Bisangilu bia mudimu bua Kasuamansense

Lumingu lua dia 2 Kasuamansense

Musambu wa 203

 Min. 5: Mamanyisha a tshisumbu ne Mamanyisha makanyine a mu Mudimu wetu wa Bukalenge.

Min. 20: “Tuikalayi ne dianyisha bua bitudi nabi.” Mu nkonko ne mandamuna. Pikalaku dîba, ufile imue ngenyi mileja mu Tshibumba tshia Nsentedi tshia mu dia 1 Tshimungu 1990, mabeji 19-20, bikoso 15-20 (fransé).

Min. 20: “Tshibumba tshia Nsentedi ne Réveillez-vous!: Bibejibeji bikumbanyine tshikondo tshietu etshi tshikole.” Diyukidilangana ne bateleji. Ulonda bualu kampanda budi buleja se: bantu badi banyisha bibejibeji. (g91 22/7 dib. 9) Dinaya: Bamanyishi babidi balongolole muntu yonso dileja dimue pa adi mafila aa, peshi makuabu, bilondeshile bibejibeji bidiku, pashishe badi badibidija pamue mua kuenza nabi mudimu.

Musambu wa 219 ne disambila dia nkomenu.

Lumingu lua dia 9 Kasuamansense

Musambu wa 212

Min. 10: Mamanyisha. Luapolo lua tshibutshilu ne disakidila bua mapa matumina Société. Ukankamije muntu yonso bua enza madikolela a pa buawu bua kupatuka mu buambi ku ndekelu kua lumingu elu.

 Min. 20: “Tukubayi buobumue butudi nabu ku diambuluisha dia Bukalenge.” Diyukidilangana ne bateleji.

Min. 15: “Masanka awudi mua kulabula, wewe pebe!” Muyuki. Pikalaku dîba, ulombe bateleji bua kulondabu mianda mikankamiji mimona mu difila Ngumu ya Bukalenge.

Musambu wa 150 ne disambila dia nkomenu.

Lumingu lua dia 16 Kasuamansense

Musambu wa 214

 Min. 5: Mamanyisha ne luapolo pa mudimu wa tshisumbu bua ngondo mushale.

Min. 20: “Kampanda udiku dijinga ne diambuluisha anyi?” Mu nkonko ne mandamuna. Amba mu tshikoso bimue bipatshila bidi bakulu badikolesha bua kukumbaja mpindieu mu mudimu wabu wa bulami bua mikoko. Umvuija tshidi muntu yonso mua kuenza bua kufila diende diambuluisha.

Min. 20: “Tukebululayi aba badi banyisha bua kulongeshibua.” Wakule bua mushinga wa makumbula mapiamapia. Ukankamije bamanyishi bua kutumikabu ne Bible. Dinaya dimue anyi abidi pa kutumika ne maleja mafila.

Musambu wa 197 ne disambila dia nkomenu.

Lumingu lua dia 23 Kasuamansense

Tshisumbu netshilongolole watshi programe pakutangila bidi bikengedibue.

Lumingu lua dia 30 Kasuamansense

Musambu wa 167

Min. 10: Mamanyisha ne Mandamuna ku nkonko yenu.

Min. 15: Bidi tshisumbu tshikengela anyi muyuki muashila pa tshiena-bualu: “Udiku mukankamija muntu kampanda matuku aa anyi?” tshipatula mu Tshibumba tshia Nsentedi tshia mu dia 15 Tshiongo 1995, mabeji 21-3.

Min. 20: Ikalayi ne dilonga dia mu dîku dia pa tshibidilu. Tatu kampanda muena dîku ne mukajende badi banyingalala bua dipanga kulubuluka mu nyuma dileja kudi bana babo. Tatu udi witaba ne: utu ulengulula kulombola dilonga dia mu dîku: pamu’apa mbingu mivule idi mua kupita dîku diende kadiyi dipeta dishidimunyibua dia mu Bible nansha dikese. Badi bakonkonona makankamija ne mibelu bifila mu mukanda wa Manuel pour l’École du ministère théocratique, dibeji 36, bikoso 12-14. Badi bumvuangana bua kupesha dilonga dia mu dîku kaba ka kumpala lumingu luonso ne kabiyi kulekelela midimu mikuabu ilua kudipumbisha.

Musambu wa 142 ne disambila dia nkomenu.