Bisangilu Bia Mudimu Bua Tshisua-munene
Lumingu lua dia 2 Tshisua-munene
Min. 10: Mamanyisha ne mamanyisha makumbanyine a mu Mudimu wetu wa Bukalenge. Umvuija luapolo lua mudimu wa mu ditunga (bikalalu mua kupeteka) ne lua mudimu wa tshisumbu bua ngondo mushale.
Min. 15: “Tutuku tumvuija biakane Dîyi dia Nzambi anyi?” Mu nkonko ne mandamuna. Fila ndambu wa mumvuija pa mukanda wa Comment raisonner, pa ka-tshiena-bualu: “Raisons d’examiner la Bible,” mabeji 51-2.
Min. 20: “Etshi tshidi tshiumvuija muoyo wa kashidi.” (Bik. 1-5) Panyima pa mêyi makese a mbangilu maashila pa tshik. 1, lomba bamanyishi babidi bakumbane bua kulejabu mu dinaya ngenzelu ya mu bik. 2-5. Ela kashonyi pa tshipatshila tshia kutuadija malonga a Bible.
Musambu wa 128 ne disambila dia nkomenu.
Lumingu lua dia 9 Tshisua-munene
Min. 10: Mamanyisha. Luapolo lua konte.
Min. 20: Bua tshinyi kupesha Yehowa? Diyukidilangana pankatshi pa bakulu babidi diazangika malu manene a mu tshiena-bualu tshia mu mabeji 28-31 a mu Tshibumba tshia Nsentedi tshia dia 1 Kasuabanga 1996. Tshiena-bualu etshi tshidi kabidi mua kuenjibua bu muyuki kudi mukulu kampanda.
Min. 15: “Etshi tshidi tshiumvuija muoyo wa kashidi.” (Bik. 6-8) Leja bulenga bua kutumika ne ngenzelu wa buludiludi bua kutuadija malonga. Manaya a tshilejilu pa ngenzelu mifila mu bik. 6-7 kudi bamanyishi bapiluke. Lomba bateleji bua kulonda malu mamonamona a mushindu wakatuadija dilonga kampanda mu dipetangana dia kumpala. Pakamulombabu bua kutuadija diakamue dilonga, muntu kampanda wakandamuna se: “Mbimpe. Buela. Ndi njinga kulonga.” Bakatuadija kulonga nende; lumingu luakalonda, dîku diende dionso divuaku, ne bonso bakabanga lukasa kubuela mu bisangilu ne bakaditua mu mudimu wa bumanyishi. Kankamija bateleji bua kuluabu ne tshisakidila tshiabu tshia Mudimu wetu wa Bukalenge wa Kashipu 1996 mu tshisangilu tshia mudimu tshialonda.
Musambu wa 129 ne disambila dia nkomenu.
Lumingu lua dia 16 Tshisua-munene
Min. 5: Mamanyisha.
Min. 20: “Tudi ne mudimu mutuomekela.” Mu nkonko ne mandamuna. Umvuija mu tshikoso bik. 13-16 bia Tshibumba tshia Nsentedi tshia dia 1 Tshiongo 1988 (mu mfualansa), mabeji 28-9.
Min. 20: Tulombolayi malonga a Bible adi alubuluka. Muyuki kudi mutangidi wa mudimu. Kukadi mpindieu tshidimu tshijima tshitudi tutumika ne mukanda wa Dimanya mu malonga a Bible. Kakuyi mpata, bamue balongi bakadi baujikije, eku bakuabu bamane kusemena mu dilonga. Tuakakankamijibua bua kuenza madikolela bua kulombola malonga a Bible adi ambuluisha bapiabapia bua kulongabu bulelela lukasa, bua kutumika nabu mu nsombelu wabu ne bua kuluabu bena mu tshisumbu. Tshisakidila tshia Mudimu wetu wa Bukalenge wa Kashipu 1996 ntshitupeshe mibelu milenga bua kutupetesha mushindu wa kulua balongeshi bapiluke. Tangilulayi mu tshikoso amue a ku malu anudi mua kuenza bua kuikala bazanzamuke mu dilongesha dienu, bilondeshile bik. 3-13. Pashishe shindamena pa tshidi tshikengela kuenza bua kuambuluisha balongi bua kudituabu mu njila wa bulelela, bu mudibi bileja mu bik. 14-22. Bala bik. 15, 17, 20-1. Konkononayi amue malu mamonamona masankishi adi aleja bipeta bimpe bipatula kudi bamanyishi ba mu tshisumbu. Fila makankamija asaka bana betu bavule bua kulombola malonga a Bible.
Musambu wa 85 ne disambila dia nkomenu.
Lumingu lua dia 23 Tshisua-munene
Min. 5: Mamanyisha. Leja mapangadika mangata bua mudimu wa buambi mu dia 25 Tshisua-munene dituku dikena dia mudimu.
Min. 15: “Malubuluka ebe amueneke patoke!” Muyuki kudi mukulu.
Min. 10: Mandamuna ku nkonko yenu. Diyukidilangana ne bateleji.
Min. 15: Mikanda ya kufila mu Tshiongo; netufile Traduction du monde nouveau ne mukanda wa La Bible : Parole de Dieu ou des hommes ? Ku diambuluisha dia mukanda wa “ Toute Écriture,” mabeji 319-24, leja butumbuke bua Traduction du monde nouveau: udi usanyika ne utumbisha dîna dia Nzambi (bik. 1-2); nkudimuinu wende mukezula udi uvuija Mifundu mipepele bua kumvua (tshik. 6); udi tshiamu tshia bukole mu mudimu (bik. 22-3). Ku diambuluisha dia ngenyi ya mu dibeji dia 189 dia mukanda wa La Bible : Parole de Dieu ou des hommes ? fila dileja dia tshitembelu ne longolola dinaya. Mapangadika masunguluke adi ne bua kuangatshibua bua kualukila kutangila bantu bavua baleje dijinga dia kumanya.
Musambu wa 180 ne disambila dia nkomenu.
Lumingu lua dia 30 Tshisua-munene
Tshisumbu tshionso netshilongolole programe watshi bilondeshile biditshi tshikengela.