyi mupiamupia tshikondo tshiende,+
Ne nendiapule tshilamba tshianyi tshia miosa ya mikoko ne tshilamba tshianyi tshia line bivua bia kujika nabi butaka buende.
10 Mpindieu, nenshiye bitupa biende bia lulelu patoke ku mêsu kua bananga bende badi bamuzukila,
Ne muntu nansha umue kakumusungila mu tshianza tshianyi.+
11 Nentuishe disanka diende dionso ku ndekelu,
Bibilu biende bia masanka,+ bibilu biende bia dibala dia ngondo, nsabatu yende, ne bikondo biende bionso bia bibilu.
12 Nemmunyangile mionji yende ya tumuma tua mvinyo ne mitshi yende ya mfigi ivuaye wamba bua bualu buayi ne:
“Aa mmafutu anyi avuabu bampeshe kudi bananga banyi badi banzukila”;
Nembivuije ditu,
Ne nyama ya tshisuku ya mu mpata neibidie.
13 Nemmulumbuluishe bua matuku avuaye mulambule mpingu ya Bâla milambu,+
Pavuaye udilengeja ne tukanu tuende ne bilengejilu ne ulondakaja bananga bende bavua bamuzukila,
Ne meme ke uvuaye mupue muoyo,’+ ke mudi Yehowa wamba.
14 ‘Nanku nemmufikishe ku ditaba,
Nenye nende mu tshipela,
Ne nengakule bua kupeta muoyo wende.
15 Kubangila anu ku tshikondo atshi nemmupingajile madimi ende a tumuma tua mvinyo,+
Ne Tshibandabanda* tshia Akola+ bu tshibuelelu tshiende tshia ku ditekemena;
Yeye neafidilamu diandamuna bu mu matuku a ku bunsongakaji buende,
Bu dituku divuaye mupatuke mu buloba bua Ejipitu.+
16 Dituku adi,’ ke mudi Yehowa wamba,
‘Wewe neumbikile ne: Bayanyi, ne kuakumbikila kabidi ne: Mfumuanyi’* to.
18 Mu dituku adi nembapungile tshipungidi ne nyama ya tshisuku ya mu mpata,+
Ne nyunyi ya muulu ne bintu bidi bidikoka panshi;+
Nengumbushe buta bua mikete, ne muele wa mvita, ne mvita mu buloba,+
19 Nenkubangile bua kukusela bua kashidi;
Ne nenkubangile mu buakane ne mu kulumbulula kuakane,
Mu dinanga dia lulamatu ne mu luse.+
20 Nenkubangile mu lulamatu,
Ne wewe neumanye Yehowa bushuwa.’+
21 ‘Mu dituku adi nengandamune,’ ke mudi Yehowa wamba,
‘Nengandamune dilomba dia diulu,
Ne diodi nediandamune dilomba dia buloba;+
22 Buloba nebuandamune dilomba dia ntete ne mvinyo mupiamupia ne mafuta;
23 Nemmukune mu buloba bu dimiinu bua bualu buanyi,+
Ne nemmumvuile luse yeye uvuabu kabayi bumvuile luse;*
Nengambile bantu badi kabayi tshisamba tshianyi* ne: “Nudi tshisamba tshianyi.”+
Ne bobu nebambe ne: “Wewe udi Nzambi wetu.”’”+
3 Pashishe, Yehowa wakangambila ne: “Ndaku kabidi, unange mukaji udibu banange kudi mulume mukuabu ne udi wenda masandi,+ anu bu mudi Yehowa munange bantu ba Isalele+ padibu eku baya kudi nzambi mikuabu+ ne bananga mikata ya tumuma tua mvinyo.”*
2 Nunku, ngakamupeta ku bitupa 15 bia arjan ne tshipiminu tshimue ne tshitupa tshia homer * wa orje. 3 Pashishe ngakamuambila ne: “Neushale wanyi meme matuku a bungi. Kuena ne bua kuenda bundumba* to, ne kuena ne bua kulala ne mulume mukuabu to, ne meme nenkuenzele malu mushindu wa muomumue.”*
4 Bidi nanku bualu bantu ba mu Isalele nebashale tshikondo tshile* kabayi ne mukalenge,+ kabayi ne mukokeshi, kabayi ne mulambu, kabayi ne dikunji, kabayi ne efoda+ ne mpingu ya telafima* to.+ 5 Pashishe, bantu ba Isalele nebapingane, nebakebe Yehowa Nzambi wabu+ ne Davidi mukalenge wabu,+ nebalue kudi Yehowa ne ku buimpe buende ku ndekelu kua matuku benda bazakala.+
4 Umvuayi dîyi dia Yehowa, nuenu bantu ba Isalele,
Bualu Yehowa udi tshilumbu ne bantu badi basombele mu buloba ebu,+
Bualu kakuena bulelela anyi dinanga dia lulamatu peshi dimanya dia Nzambi mu buloba ebu to.+
2 Mitshipu ya mafi, dishima+ ne dishipangana+
Ne buivi ne masandi+ mbitangalake,
Ne tshienzedi tshimue tshia diela mashi panshi tshidi tshilonda tshienzedi tshikuabu tshia diela mashi panshi.+
3 Ke bualu kayi buloba nebudile+
Ne muntu yonso udi musombelamu neanyane;
Nyama ya tshisuku ya mu mpata ne nyunyi ya muulu,
Too ne mishipa ya mu mâyi, nebifue.
4 “Kadi muntu nansha umue kaluishanganyi anyi katandishanganyi to,+
Bualu bantu benu badi bu bantu badi baluisha muakuidi.+
5 Nunku neulenduke munda munya,
Ne muprofete nealenduke nebe, bu badi butuku.
Ne nempuwishe* mamuebe.
6 Nebapuwishe* bantu banyi, bualu kakuena dimanya to.
Bualu wewe udi ubenga dimanya,+
Meme panyi nenkubenge bua kuenji mudimu bu muakuidi wanyi to;
Ne bu muudi mupue mukenji wa* Nzambi webe muoyo,+
Meme nempue bana bebe muoyo.
7 Pavuabu bavula bikole, ke pavuabu batamba kungenzela mpekatu.+
Nenkudimune butumbi buabu bulue bundu.*
8 Badi badia mpekatu ya bantu banyi,
Ne badi ne lukuka lua* tshilema tshiabu.
9 Malu neikale muomumue bua bantu ne bua muakuidi;
Nembalumbuluishe bua njila yabu,
Ne nembatumine bipeta bia bienzedi biabu.+
10 Nebadie, kadi kabakukuta to.+
Nebalue bena tshiendenda,* kadi kabakuvulangana to,+
Bualu ki mbaleje Yehowa kanemu to.
11 Bundumba* ne mvinyo, ne mvinyo mupiamupia
Bidi biumbusha lungenyi lua kuenza tshidi tshiakane.*+
12 Bantu banyi badi bakonka malu kudi mpingu yabu ya mitshi,
Benza malu adi dikombo diabu* dibambila;
Bualu lungenyi lua bundumba* ludi lubapambuisha,
Ne bua bundumba* buabu badi babenga kukokela Nzambi wabu.
13 Badi balambula milambu pa nsongo ya mikuna minene,+
Ne badi bafuimisha muishi wa milambu pa mikuna mikese,
Muinshi mua mitshi ya nsanga, ne mitshi ya stirakse, ne mutshi munene wonso,+
Bualu dileji diayi ndimpe.
Ke bualu kayi bana benu ba bakaji badi benda bundumba*
Ne bakaji ba bana benu badi benda masandi.
14 Tshiakulumbuluisha bana benu ba bakaji bua bundumba* buabu,
Ne bakaji ba bana benu bua masandi abu to.
Bualu balume badi bapatuka ne bakaji ba ndumba
Ne bafila milambu ne ndumba ya ku ntempelo;
Bantu ba nunku badi kabayi ne lungenyi+ nebabutuke.
Kanulu ku Gilegala+ anyi ku Bete-awena,+
Ne kanuditshipi ne: ‘Bushuwa, bu mudi Yehowa ne muoyo!’+ to.
16 Bualu Isalele mmulue ne tshitunu bu ngombe wa tshitunu.+
Mpindieu Yehowa neabalame bu tshimpanga tshia mukoko tshitshidi tshiana mu mpata mualabale* anyi?
17 Efelayima mmudisange ne mpingu.+
Mulekelayi!
Ne bakokeshi bende* mbanange bundu bikole.+
19 Lupepele nelumuvunge* mu mapuapua alu,
Ne nebumvue bundu bua milambu yabu.”
5 “Umvuayi bualu ebu, nuenu bakuidi,+
Teyayi ntema, nuenu ba mu nzubu wa Isalele,
Telejayi, nuenu ba mu nzubu wa mukalenge,
Bualu dilumbuluisha didi dinutangila nuenu;
Bualu nudi buteyi kudi Misepa
Ne bukondo buela Tabô.+
3 Ndi mumanye Efelayima,
Ne Isalele ki mmusokome kumpala kuanyi to.
4 Bienzedi biabu kabiena bikumbana bua bobu kupingana kudi Nzambi wabu to,
Bualu munkatshi muabu mudi nyuma wa bundumba;*+
Ne kabena bitaba Yehowa to.
5 Lutambishi lua Isalele ndumupishe;*+
Isalele ne Efelayima mbalenduke mu tshilema tshiabu,
Ne Yuda mmulenduke nabu.+
6 Bakaya kukeba Yehowa ne tshisumbu tshiabu tshia mikoko ne tshia ngombe,
Kadi kabavua bamupete to.
Yeye uvua mumbuke kudibu.+
7 Mbele Yehowa mâyi ku makasa,+
Bualu bobu mbalele bana ba ku babende.
Mpindieu ngondo neabadie* bobu ne bintu biabu.*
8 Elayi lusengu+ mu Gibea, elayi mpungi mu Lama!+
Elayi lubila lua mvita mu Bete-awena,+ panyima pebe, wewe Benyamina!
9 Wewe Efelayima, neulue tshintu tshidi tshikuatshisha buôwa mu dituku dia dinyoka.+
Ndi mumanyishe malu alua kuenzeka bushuwa munkatshi mua bisa bia Isalele.
10 Bakokeshi ba Yuda badi anu bu bantu badi batentemuna mukalu.+
Nembapongoluele tshiji tshianyi tshikole anu bu mâyi.
11 Efelayima mmukengesha ne muzaza kudi dilumbuluisha,
Bualu uvua mudisuike bua kulonda muluishi wende.+
12 Nunku meme mvua bu tshishi tshia mbumbu kudi Efelayima
Ne bu dibola kudi nzubu wa Yuda.
13 Pakamona Efelayima disama diende, ne pakamona Yuda mputa wende,
Efelayima wakaya kudi Ashû,+ kutumaye batuadi ba mukenji kudi mukalenge munene.
Kadi yeye kavua mua kunuondopa,
Ne kavua mua kumisha mputa wenu to.
14 Bualu nengikale bu muana wa ntambue kudi Efelayima,
Ne bu ntambue wa bukole* kudi nzubu wa Yuda.
15 Nenye ne nempingane muaba wanyi too ne padibu bambula bipeta bia tshilema tshiabu,
Padibu mu dikenga, nebankebe.”+
6 “Luayi tupinganayi kudi Yehowa,
Bualu yeye mmutusunsule,+ kadi neatuondope.
Yeye wakatukuma, kadi neasuike mputa yetu.
2 Neatupeshilule muoyo panyima pa matuku abidi.
Dituku disatu neatujule,
Ne netuikale ne muoyo kumpala kuende.
3 Netumanye, netukebe bua kumanya Yehowa ne muoyo mujima.
Dipatuka diende ndijadikibue anu bu kutshia kua butuku;
Yeye nealue kutudi bu mvula witshikila,
Bu mvula wa ndekelu udi utalaja buloba bikole.”
4 “Nenkuenzele tshinyi, wewe Efelayima?
Nenkuenzele tshinyi, wewe Yuda?
Bualu dinanga dienu dia lulamatu didi bu matutu a mu dinda,
Bu lumuma ludi lujimina lukasa.
Ne mêyi andi nkulumbuluisha nawu neakenke bu butoke.+
6 Bualu ndi nsanka bua dinanga dia lulamatu,* ki mbua mulambu nansha,
Ne ndi nsanka bua dimanya dia Nzambi pamutu pa milambu ya kuosha mijima.+
7 Kadi bobu mbashipe tshipungidi+ bu bantu betu ba patupu aba.
Mbangele mâyi ku makasa mu bualu ebu.
9 Tshisumbu tshia bakuidi tshidi anu bu bisumbu bia benzavi badi baalamina bua kukuata muntu.
Badi bashipangana mu njila pabuipi ne Shekeme,+
Bualu tshikadilu tshiabu ntshia bundu.
10 Ndi mumone bualu bubi butambe mu nzubu wa Isalele.
11 Kabidi, wewe Yuda, mbakutekele tshikondo tshia dipuola dia bintu,
Pandi mpingaja bakuatshibue ba mu bantu banyi.”+
7 “Mu tshikondo tshindi ne bua kuondopa Isalele,
Tshilema tshia Efelayima tshidi tshiedibua patshi patoke,+
Ne malu mabi a Samalea.+
Bualu badi bakula anu malu a dishima;+
Bivi badi babumbula nzubu ne bisumbu bia benzavi bidi bibundangana pambelu.+
2 Kadi kabena bamba mu muoyo wabu ne: meme nemvuluke malu mabi abu onso.+
Mpindieu bienzedi biabu mbibanyunguluke;
Bidi buludiludi kumpala kuanyi.
3 Badi basankisha mukalenge ku malu mabi abu,
Ne bakokeshi ku dishima diabu.
4 Buonso buabu mbena masandi,
Batema bu mfulu mutemesha kudi muoshi wa mampa,
Udi ulekela kusonsola kapia yeye mumane kusopa bukula too ne padibu butuntumuka.
5 Mu dituku dia mukalenge wetu, bakokeshi mbasame,
Mbafiike munda bikole bua bualu bua mvinyo.+
Yeye mmuoluele basekianganyi tshianza tshiende.
6 Bualu badi basemena ne mioyo itema bu mfulu.*
Muoshi wa mampa udi ulala butuku bujima;
Mu dinda mfulu udi ulakuka bu kapia kadi kalakuka.
7 Buonso buabu mbakuate kapia bu mfulu,
Ne badi badia bakokeshi* babu.
8 Efelayima udi udisangisha ne bisamba.+
Efelayima udi bu mukata wa tshijengu mushale kawuyi mukudimuna.
9 Benyi mbadie bukole buende,+ kadi yeye kena umanya bualu ebu.
Ne nsuki yende mmilue mitoke, kadi yeye kena umanya bualu ebu.
10 Lutambishi lua Isalele ndumutuishe,+
Kadi bobu ki mbapingane kudi Yehowa Nzambi wabu,+
Ki mbamukebe nansha mudiku malu onso aa.
11 Efelayima udi bu nyunyi wa nkutshi mutatakane udi kayi ne lungenyi lujalame.*+
Bobu mbele Ejipitu dîyi;+ mbaye ku Ashû.+
12 Kuonso kudibu baya, meme nembele bukondo buanyi.
Nembatulule panshi bu nyunyi ya muulu.
Nembanyoke bilondeshile didimuija diakadimuijabu tshisumbu tshiabu.+
13 Diakabi diabu, bualu mbannyeme!
Kabutu kabakuate, bualu mbashipe mikenji yanyi!
Nkavua pabuipi bua kubakuula, kadi mbanshiminyine malu.+
14 Kabavua bambikile ne muoyo wabu bua kubambuluisha,+
Nansha muvuabu batungunuke ne kuela kabobo ka muadi pa malalu abu.
Bua lutete luabu ne mvinyo wabu mupiamupia nebaditape;
Badi bankudimukila.
15 Nansha mumvua mubanyoke ne mukoleshe maboko abu,
Badi banduisha, bapangadija malu mabi.
16 Bavua bashintulule njila, kadi ki mbafike ku tshintu tshitumbuke* nansha tshimue to;
Kabavua ba kueyemena anu bu buta bua mikete butekete.+
Bakokeshi babu nebakuluke ku muele wa mvita bua ndimi yabu ya bupote.
Bua bualu ebu nebalue tshintu tshia kusekabu mu buloba bua Ejipitu.”+
8 “Teka mpungi ku mishiku yebe!+
Muntu udi ulua bu nyunyi wa mukanku bua kuluisha nzubu wa Yehowa,+
Bualu bobu mbanyange tshipungidi tshianyi+ ne mbashipe mikenji yanyi.+
2 Badi bandidila ne: ‘Nzambi wetu, tuetu, Isalele, tudi bakumanye!’+
3 Isalele mmubenge malu adi mimpe.+
Muena lukuna amulondakaje.
4 Mbateke bakalenge, kadi kabiyi ku butuangaji buanyi.
Mbateke bakokeshi, kadi meme tshivua mubamanye to.
5 Mbabenge muana wa ngombe webe, wewe Samalea.+
Tshiji tshianyi tshidi tshibatemena.+
Nebapangile kuikala kabayi ne tshilumbu* too ne dîba kayi?
6 Bualu yeye udi ufumina kudi Isalele.
Nsenda wakamuenza, ne kena Nzambi to;
Muana wa ngombe wa Samalea nebamusunsule.
7 Bualu bobu badi bakuna lupepele,
Ne nebapuole tshipepele tshikole.+
Tshikolakola nansha tshimue katshiena tshipatula ntete idi mikole;*+
Tshintu tshionso tshidi tshitoloka katshiena tshipatula bukula.
Tshintu tshiotshi tshikuame, bantu ba ku babende* nebatshimine.+
8 Nebamine Isalele.+
Mpindieu, bobu nebikale munkatshi mua bisamba+
Bu luesu ludi kaluyi ne mushinga.
9 Bualu mbabande ku Ashû+ bu mpunda wa tshisuku wa tshienda nkaya.
Efelayima mmuangate bananga bende ku mudimu.+
10 Nansha mudibu babangata ku mudimu munkatshi mua bisamba,
Mpindieu nembasangishe pamue;
Nebatuadije kukenga+ bua bujitu budibu babambike kudi mukalenge ne bakokeshi.
11 Bualu Efelayima mmuvudije bioshelu bua kuenza mpekatu.+
Mbilue bioshelu biende bua kuenza mpekatu.+
13 Badi bandambula mapa a mulambu, ne badia munyinyi,
Kadi Yehowa kena usanka bua bintu ebi to.+
Mpindieu nemvuluke tshilema tshiabu ne nembapeshe dinyoka bua mpekatu yabu.+
14 Isalele mmupue Mufuki wende muoyo+ ne mmuibake ntempelo ya bungi,+
Yuda mmuvudije bimenga bikolesha.+
Kadi nentume kapia mu bimenga biende,
Ne koku nekoshe nzubu ya tshimenga ne tshimenga.”+
9 “Kusanki, wewe Isalele,+
Kuenji malu ne disanka bu bukua bantu.
Bualu, bua bundumba* udi mupambuke kudi Nzambi webe.+
Udi munange mafutu a ndumba pa muaba wonso wa kushipuila ntete.+
2 Kadi muaba wa kushipuila ntete ne tshikaminu tshia mvinyo kabiakubadiisha to,
Ne neapangile mvinyo mupiamupia.+
3 Kabakutungunuka ne kusombela mu buloba bua Yehowa to;+
Kadi Efelayima neapingane mu Ejipitu,
Ne bobu nebadie tshintu tshia bukoya mu Ashû.+
Badi bu biakudia bia madilu;
Bonso badi babidia nebadinyange.
Bualu biakudia biabu bidi buabu bobu nkayabu;*
Kabiakubuela mu nzubu wa Yehowa to.
5 Ntshinyi tshinuenza mu dituku dia masangisha,*
Mu dituku dia tshibilu tshia Yehowa?
6 Bualu monayi! bobu nebikale ne bua kunyema bua kabutu.+
Ejipitu neabasangishe pamue,+ ne Mempi neabajiike.+
Mpesa neyangate bintu biabu bia mushinga bia arjan,
Ne tumitshi tua mêba netuikale mu ntenta yabu.
Muprofete nealue mutshimbakane, ne muntu muenzeja ku nyuma neapale;
Bualu, bubi buebe mbuvule, ne lukuna ludibu bakukuatshile nduvule.”
8 Nsentedi+ wa Efelayima uvua ne Nzambi wanyi.+
Kadi mpindieu, njila yonso ya baprofete bende+ idi bu mateyi a tshilembi tshia nyunyi;
Lukuna ludi mu nzubu wa Nzambi wende.
9 Mbadiine mu kabutu, bu mu matuku a Gibea.+
Yeye neavuluke tshilema tshiabu ne neabapeshe dinyoka bua mpekatu yabu.+
10 “Ngakapeta Isalele bu tumuma tua mvinyo mu tshipela.+
Bu tumuma tua kumpala tua mfigi ya ntuadijilu ku mutshi wa mfigi, ngakamona bankambua benu.
Kadi bakaya kudi Bâla wa Peô;+
Bakadifila kudi tshintu tshia bundu,*+
Ne bakalua bantu ba muendi bua tshintu tshivuabu banange.
11 Butumbi bua Efelayima mbubuuke bu nyunyi;
Kakuena dilela dia bana, dikala ne difu dia muana, anyi dimita dia difu to.+
12 Nansha bobu bakoleshe bana,
Nembashipelabu too ne padiku kakuyi kushala muntu nansha umue;+
Bushuwa, diakabi diabu pandi ngumbuka kudibu!+
13 Efelayima, uvuabu bakune mu mpata wa kudishila nyama, uvua kundi bu Tulo;+
Mpindieu Efelayima udi ne bua kupatuka ne bana bende ku dishipibua.”
14 Yehowa wanyi, ubapeshe tshiudi ne bua kubapesha;
Difu didi ditula ne mabele mume* pa tshiadi.
15 “Malu mabi abu onso avua mu Gilegala,+ bualu ngakalua kubakinyina muomu amu.
Nembipate mu nzubu wanyi bua bienzedi biabu bibi.+
Tshiakubananga kabidi to;+
Bakokeshi babu bonso badi ne mutu mukole.
16 Efelayima neakumibue.+
Muji wabu newume, ne kabakukuama mamuma to.
Nansha bobu balele, nenshipe bana babu bananga.”
17 Nzambi wanyi neababenge,
Bualu bobu ki mbamuteleje to,+
Ne nebalue banyemakanyi munkatshi mua bisamba.+
10 “Isalele udi muonji wa tumuma tua mvinyo munyanguke* udi ukuama tumuma tuawu.+
Padi tumuma tuende tuvula, yeye udi uvudija bioshelu biende;+
Padi buloba buende bupatula bintu bimpe menemene, makunji ende a tshijila adi alengela bikole.+
2 Muoyo wabu udi ne lubombo;*
Mpindieu nebalue bena tshibawu.
Kudi muntu watshibula bioshelu biabu ne wupula makunji abu.
3 Mpindieu bobu nebambe ne: ‘Katuena ne mukalenge,+ bualu katuena batshine Yehowa.
Ne ntshinyi tshidi mukalenge mua kutuenzela?’
4 Badi bakula biakulakula, baditshipa mitshipu ya dishima,+ ne badia bipungidi;
Nunku dilumbuluisha didi dipatuka didi bu bisonsa bia mulungu mu mabula a mu budimi.+
5 Bantu badi basombele mu Samalea nebatshine lupingu lua muana wa ngombe lua ku Bete-awena.+
Bantu balu nebaludile,
Anu muadilabu kudi bakuidi ba nzambi wa ku babende bavua basanke bua bualu bualu, ne bua butumbi bualu,
Bualu nelumbuke kudibu luya ku babende.
6 Nebaye nalu ku Ashû bu dipa dia mukalenge munene.+
Efelayima neafuishibue bundu,
Ne Isalele neakuatshike bundu bua lungenyi luvuaye mulonde.+
8 Miaba mitumbuke ya ku Bete-awena,+ mpekatu wa Isalele,+ neyibutudibue.+
Mêba ne bisonsa bia nyiny’a tshisonga* nebitoloke pa bioshelu biabu.+
Bantu nebambile mikuna minene ne: ‘Tubuikilayi!’
Ne nebambile mikuna mikese ne: ‘Tupukilayi!’+
9 Udi muenze mpekatu katshia ku matuku a Gibea,+ wewe Isalele.
Mbatungunuke kuoku aku.
Mvita kayivua mikuate* bana ba malu mabi mu Gibea to.
10 Nembanyoke kabidi pandi musue.
Ne bukua bantu nebudisangishe bua kubaluisha,
Padibu basuikakaja bilema biabu bibidi kudibu.*
11 Efelayima uvua bu lukungulu lua ngombe lulongesha luvua lunange kushipula,
Nunku ngakepula nshingu walu muimpe.
Mpindieu nengenze bua muntu endeshe* Efelayima.+
Yuda neadime; Yakoba neamubunduluile buloba.
12 Dikunyinayi ntete mu buakane ne puolayi dinanga dia lulamatu.
Dimayi buloba buimpe+
13 Kadi nudi badime malu mabi,
Nudi bapuole malu adi kaayi makane,+
Ne nudi badie mamuma a didinga;
Bualu nudi beyemene njila wenu,
Ne musumba wa bena mvita benu.
14 Diyoyo nedijukile tshisamba tshienu,
Ne bimenga bienu bikolesha nebibutudibue bionso,+
Bu kubutula kua nzubu wa Âbela kudi Shalamana,
Mu dituku dia mvita pavuabu basunsule bamamu pamue ne bana babu.
15 Ke tshiakuenzelabu, wewe Betele,+ bua malu ebe mabi menemene.
Bushuwa nebashipe* mukalenge wa Isalele patshiatshia.”+
Bakatungunuka ne kulambula mpingu ya Bâla milambu+
Ne bakatungunuka ne kulambula mpingu misonga milambu.+
3 Kadi meme ke uvua mulongeshe bena Efelayima mua kuenda,+ mbambula mu maboko anyi;+
Kadi kabavua bitabe ne: meme ke uvua mubondope to.
4 Ngakatungunuka ne kubakoka ne mionji ya bantu,* ne nshinga ya dinanga;+
Ne mvua kudibu bu muntu udi umbusha tshikokedi ku mbanga yabu,
Ne ngakatuadila yonso wa kudibu biakudia ne bulenga buonso.
5 Kabakupingana mu buloba bua Ejipitu to, kadi Ashû neikale mukalenge wabu,+
Bualu bavua babenge bua kupingana kundi.+
6 Muele wa mvita newunyunguluke bua kuluisha bimenga biende,+
Newubutule milonda yende ne newubidie bua lungenyi lubi ludibu baluka.+
7 Bantu banyi mbadisuike anu bua kubenga kuikala ne lulamatu kundi.+
Nansha muvuabu bababikile kuulu,* muntu nansha umue kena ujuka.
8 Mmunyi mundi mua kukulekela, wewe Efelayima?+
Mmunyi mundi mua kukufila mu bianza bia baluishi bebe, wewe Isalele?
Mmunyi mundi mua kukuenzela malu bu Adema?
Mmunyi mundi mua kukuvuija bu Seboyima?+
9 Tshiakuitshikija tshiji tshianyi tshikole.
Tshiakubutula kabidi Efelayima to,+
Bualu meme ndi Nzambi, tshiena muntu to,
Wa Tshijila udi munkatshi muenu;
Ne tshiakulua kabidi kuudi ne tshiji tshikole to.
10 Nebalonde Yehowa, ne yeye neakungule bu ntambue;+
Padiye ukungula, bana bende nebalue bazakala bafumina ku ouest.+
11 Nebazakale bu nyunyi padibu bapatuka mu Ejipitu,
Bu nyunyi wa nkutshi padibu bapatuka mu buloba bua Ashû;+
Ne nembasombeshe mu nzubu yabu,” ke mudi Yehowa wamba.+
12 “Efelayima mmunnyunguluke ne mashimi,
Ne nzubu wa Isalele mmunnyunguluke ne mafi.+
12 “Efelayima udi udia lupepele.
Udi wipata lupepele lua ku est dituku dijima.
Udi uvudija mashimi ne tshikisu.
Badi badia tshipungidi ne Ashû+ ne baya ne mafuta ku Ejipitu.+
2 Yehowa udi tshilumbu ne Yuda;+
Yeye neanyoke Yakoba bilondeshile njila yende,
Ne neamufute bilondeshile bienzedi biende.+
4 Yeye wakatungunuka ne kuluangana ne muanjelu ne kutshimunaye.
Wakadila, wakamulomba bua amuleje luse.”+
6 “Nunku pingana kudi Nzambi webe,+
Lama dinanga dia lulamatu ne kulumbuluisha kuakane,+
Ne tekemena Nzambi webe misangu yonso.
7 Kadi mu tshianza tshia ngenda mushinga mudi bipiminu bia dishima;
Yeye mmunange kudiangana bintu ku mashimi.+
Ne mu mudimu wanyi wonso
mukole, kabakusangana bualu bubi anyi bua mpekatu to.’
9 Kadi meme ndi Yehowa Nzambi webe katshia ku buloba bua Ejipitu.+
Nengenze kabidi bua usombele mu ntenta
Bu mu matuku a tshikondo tshisungula.*
10 Ngakakula ne baprofete,+
Ngakavudija bikena kumona biabu,
Ne ngakakula mu nsumuinu ku diambuluisha dia baprofete.
11 Kudi Gilada kudi dishima*+ ne malu adi kaayi malelela.
12 Yakoba wakanyemena mu buloba bua* Alama;*+
Isalele+ wakenzamu mudimu bua mukaji,+
Ne bua mukaji, yeye wakalama mikoko.+
13 Yehowa wakapatula Isalele mu Ejipitu ku diambuluisha dia muprofete,+
Ne bakamulama ku diambuluisha dia muprofete.+
14 Efelayima mmufiikishangane munda bikole menemene;+
Dibanza diende dia mashi ditshidi pambidi pende;
Mukalenge wende neamufute bua tshipendu tshiende.”+
13 “Pavua Efelayima muakule, bantu bavua bazakale;
Yeye uvua mutumbe mu Isalele.+
Kadi wakapia tshibawu bua bualu bua Bâla+ ne wakafua.
2 Mpindieu badi basakidila mpekatu ku mpekatu wabu
Ne benza mpingu ya tshiamu* ne tshiamu tshiabu tshia arjan;+
Badi benza mpingu ne dimanya dionso, mudimu mujima wa bansenda.
Badi bayambila ne: ‘Muntu udi ulambula milambu atue bana ba ngombe mishiku.’+
3 Nunku nebalue bu matutu a mu dinda,
Bu lumuma ludi lujimina lukasa,
Bu bisote bipepula kudi tshipepele tshikole muaba wa dishipuila ntete,
Ne bu muishi upatuka mu
disoso dia musaka wa nzubu.
4 Kadi meme ndi Yehowa Nzambi webe katshia* ku buloba bua Ejipitu;+
Kuvua mumanye Nzambi mukuabu pa kungumbusha meme,
Ne pa kungumbusha meme kakuena mupandishi mukuabu to.+
5 Ngakakumanya mu tshipela,+ mu buloba bua minanga.
6 Bakukuta mpata yabu ya kudishila nyama,+
Bakukuta, ne muoyo wabu wakalua ne lutambishi.
Nunku bakampua muoyo.+
7 Nengikale kudibu bu muana wa ntambue,+
Bu nyama wa nkashama mubutame kumpenga kua njila.
8 Nentuilangane nabu bu nyama wa urse udi mujimije bana bende,
Ne nempande tshiadi tshiabu.*
Nembadie kuoku aku bu ntambue;
Nyama wa tshisuku wa mu mpata neabasunsule.
9 Neakubutule, wewe Isalele,
Bualu udi munkudimukile, mukudimukile muambuluishi webe.
10 Nunku, mukalenge webe udi penyi bua akupandishe mu bimenga biebe bionso,+
Ne bakokeshi* bebe, bauvua muambe bua bualu buabu ne:
‘Mpesha mukalenge ne bakokeshi’?+
12 Tshilema tshia Efelayima ntshikuta;*
Mpekatu wende mmulama mu tshibutshilu.
13 Didinyenga dia pa kulela nedimukuate.
Kadi yeye mmuana udi kayi ne meji;
Kena ulua padi dîba dia kuledibua dikumbana.
Wewe Lufu, tulonda tuebe tudi penyi?+
Wewe Lukita, kubutula kuebe kudi penyi?+
Nebasokoke mêsu anyi luse.
15 Nansha yeye mua kukola munkatshi mua malenge,
Lupepele lua ku est nelulue, lupepele lua Yehowa,
Ludi lulua lufumina mu tshipela, bua kumisha tshina tshiende tshia mâyi ne kukamisha mushimi wende.
Yeye au neapawule tshibutshilu tshia bintu biende bionso bia mushinga.+
16 Samalea neapie tshibawu,+ bualu yeye mmutombokele Nzambi wende.+
Nebakuluke ku muele wa mvita,+
Nebasunsule bana babu,
Ne nebatayishe mafu a bakaji babu badi ne mafu.”
14 “Pingana, wewe Isalele, kudi Yehowa Nzambi webe,+
Bualu wewe udi mulenduke bua tshilema tshiebe.
2 Pinganayi kudi Yehowa ne mêyi aa,
Muambilayi ne: ‘Utubuikidile koku tshilema tshietu+ ne itaba koku tshidi tshimpe,
Ne tuetu netukupeshe butumbi bua ku mishiku yetu+ bu mutudi mua kufila bana ba ngombe.*
3 Ashû kakutupandisha to.+
Katuakubanda pa tubalu+ to,
Ne katuakuambila kabidi mudimu wa bianza bietu ne: “Wewe Nzambi wetu!” to,
Bualu ku diambuluisha diebe badi baleja muana udi mufuishe tatuende luse.’+
4 Nengondope dipanga diabu dia lulamatu.+
5 Nendue bu lumuma kudi Isalele;
Yeye neele bilongo bu tshilongo tshia kapapankole
Ne neatume miji yende muinshi bu mitshi ya mu Lebanona.
6 Matamba ende neasampile,
Bulengele buende nebuikale bu bua mutshi wa olive,
Ne dipembu diende nedikale bu dia Lebanona.
7 Nebasombele kabidi mu dileji diende.
Nebakune ntete ne nebele bilongo bu muonji wa tumuma tua mvinyo.+
Lumu luende* neluikale bu lua mvinyo wa ku Lebanona.
8 Efelayima neambe ne: ‘Mbualu kayi bukuabu bundi nabu ne mpingu?’+
Nengandamune ne nemmulame.+
Nengikale bu mutshi wa jenevriye udi usampila.
Nenupetele mamuma enu kundi.”
9 Nnganyi udi ne meji? Ajingulule malu aa.
Nnganyi udi ne lungenyi? Aamanye.
Bualu njila ya Yehowa mmilulame,+
Ne bantu bakane nebendelamu;
Kadi bashipi ba mikenji nebalendukamu ne nebadishinde.
Tshikepeshilu tshia dîna dia Hoshaya didi diumvuija ne: “Mupandisha kudi Yah; Yah Mmupandishe.”
Anyi “masandi; tshiendenda.”
Anyi “masandi; tshiendenda.”
Anyi “masandi; tshiendenda.”
Diumvuija: “Nzambi neakune dimiinu.”
Anyi “Tshibatabata.”
Diumvuija: “Udibu kabayi bumvuile luse.”
Diumvuija: “Kabena bantu banyi.”
Ku mua.: “bana.”
Tang. dim. mu Hos 1:9.
Tang. dim. mu Hos 1:6.
Anyi “masandi; tshiendenda.”
Anyi “masandi; tshiendenda.”
Anyi “mmuditue mu masandi (tshiendenda).”
Anyi “Tshibatabata.”
Anyi “Bâla wanyi.”
Anyi “nembasombeshe.”
Diumvuija: “Nzambi neakune dimiinu.”
Tang. dim. mu Hos 1:6.
Tang. dim. mu Hos 1:9.
Mmumue ne: idibu benza nayi mudimu mu ntendelelu wa dishima.
Homer uvua mumue ne litre 220. Tang. Tshis. B14.
Anyi “kuditua mu masandi (tshiendenda).”
Anyi “tshiakulala nebe to.”
Ku mua.: “matuku a bungi.”
Anyi “nzambi ya mu dîku; mpingu.”
Anyi “nembutule.”
Anyi “Nebashipe.”
Anyi “dilongesha dia.”
Anyi pamuapa: “Mbakudimune butumbi buanyi meme bulue bundu.”
Anyi “bajula anyima yabu ku.” Tang. Diumv. “Anyima.”
Anyi “bendi ba masandi banene; nebaditue mu bundumba.”
Anyi “Masandi; Tshiendenda.”
Ku mua.: “Bidi biumbusha muoyo.”
Anyi “mulangala wabu wa muena lubuku.”
Anyi “masandi; tshiendenda.”
Anyi “masandi; tshiendenda.”
Anyi “masandi; tshiendenda.”
Anyi “masandi; tshiendenda.”
Anyi “masandi; tshiendenda.”
Ku mua.: “muaba mubululuke.”
Anyi “maluvu a ntete ya blé.”
Anyi “balua bendi ba masandi banene; baditua mu bundumba.”
Ku mua.: “ngabu yende.”
Anyi “nelumukombe.”
Anyi “Badi balekela.”
Anyi “mbaditue bikole.”
Anyi “nembanyoke.”
Anyi “muende masandi; muditue mu bundumba.”
Anyi “masandi; tshiendenda.”
Ku mua.: “ndumutuishe ku mêsu kuende.”
Anyi pamuapa: “Mu ngondo mujima nebabadie.”
Anyi “madimi abu.”
Anyi “muana wa ntambue wa musalala.”
Ku mua.: “mpala wanyi.”
Anyi “bua luse.”
Anyi pamuapa: “Bualu mioyo yabu idi bu mfulu padibu basemena ne mayele abu.”
Ku mua.: “balumbuluishi.”
Ku mua.: “udi kayi ne muoyo wa munda.”
Mmumue ne: ki nku mushindu kampanda mutumbuke wa ntendelelu.
Anyi “bukezuke.”
Anyi “idi mimane.”
Anyi “benyi.”
Anyi “dilongesha dianyi.”
Anyi pamuapa: “nebalukile.”
Anyi “masandi; tshiendenda.”
Anyi “bua anyima wabu bobu.”
Anyi “difesto dienu disungula.”
Anyi “nzambi udi wenza bundu.”
Anyi “mafubidile.”
Anyi pamuapa: “udi mulambe bikole.”
Anyi “busenu; bufinu.”
Ku mua.: “nebapuwishibue.”
Anyi “nsasanganyi.”
Anyi “mibutule butubutu.”
Mmumue ne: padibu bambula dinyoka diabu bu mutshi wa tshikokedi.
Anyi “asuike mikaba pa.”
Ku mua.: “nebapuwishe.”
Mmumue ne: baprofete ne bantu bakuabu bavuabu batuma bua kulongesha bena Isalele.
Anyi “mionji ya buimpe,” bu mionji ya muledi.
Mmumue ne: ku mushindu mutumbuke wa ntendelelu.
Ku mua.: “luse luanyi nduteme.”
Anyi “wenda.”
Mmumue ne: Nzambi.
Anyi “ndîna didibu bamuvulukila.”
Anyi pamuapa: “a tshibilu tshia disanka.”
Anyi “malu a dikema; malu a majimbu.”
Ku mua.: “mpata wa.”
Anyi “Sulia.”
Anyi “mpingu ya tshiamu tshiengulula.”
Anyi “kubangila.”
Ku mua.: “lupangu lua muoyo wabu.”
Ku mua.: “balumbuluishi.”
Anyi “ntshilama.”
Anyi “Sheole,” mmumue ne: lukita lua bukua bantu buonso. Tang. Diumv.
Ku mua.: “tuetu petu netulambule bana ba ngombe ba mishiku yetu.”
Ku mua.: “Tshivulukilu tshiende.”