Bisangilu bia Mudimu bua Kasuamansense
Lumingu lua dia 5 Kasuamansense
Musambu 28
Min. 10: Mamanyisha. Mamanyisha makumbanyine a mu Mudimu wetu wa Bukalenge. Amba mu mêyi makese bidi mu kazubu ka “Mubelu.”
Min. 15: “Tudi mua kuenza malu mapite bunene.” Mu nkonko ne mandamuna. Kankamija muntu yonso bua kudifundila bipatshila bia meji bua tshidimu tshia mudimu tshipiatshipia ne bua kudienzeja bikole bua kubikumbaja.—Tangila mukanda wa Mudimu wetu mabeji 116-118.
Min. 20: “Bampanda-njila badi bambuluisha bakuabu.” Mukulu udi umvuija ne: pa kumbusha dishidimuna difila mu Kalasa ka Mudimu wa Teokrasi, mapangadika mmangata bua se: bampanda-njila bafile diambuluisha dia muntu pa nkayende kudi bakuabu mu mudimu. Udi ujula nkonko miela mu tshiena-bualu ne ulomba bateleji bua kuakulabu, nangananga bampanda-njila ne bamanyishi badi bualu ebu butangile. Leja mushindu wa kupetelaku masanka mavule. Bampanda-njila badi mua kuakula bua masanka ne diakalenga bidibu bapeta mu diambuluisha bakuabu. Bamanyishi badi bapetela masanka ku ndongamu eu badi mua kuleja mudibu bumvua bua dipangadika edi diuule tente ne dinanga ne kumvuija ngenyi ivua mibambuluishe bua kutamba kupatula bipeta bimpe ne kuikala ne disanka mu mudimu.
Musambu 172 ne disambila dia nkomenu.
Lumingu lua dia 12 Kasuamansense
Musambu 160
Min. 10: Mamanyisha. Luapolo lua konte.
Min. 15: Ntshinyi tshidi Nzambi utulomba? Muyuki. Tukadi batuadije dilonga dia broshire eu mu Dilonga dia Mukanda dia Tshisumbu. Lomba muntu yonso bua kudilongolola ne bua kuikalamu lumingu luonso bua kumanya broshire eu biakane ne kumanya mushindu wa kumulonga ne bakuabu bantu. Bala mu broshire tshikoso tshidi ne mutu wa bualu eu: “Mushindu wa kutumika ne broshire eu.” Ku diambuluisha dia Tshibumba tshia Nsentedi tshia dia 15 Tshiongo 1997, mabeji 16-17, ela kashonyi pa mushinga wa kukuata mudimu ne nkonko, mvese ne bimfuanyi bidi mu broshire eu mu dilongesha. Balombodi ba Dilonga dia Mukanda dia Tshisumbu badi ne bua kufila tshilejilu tshilenga kudi aba badi balombola malonga a Bible a ku nzubu mu dibenga kuakula bia bungi ne kubuejamu mumvuija a pa mutu.—Tangila Mudimu wetu wa Bukalenge wa Kashipu 1996, dibeji 3, tshikoso 5.
Min. 20: Ntshinyi tshituvua benze tshidimu tshishale? Sekretere ne mutangidi wa mudimu badi bakonkonona luapolo lua mudimu lua tshisumbu ne bishiferi bia bungi bua babuedi ba mu bisangilu bua tshidimu tshishale. Badi bazangika bitupa bia luapolo bidi bileja mudimu muimpe ne bela kashonyi pa bitupa bidi bikengela kulengeja. Mu Kabitende, bamanyishi bonso nkong (100%) bavuaku badifile mu mudimu anyi? Manyishayi bipatshila bikala mua kukoka ntema ya bakulu mu ngondo idi kumpala. (Nebatambe kuambuluisha bamanyishi bua bikale bapatuka mu buambi pa tshibidilu.) Akulayi pa malu makanyine maleja mu luapolo lua musangu mushale lua mutangidi wa tshijengu.
Musambu 144 ne disambila dia nkomenu.
Lumingu lua dia 19 Kasuamansense
Musambu 122
Min. 10: Mamanyisha. Mapiamapia a teokrasi.
Min. 15: Bidi tshisumbu tshikengela.
Min. 20: “Longa mua kumanya bana benu.” Mu nkonko ne mandamuna. Ambulula ngenyi ya mu Tshibumba tshia Nsentedi tshia dia 1 Kasuamansense 1988, mabeji 10-11. Lomba bateleji bonso bua badienzeje bua kulonga mua kumanyangana bimpe.
Musambu 34 ne disambila dia nkomenu.
Lumingu lua dia 26 Kasuamansense
Musambu 17
Min. 12: Mamanyisha. Vuluija bamanyishi bua kufilabu pa dîba luapolo yabu ya mudimu bua Kasuamansense, ngondo ukadi utua ku ndekelu kuende. Kankamija muntu yonso bua kuangata mapangadika bua kuyisha bikole ku nzubu ne ku nzubu mu Kasuabanga ne bua kuabanya bibejibeji bia bungi. Nenupete mu Mudimu wetu wa Bukalenge wa Kasuabanga 1996, dibeji 8, mibelu bua kulongolola maleja. Dinaya dia tshilejilu: kuleja muntu bibejibeji bia ngondo eu ne kuleja mushindu wa kuakula ne muteleji bua difila dia mapa. Angata bibejibeji bua buambi bua ku ndekelu kua lumingu.
Min. 20: “Batangidi badi balombola—Mutangidi wa mudimu.” Muyuki kudi mutangidi wa mudimu. Mumane kumanyisha bujitu buende, udi umvuija mishindu misunguluke idi bena mu tshisumbu mua kukuatshishangana bua kuyisha bikole ne bimpe mu teritware.
Min. 13: Mmushindu kayi uudi mua kuikala mumanyishi muimpe? Muyuki ne nkonko miela bateleji. Kabiena bikengela kuikala ne makokeshi mapitshidile anyi bipedi bia pa buabi to; mbianyishibue bua muntu yonso wa kutudi ikale muena budisuile, muule ne dinanga, ne budipuekeshi, ne lukunukunu ne dianyisha. Lomba bateleji bua bambe bua tshinyi mbitambe kuanyishibua (1) bua kuikala ne disanka, (2) bua kubuela ne kufila pa tshibidilu mandamuna mu bisangilu, (3) bua kuitaba ku budisuile majitu ne kuakumbaja, (4) bua kukuatshishangana ne bakulu ne kunemeka mapangadika mangata bua tshisumbu, (5) bua kutabalela bakuabu ne muoyo umue mu dibakuatshisha ne (6) kudifila pa tshibidilu mu buambi ne kufila luapolo lua mudimu ngondo yonso pa dîba.
Musambu 25 ne disambila dia nkomenu.