Bisangilu bia mudimu bua Tshisua-munene
Lumingu lua dia 4 Tshisua-munene
Min. 12: Mamanyisha a mu tshisumbu ne mamanyisha makumbanyine a mu Mudimu wetu wa Bukalenge. Akula bua mudimu mu tshidimu tshidi tshituadija etshi; Uvuluije kudi yonso mushinga wa kushala muzanzamuke mu buambi, mu ditantshila bisangilu ne kufila luapolo.
Min. 15: “Yehowa udi utupesha bukole.” Mu nkonko ne mandamuna. Utumike ne ngenyi mipatula mu Tshibumba tshia Nsentedi tshia mu dia 1 Luishi 1992, dibeji 32 (mu fransé).
Min. 18: “Yehowa udi Mufuki wetu.” Diyukidilangana ne bateleji. Manaya a tshilejilu abidi ku diambuluisha dia maleja mafila. Ufile mibelu ya mu tshikoso bua mushindu wa kuenza makumbulula kudi bantu bavua bapeshibue Ngumu ya Bukalenge.
Musambu wa 17 ne disambila dia nkomenu.
Lumingu lua dia 11 Tshisua-munene
Musambu wa 221
Min. 10: Mamanyisha. Luapolo lua tshibutshilu.
Min. 17: “Kristo: tshitembelu bua bansonga.” Mu nkonko ne mandamuna. Ubuejemu imue nseke miangatshila mu Tshibumba tshia Nsentedi tshia mu dia 1 Kabitende 1986, mabeji 4-6 (mu fransé).
Min. 18: “Tuambuluishayi aba badi bapange ditabuja.” Mulombodi kampanda wa dilonga dia mukanda udi ukonkonona tshiena-bualu pamue ne bamanyishi babidi peshi basatu. Udi uleja mushindu wa kutumika ne ngenyi mifila. Pashishe badi benza manaya bua kudibidija ne ditumika ne maleja aa.
Musambu wa 122 ne disambila dia nkomenu.
Lumingu lua dia 18 Tshisua-munene
Min. 10: Mamanyisha. Manaya a tshilejilu abidi peshi asatu a mu tshikoso: Dileja dia bibejibeji bia kutumika nabi lumingu elu mu buambi.
Min. 18: Tulejayi dianyisha kudi bakuabo. Muyuki kudi mukulu, muashila pa tshiena-bualu tshidi mu Tshibumba tshia Nsentedi tshia mu dia 1 Tshisua-munene 1994, mabeji 28-30. Wele kashonyi pa mushinga wa kupa bana betu lumu mu tshisumbu ne kubatabalela ne dinanga.
Min. 17: “Tutumikayi ne dîba dietu biakane.” Mu nkonko ne mandamuna. Pa bidi bitangila dîba dipitshisha mu ditangila televizion, uvuluije ngenyi mifila mu Réveillez-vous! wa mu dia 22 Lumungulu 1991, dibeji 11, pa ka-tshiena-bualu: “De la maîtrise!”[Didikanda!]
Musambu wa 208 ne disambila dia nkomenu.
Lumingu lua dia 25 Tshisua-munene
Min. 15: Mamanyisha. Yukidilanganayi mu tshikoso pa mushinga wa makumbulula. Tshitupa tshinene tshia mudimu wetu wa dilongesha tshidi tshienzeka mu makumbulula atudi tuenza bua kukuba dijinga dileja. Bantu bakese mbadi mua kulubuluka mu nyuma ne mikanda nkayayi. Pa kubenga kualukila bua kubatangila, tudi tujimija muabi mulenga bua kubambuluisha. Makumbulula adi mpokolo wa malonga a Bible. Bamanyishi bavule badi bapeta bipeta bimpe bitambe pa kualukila kutangila bantu panyima pa dituku dimue peshi abidi pamutu pa kuindila lumingu lujima.—Tangila mukanda wa Mudimu wetu, mabeji 88-89.
Min. 15: Mandamuna ku nkonko yenu. Mu nkonko ne mandamuna. Kudi mulombodi wa dilonga dia Tshibumba tshia Nsentedi. Usakidile ngenyi miangatshila mu mukanda wa Manuel pour l’École, mabeji 90-2.
Min. 15: Mikanda ya kuleja mu Tshiongo. Nuyukidilangane pa malu adi mu broshire idi mu stoke wa tshisumbu. Manaya a tshilejilu a mu tshikoso: bamanyishi badi baleja broshire eyi ku nzubu ne ku nzubu. Tshilejilu: Dieu se soucie-t-il vraiment de nous? (Bulula broshire eu mu mabeji 26-7, uleje bimfuanyi ne nuyukile pa mvese mileja idi yakula bua Mparadizu utshilualua.) Quel est le but de la vie? Comment le découvrir? (Bulula broshire mu mabeji 30-1, uleje umue wa ku mvese mifila ne nuyukidilangane pa tshimfuanyi.) Quand la mort frappe un être aimé. . . (Ukoke ntema ya muntu ku nkonko miela mu dibeji 2, pashishe nuyukidilangane pa mvese umue peshi ibidi idi ikolesha mileja mu dibeji 31.) Telela bateleji broshire idi mu stoke wa tshisumbu.
Musambu wa 225 ne disambila dia nkomenu.