TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • km 12/95 dib. 6
  • Yehowa udi Mufuki wetu

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Yehowa udi Mufuki wetu
  • Mudimu wetu wa Bukalenge—1995
  • Bintu bia muomumue
  • Ngenyi ya mua kufila bibejibeji ne mikanda mu mudimu wa buambi
    Mudimu wetu wa Bukalenge—2005
  • Dimanya Didi Difuma Kudi Nzambi Didi Diandamuna Ku Nkonko Mivule
    Mudimu wetu wa Bukalenge—1997
  • Tufilayi Lumu Luimpe Ne Mmuenenu Muimpe
    Mudimu wetu wa Bukalenge—1996
  • Tuambuluishayi aba badi bapange ditabuja
    Mudimu wetu wa Bukalenge—1995
Tangila bikuabu
Mudimu wetu wa Bukalenge—1995
km 12/95 dib. 6

Yehowa udi Mufuki wetu

1 Miliyo ya bantu idi yela meji ne: Nzambi mmufuke muoyo. Bavule bakuabu badi bitabuja didimenena dia bintu. Pashishe kudi aba badi bapangile tshia kuitabuja. Mukanda wa La vie: comment est-elle apparue? Évolution ou création? udi wakula bua bantu buonso. Mukanda eu udi ufila diumvuija diondoke dia mushindu wakatuadija muoyo ne tshidibi biumvuija bua matuku etu atshilualua. Netuleje mukanda mulenga eu mu Tshisua-munene.

2 Nansha bantu batumbuke bena sianse ba mu bulongolodi ebu mbamanye bujalame bua mukanda eu. Muena mudimu kampanda wa bukebuludi mu malu a sianse mu Pays-Bas wakafunda ne: “Bushuwa mukanda eu mmupite matekemena wonso. Dilondangana dijalame dia nshapita ne bimfuanyi bidi menemene mu diumvuangana ne malu a sianse, muntu kêna mua kûpindulula, anu’eu udi muikale mpofo.” Mulumbuluidianganyi kampanda wakamba ne: “Ndi mûbale misangu inayi, ndi mukemeshibue bikole pa kumona buondoke bua makebulula ne mudimu wa bushikuluji uvua muambuluishe bua kuenza mukanda eu.” Nenku tudi mua kuikala bashindike se: bantu bakuabu nebanyishe mukanda eu.

3 Imue misangu neusungule dileja dia mu tshikoso dia buena edi:

◼ Bulula mukanda mu dibeji 6 ne amba nunku: “Bantu ba bungi badi bela meji ne: buloba buetu bulenga ebu ne bintu bia muoyo bidipu mbilue ku mpukapuka. Buebe wewe, diumvuija edi ndijalame anyi? [Lekela muntu andamune.] Mianda mivule idi itua ku tshidi Bible wamba bua Mufuki wa bukole butambe, ne kabidi wa dinanga divule. Yeye udi Nzambi mulelela, ne dîna diende n’Yehowa.” Bala Musambu wa 83:18, ne umvuija mu tshikoso ne: dilongolola dia Nzambi ndia kukudimuna buloba bujima mparadizu.

4 Biwasua kulenga lukasa pa bualu, udi mua kuamba ne:

◼ “Ukadiku mudiele lukonko elu anyi?” Leja mutù wa bualu wa mukanda, tangila mu dibeji 7, bala nkonko mijula mu tshikoso 2 ne amba se: mukanda’eu udi ne mandamuna adi asankisha mangatshila mu Bible.

5 Peshi udi mua kuamba ne:

◼ “Ukadiku mudiebeje mushindu utu buloba bufike ku dikalaku anyi? Ba bungi badi bajadika se: mbufume ku ditudika dia bukua-mabulunge. Udi wela meji kayi? [Lekela muntu andamune.] Bible udi ulongesha ne: Nzambi mmufuke buloba bua kuikalabu tshisombedi tshietu tshia kashidi. Mbushilangane ne mabulunge makuabu wonso adi anyunguluka dîba. Ku dietu dimanya, buloba ndibulunge dimu’epele mu bukua-mabulunge didi ne bintu bidi bikengedibua bua muoyo.” Bulula mukanda mu dibeji 130, tangila tshikoso 5 ne umvuija bua tshinyi buloba budi ne bua kuikala amu mudimu wa Muibaki munene.

6 Ngenzelu mukuabu ng’wa kuamba nunku:

◼ “Bamue bantu batu bela meji ne: tudi bafumine ku nsoko-muntu. Bamba ne: bankambua betu bavua bafuanangane ne nsoko-muntu. [Leja tshimfuanyi mu dibeji 89.] Udi wela meji kayi?” Lekela muntu andamune. Wele kashonyi pa bualu buleja mu tshikoso tshia 20, pashishe ubala mu Bienzedi 4:24, emu mbaleje Yehowa bu Mufuki ne Mufidi wa muoyo. “Mukand’eu udi ukonkonona dilongesha dia didimenena pa kuelekeja ne tshidi Bible wamba.” Tangila ku tshikebelu mu dibeji 5, ne sungula bimue biena-bualu, tshilejilu ebi bia nshapita 1, 7, 15 ne 19.

7 Bantu bena muoyo muimpe bavua bashimibue kudi aba bakena ne ditabuja kudi Yehowa nansha mu Dîyi diende nebababidile mukanda wa Création. Mamanyisha mashindikibue kudi mianda adi mu mukanda eu adi mua kuambuluisha bantu aba bua kuleja dianyisha kudi Mufuki wetu, udi utukuba ne dinanga.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu