TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • w93 15/9 dib. 31
  • Nkonko ya babadi

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Nkonko ya babadi
  • Tshibumba tshia Nsentedi tshidi tshimanyisha Bukalenge bua Yehowa—1993
  • Bintu bia muomumue
  • Nulame bimpe ‘ditekemena dia lupandu’ luenu!
    Tshibumba tshia Nsentedi tshidi tshimanyisha Bukalenge bua Yehowa—2000
  • Edi ke dituku dia lupandu!
    Tshibumba tshia Nsentedi tshidi tshimanyisha Bukalenge bua Yehowa—1998
  • Bena nkristo ne bulongolodi bua bantu
    Tshibumba tshia Nsentedi tshidi tshimanyisha Bukalenge bua Yehowa—1997
  • Ntshinyi tshidi Yehowa utulomba lelu?
    Tshibumba tshia Nsentedi tshidi tshimanyisha Bukalenge bua Yehowa—1999
Tangila bikuabu
Tshibumba tshia Nsentedi tshidi tshimanyisha Bukalenge bua Yehowa—1993
w93 15/9 dib. 31

Nkonko ya babadi

Mu Lomo 9:3, mupostolo Paulo wakafunda ne: “Bualu, mvua mua kujinga kutapuludibua bu muntu muela mulawu bua Kristo, bua bana betu, bua balela banyi ku mubidi.” Uvua usua kumvuija bua se: uvua ne bua kulambula muoyo wende bua kupandisha bana babu bena Yuda anyi?

Yezu wakashiya tshilejilu tshimpe tshitambe tshia dinanga. Uvua mudiakaje bua kufila anyima wende, anyi muoyo, bua bukua-bantu bena mpekato. Mu mudimu wende wa buambi bua patoke, wakaditatshisha bua bana babu​—bena Yuda—​bavule kusanganyibuabu pikalaku mushindu munkatshi mua aba bababidila mulambu wende wa tshia-bupikudi. (Mako 6:30-34) Dipapa diabu dia mutshima ne buluishi buabu bua mukenji wa lupandu kabivua mua kutuuyisha nansha kakese dinanga divua nadi Yezu bua bena Yuda. (Matayi 23:37) Ne wakatushila ‘tshilejilu bua tuetu kulonda makasa ende.’​—1 Petelo 2:21.

Kudiku mushindu wa bantu bapange bupuangane kulonda tshilejilu tshia dinanga tshishiya kudi Yezu anyi? Eyowa, ne tudi mua kumona tshilejilu tshia mushindu’eu tshivua mupostolo Paulo mushiye. Uvua uditatshisha bikole bua bana babu bena Yuda, ke kumufikishabi ku diamba bua dinanga divuaye nadi kudibu ne: uvua usua “kutapuludibua bu muntu muela mulawu bua Kristo.”

Apa Paulo udi utumika ne mushindu kampanda wa dizangika, anyi dinekesha, bua kutua mmuenenu wende nyama ku mikolo. Yezu wakatumika ne dizangika dia muomumue mu Matayi 5:18, muambileye ne: “Bualu, bulelela ndi nnuambila ne: diulu ne buloba nebipite, kadi mu Mikenji kakuakupita kaleta kamuepele katambe bukese peshi katupa kamuepele ka dileta ne malu wonso kaayi makumbane.” Yezu uvua mumanye bua se: diulu ne buloba kabiakupita. Kabidi, Paulo kavua ne bua kuedibua mulawu, ne bena Yuda buonso kabavua ne bua kuanyisha buena-nkristo to. Kadi mmuenenu wa Paulo uvua wa se: uvua ne bua kuenza muende muonso bua kuambuluisha bena Yuda bua kubabidila njila udi Nzambi mulongolole bua lupandu, Yezu Kristo. Kabiena bikemesha bua padi mupostolo ukankamija bena nkristo nende ne: “Vuayi bidikiji banyi, bu mundi meme muine muidikiji wa Kristo”!​—1 Kolinto 11:1.

Lelu’eu, bena nkristo badi ne bua kuditatshisha mushindu wa muomumue bu Yezu ne Paulo bua aba badi kabayi bena kuitabuja. Katuena ne bua kulekela dibenga kuleja dijinga dia kumanya bia bungi ne buluishi bua patoke bia kudi bantu mu buambi mu teritware wetu bituuyisha dinanga dietu bua bantu netu ne bitekesha mitalu yetu bua kubambuluisha mua kulonga njila wa lupandu nansha.​—Matayi 22:39.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu