Bisangilu Bia Mudimu Bua Tshisanga

Lumingu lua dia 1 Tshisanga

Musambu wa 1

Min. 10: Mamanyisha a mu tshisumbu. Mamanyisha makumbanyine a mu Mudimu wetu wa Bukalenge.

Min. 15: “Beneshayi Yehowa ‘mu bule bua dituku.’ ” Mu nkonko ne mandamuna. Bala bikoso 2-5, bikala dîba koku. Akula bua mudimu wa bumpanda-njila buambuluishi ne bua pa tshibidilu, mu mushindu muibaki ne mukankamiji.

Min. 20: “Filayi bibejibeji mu tshikondo kayi tshionso.” Diyukidilangana pa ngenyi ya nshindamenu. Pashishe wakule bua bimue biena-bualu binudi mua kutumika nabi bua kufila bibejibeji bia matuku mashale aa bidi tshisumbu tshipete. Manaya abidi peshi asatu ku diambuluisha dia maleja mafila mu dibeji 4.

Musambu wa 78 ne disambila dia nkomenu.

Lumingu lua dia 8 Tshisanga

Musambu wa 164

Min. 10: Mamanyisha. Luapolo lua tshibutshilu.

Min. 20: “Tubabidilayi Kalasa ka Mudimu wa Teokrasi bua 1996​—⁠Tshitupa 3.” Muyuki kudi mutangidi wa Kalasa. Kankamija bonso badi mua kukumbana bua badifundishe mu Kalasa, pashishe bua kulongololabu ne lulamatu miyuki mibapesha. Umvuija ngenyi-miludiki bua nshindumuinu wa mêna a mu Bible mifila mu tshiena-bualu etshi. Bua kufila tshilejilu tshia ngenyi-miludiki eyi, udi mua kuangata Luka 3:​23-38 mu nkudimuinu mukomonona [bikalaye mua kupeteka] ne kubala amue mêna matentula buludiludi ku tshiena-Ebelu, bu mudi Yoanân, Salmôn, Qosam, Seroug, ne makuabu.

Min. 15: “Mpuilu wa distrike bua 1996​—⁠Dikepesha dia midimu.” Tshisakidila. Muyuki kudi mutangidi-muludiki muashila pa bikoso 1-5. Ela kashonyi pa masanka adi afumina ku diumbusha dia midimu ya biakudia.

Musambu wa 211 ne disambila dia nkomenu.

Lumingu lua dia 15 Tshisanga

Musambu 6

Min. 10: Mamanyisha. Aba badi balombola malonga a Bible badi ne bua kukankamija balongi babu badi balubuluka bimpe bua kudifundilabu tshipatshila tshia kulua bamanyishi bakena batambule. Baledi badi kabidi mua kuambuluisha bana babu balela bua kuenzabu nunku. Vuluija ngenzelu mumvuija mu mukanda wa Badilongolole bua kuenza mudimu wetu bimpe, mabeji 97-99.

Min. 15: “Mpuilu wa distrike bua 1996​—⁠Dikepesha dia midimu.” Tshisakidila. Bikoso 6-15. Mu nkonko ne mandamuna. Kudi sekretere. Mu nkomenu, ukoke ntema ya bateleji pa kazubu ka “Diambuluisha bua Tshivulukilu.” Ela kashonyi pa mushinga wa kuleja meji pa kutuala mu mpuilu anu biakudia ne bintu bikuabu bidi bikengedibua.

Min. 20: “Tuikalayi ne tshipatshila mu makumbulula etu.” Diyukidilangana didi dizangika bipatshila bia kuikala nabi patudi tuenza makumbulula. Manaya abidi kudi bamanyishi bapiluke.

Musambu wa 100 ne disambila dia nkomenu.

Lumingu lua dia 22 Tshisanga

Musambu wa 131

Min. 5: Mamanyisha.

Min. 20: Bidi tshisumbu tshikengela peshi muyuki kudi mukulu kampanda muashila pa tshiena-bualu: “Diipatshibua: Nndongoluelu wa dinanga anyi?” mupatula mu Tshibumba tshia Nsentedi tshia mu dia 15 Kashipu 1995, mabeji 25-7.

Min. 20: Tulombolayi bantu badi badiakaje bimpe mu bulongolodi. Pa kushindamena pa broshire wa Bantemu ba Yehowa​—⁠Mu buobumue bua kuenza disua dia Nzambi pa buloba bujima, mutangidi wa Mudimu alombole diyukidilangana pankatshi pende ne bamanyishi babidi peshi basatu. Umvuija bua tshinyi bidi ne mushinga bua kumanyisha balongi mushindu udi bulongolodi butumika, mushindu udi midimu yabu mishilashilangane milongolola ne mushindu udibu mua kuyibabidila. Nukonkonone malu adi mu dibeji dia 14 ne dia 15, muinshi mua mutu wa bualu: “Bisangilu bidi bisaka ku dinanga ne ku bienzedi bilenga.” Dinaya dia mu tshikoso dialeja mushindu udi ngenyi eyi mua kukuatshibua nayi mudimu mu diyukidilangana kampanda dia dikumbulula kansanga peshi dilonga dia Bible, ebi, ne tshipatshila tshia kuambuluisha muntu udi muanyishe bua kusungulujaye mushinga wa kubuela mu bisangilu.

Musambu wa 126 ne disambila dia nkomenu.

Lumingu lua dia 29 Tshisanga

Musambu wa 130

Min. 5: Mamanyisha a mu tshisumbu.

Min. 20: “Tutumbishayi Yehowa ne mapa etu a budisuile.” Mu nkonko ne mandamuna, kudi mukulu. Ikala ne musangelu mu dikonkonona dia tshitupa etshi. Mu dikonkonona dia tshikoso 6, mukulu kampanda ne musadidi wa mudimu bayukidilangane pa ngenyi mishindamene pa tshia dikumi, miangatshila mu Tshibumba tshia Nsentedi tshia Tshisua-munene 1992 (wSH 12/92), mabeji 2 ne 3, bikoso bia 8-10 ne dibeji dia 10, tshikoso tshia 16 ne tshia 17. Kankamija bana betu bua kulamabu mu mutshima bualu ebu bua mapa a budisuile bua kukuatshisha mudimu wa Bukalenge.

Min. 20: Enzayi malu mu buobumue mu dîku. Ku diambuluisha dia Tshibumba tshia Nsentedi tshia dia 1 Kabitende 1993, mabeji a 16-19, mu nsombelu wa musangelu, tatu udi uyukidilangana ne dîku diende pa mushinga wa kuenza malu mu buobumue. Ushindamije ntema yebe pa dilonga ne pa dipatuka mu buambi pamue mu dîku. Ela kashonyi pa bualu bua se: mêku a “matuku etu aa” adi abuluka bualu benamu batu anu ne mêba makese bua kusomba pamue ne kabena benza malu mu buobumue. Bena mu dîku dia bena nkristo badi ne disanka dia kulonga Dîyi dia Nzambi ne kuenza mudimu popamue. Wele kashonyi pa dikengedibua didiku bua tatu kulongololaye bimpe midimu eyi ne bua mamu kumuambuluishaye. Bana badi ne bua kutabalela malu a mu nyuma ne kutamba kueleshangana diboko ne baledi babu. Dîku neditambe kuikala mu buobumue ne nedikoleshibue bua kuepuka matetshibua makole adi adisaka bua kuidikija nsombelu wa bulongolodi ebu.

Musambu wa 7 ne disambila dia nkomenu.