TSHIBUTSHILU TSHIA MIKANDA TSHIA KU ENTERNETE tshia Watchtower
TSHIBUTSHILU TSHIA MIKANDA TSHIA KU ENTERNETE
tshia Watchtower
Tshiluba
  • BIBLE
  • MIKANDA
  • BISANGILU
  • km 7/96 dib. 2
  • Bisangilu Bia Mudimu Bua Kashipu

Kakuena filme nansha umue mu tshitupa etshi to.

Tshilema ntshienzeke mu diambula dia filme.

  • Bisangilu Bia Mudimu Bua Kashipu
  • Mudimu wetu wa Bukalenge—1996
Mudimu wetu wa Bukalenge—1996
km 7/96 dib. 2

Bisangilu Bia Mudimu Bua Kashipu

DIMANYISHA: Mudimu wetu wa Bukalenge newikale ne programe wa tshisangilu tshia mudimu bua lumingu luonso lua ngondo luenzeka mpuilu ya distrike. Bisumbu nebimuakajilule mushindu udi ukengedibua pa kutabalela lumingu luabi lua dibuela mu mpuilu wa distrike wa “Batuadi ba mukenji wa ditalala dia Nzambi” ne kabidi nebienze diambulula mu minute 30 dia malu manene a programe mu tshisangilu tshia mudimu tshienzeka mu lumingu ludi lulonda. Diambulula edi dia dituku ku dituku nedidianjile kupeshibua kudi bana betu babidi peshi basatu bamonamona malu bikala mua kuzangika ngenyi ya nshindamenu. Pikaladi dilongolola bimpe, nediambuluishe bena mu tshisumbu bua kuvulukabu ngenyi ya mushinga, bua kumonabu mua kuyitumikila mu nsombelu ne kutumika nayi mu buambi. Mumvuija a bateleji ne malu matela nebikale bipidija ne bishindika pa bualu.

Lumingu lua dia 1 Kashipu

Musambu wa 181

Min. 10: Mamanyisha. Mamanyisha makumbanyine a mu Mudimu wetu wa Bukalenge. Umvuija luapolo lua mudimu lua tshisumbu.

Min. 15: “Tuidikijayi ditabuja diabu.” Mu nkonko ne mandamuna. Konkonona mishindu ya kuleja ditabuja mileja mu kazubu kadi mu dibeji dia 13 mu Tshibumba tshia Nsentedi tshia mu Mfualanse tshia dia15 Kabitende 1991. Ela mumanyishi umue peshi babidi nkonko ne ubebeje tshidi tshibambuluishe bua kuenza mudimu wa teokrasi munkatshi mua bidimu bivule.

Min. 20: “Broshire: biamu bia mushinga bia mudimu.” Diyukidilangana pa maleja mafila. Uleje mu tshikoso imue mmuenekelu ya pa buayo ya broshire. Manaya abidi peshi asatu a mu tshikoso adi aleja mushindu wa kuyifila.

Musambu wa 143 ne disambila dia nkomenu.

Lumingu lua dia 8 Kashipu

Musambu wa 63

Min. 10: Mamanyisha. Luapolo lua konte

Min. 15: Tuibidijayi bana mu mudimu wa buambi. Muyuki kudi mukulu. Bituadijile ku buana buabo, bana badi ne bua kuikala benji ba mudimu ku luseke luetu. Nebapeteleku nshindamenu mujalame bua ditabuja diabu ne lukunukunu bua bidimu bitshilualua ku dibidijibua ne dimonamona malu didibu bapeta. Bidi bia mushinga bua kujingululabu mushinga wa kuangata mudimu wa buambi bu tshintu tshia mushinga ne bua kuikala ne bikadilu biakane. Bana kabena ne bua kuikala ne disalu; buambi ki ndîba dia kunaya nansha. Mbiakanyine bua kuikalabu pamue ne bantu bakole. Aba badi mua kubambuluisha bua kufilabu bumanyishi bilondeshile makokeshi abu. (Tangila Tshibumba tshia Nsentedi tshia mu Mfualanse tshia dia 1 Tshimungu 1988, dib. 15, tshik. 20.) Baledi badi ne bujitu bua kutabalela bana babu; kabena ne bua kubatuma mu bisangilu bia mudimu wa buambi kakuyi muntu mukole bua kubatabalela nansha. Ela bana ka-lumbandi padibu benza bualu buimpe.

Min. 20: “Mushindu wa kuenza bayidi ku diambuluisha dia mukanda wa Dimanya.” Miaku mikese ya mbuelelu pa bikoso 1-2. Konkononayi bikoso 3-11 mu nkonko ne mandamuna. Manyisha ne: bikoso bikuabu bia mu tshisakidila etshi nebikonkononyibue mu bisangilu bia mudimu bia ngondo idi ilonda. Kankamija muntu yonso bua kutshilamaye.

Musambu wa 92 ne disambila dia nkomenu.

Lumingu lua dia 15 Kashipu

Musambu wa 157

Min. 10: Mamanyisha. Vuluija malongolola menza bua mudimu wa buambi ku ndekelu kua lumingu ne kankamija tshisumbu bua kuatua nyama ku mikolo. Enzeja dinaya dia mu tshikoso pa difila dia bibejibeji bia matuku mashale aa.

Min. 15: “Mayuki a bulunda adi mua kulenga ku mutshima.” Mu nkonko ne mandamuna. Ulombe mumanyishi umue peshi babidi bua kulondabu malu makankamiji adi aleja ne: mbapete bipeta bimpe pavuabu badileje balunda.

Min. 20: “Tukunayi dijinga dia kumanya bia bungi mu makumbulula.” Muanetu udi mupeshibue tshitupa etshi tshia tshisangilu udi uyukidilangana ne bamanyishi basatu pa mushinga wa kukumbula aba bonso bavua baleje dijinga dia kumanya bia bungi peshi bavua bangate mikanda. Badi bakonkonona maleja mafila ne badibidija bua kutumika nawu.

Musambu wa 211 ne disambila dia nkomenu.

Lumingu lua dia 22 Kashipu

Musambu wa 6

Min. 10: Mamanyisha. Vuluija malongolola menza bua mudimu wa buambi ku ndekelu kua lumingu ne kankamija tshisumbu bua kuatua nyama ku mikolo.

Min. 15: “Baledi bàdì ne disanka!” Diyukidilangana kudi mukulu. Fila mibelu ku diambuluisha dia Tshibumba tshia Nsentedi tshia mu Mfualanse tshia dia 15 Tshimungu 1987, mabeji a 13-15, bikoso 14-23.

Min. 20: “Tubambuluishe bua kusadilabu tshiakabidi.” Muyuki ne diyukidilangana kudi mukulu. Ufila mubelu wa kutumika ne tshiena-bualu tshia “Revenez à moi, et je reviendrai à vous,” (Alukilayi kundi ne nengalukile kunudi) tshipatula mu Tshibumba tshia Nsentedi tshia mu Mfualanse tshia dia 1 Tshimungu 1992 ne tshipatshila tshia kukankamija bena nkristo badi bajimije luya luabu mu mudimu. Uzangike amue a ku malu manene.

Musambu wa 71 ne disambila dia nkomenu.

Lumingu lua dia 29 Kashipu

Musambu wa 136

Min. 15: Mamanyisha. Vuluija malongolola menza bua dipatuka mu buambi ku ndekelu kua lumingu. Enzayi manaya abidi a mu tshikoso pa mushindu wa kufila bibejibeji ku nzubu ne ku nzubu. Kankamija tshisumbu tshionso bua kutuatshi bumanyishi bua ku nzubu ne ku nzubu nyama ku mikolo.

Min. 15: Bidi tshisumbu tshikengela. (Peshi muyuki muashila pa tshiena-bualu tshia “Ditumika bilenga ne dîyi dia bulelela,” tshipatula mu Tshibumba tshia Nsentedi tshia mu dia 1 Tshiongo 1996, mabeji 29-31).

Min. 15: Mukulu ne musadidi wa mudimu badi bayukidilangana pa tshiena-bualu tshia “Mêku a buena-Nzambi a kale: tshitembelu bua matuku etu aa,” tshidi mu mabeji 20-3 a Tshibumba tshia Nsentedi tshia dia 15 Kabitende 1995. Badi bumvuija ngenyi eyi bua kuambuluisha mêku mu tshisumbu.

Musambu wa 179 ne disambila dia nkomenu.

    Mikanda ya mu Tshiluba (1982-2024)
    Patuka
    Buela
    • Tshiluba
    • Tumina bakuabu
    • Biudi musue
    • Copyright © 2025 Watch Tower Bible and Tract Society of Pennsylvania
    • Malu a kulonda
    • Mikenji ya mua kulama malu masokoka
    • Biudi witaba bua kuenzekabi mu tshiamu
    • JW.ORG
    • Buela
    Tumina bakuabu