Mandamuna ku nkonko yenu

◼ Mmushindu kayi utudi ne bua kukobelela biamu bia mudimu wa buambi?

¹ Nansha bikalaye ne dileja dilenga dia mu Bible mu lungenyi, ki mbuena kuamba ne: mumanyishi wa lumu luimpe katu misangu yonso ulongolola ne dikobelela biamu bia mudimu biatumikaye nabi to. Padiye ufika ku tshiibi kampanda, udi uvuluka ne: kêna ne mukanda wa kufila mu ngondo utudi. Bibejibeji, broshire ne trakte bidiye nabi mbivungakane peshi bipandike. Bu mudi tshibuta tshiende katshiyi ne bulongame, kêna upeta mutshi wende wa mukanda peshi dibeji dia notes de maison en maison. Bidi bikengela kutabalela biamu bietu bia mudimu kumpala kua kupatuka mu buambi.

² Ntshinyi tshidi ne bua kusanganyibua mu tshibuta tshia mudimu wa buambi tshimana kulongolola bimpe? Bible kêna mua kupangika. kuangata mabeji a notes de maison en maison. Wikala mujadike se: udi ne mukanda wa difila bua ngondo eu. Bibejibeji bipatula mu matuku mashala aa, trakte ne broshire bidi bikengedibue. Uye ne mukanda wa Comment raisonner. Mudimu wetu wa Bukalenge wa ngondo utudi neutuambuluishe bua kuambulula maleja mafila kumpala kua tuetu kuya ku tshiibi kampanda. Mu teritware mudi musanganyibua bantu badi bakula muakulu muenyi, mbimpe kuikala ne broshire wa Une bonne nouvelle pour toutes les nations. Wewe muikale ne umue wa ku mikanda mipatula bua bansonga, newikale mua kuyukidilangana ne mipiankunde.

³ Bionso biwatumika nabio bidi ne bua kulongamijibua bimpe mu tshibuta tshiebe. Kabiena bikengela ne: tshibuta tshikale tshipiatshipia, kadi tshikale tshia mankenda ne katshiyi tshinyanguke. Tshibuta ntshimue tshia ku biamu bitudi tutumika nabi bua kuamba lumu luimpe. Tutshilame mu bulongame.