Bisangilu bia Mudimu bua Kabalashipu
Lumingu lua dia 7 Kabalashipu
Musambu 45
Min. 10: Mamanyisha. Mamanyisha makumbanyine a mu Mudimu wetu wa Bukalenge. Mapiamapia a Teokrasi.
Min. 15: “Tudi balongesha kudi Yehowa.” Mbuelelu webe kafiki ku munite mujima to, pashishe utungunuke mu nkonko ne mandamuna. Lomba bateleji bua balonde amue masanka adibu bapetele ku Kalasa ka Mudimu wa Teokrasi, Kalasa ka Mudimu wa Bumpanda-njila, Kalasa ka Mudimu wa Bukalenge ne tukuabu. Ela kashonyi pa mushindu uditu tuambuluishe bantu ba Yehowa bua kutamba kupatula bipeta bimpe mu mudimu.
Min. 20: “Enza mudimu bimpe ne dîba diudi nadi.” Diyukidilangana pankatshi pa mulombodi wa Dilonga dia Mukanda dia Tshisumbu ne mumanyishi mumonemone malu umue anyi babidi badi bumvuija mushindu udibu bakaja dîba diabu bua kudifila muabu muonso mu mudimu wa buambi. Badi bumvuija mushinga wa kuikala ne ndongamu udi muntu mua kulonda ne bela kashonyi bua mudibi bikengela kuikala nende. Badi balonda mutubu bepuka malu adi ajimijija dîba bu mudi kutuadija buambi dîba dimane kupita, dipanga kulongolola malu kumpala kua dîba anyi kujimija dîba mu diyikila malu a patupu mu buambi. Bilondeshile nsombelu ya muaba unudi, fila ngenyi miakanyine pa mushindu wa kuenza mudimu bimpe ne dîba.
Musambu 48 ne disambila dia nkomenu.
Lumingu lua dia 14 Kabalashipu
Musambu 63
Min. 10: Mamanyisha. Luapolo lua konte.
Min. 15: Bidi tshisumbu tshikengela.
Min. 20: “Udiku pebe mua kuambuluishangana anyi?” Diyukidilangana ne bateleji dilombola kudi mukulu. Ubuejemu ngenyi-mifila mu Réveillez-vous! wa mu dia 8 Kasuamansense 1995, mabeji 8-9, bua kuambuluisha baledi badi badikoleshila bana nkayabu. Lomba bamue bateleji bua baleje dianyisha didibu nadi bua diambuluisha dia dinanga divuabu bapete kudi bena mu tshisumbu bakuabu.
Musambu 53 ne disambila dia nkomenu.
Lumingu lua dia 21 Kabalashipu
Musambu 72
Min. 10: Mamanyisha. Bikala tshisumbu tshikale ne mikanda ya Les jeunes s’interrogent anyi Votre jeunesse mu stoke, leja mushindu wa kukuata nayi mudimu ne kupatula bipeta bimpe mu buambi mu ngondo wa Kashipu ne Tshimungu, mutudi mua kupeta bansonga ku nzubu.
Min. 17: Kuata mudimu bimpe ne tusete tua video ne tua drama tua diteleja. Kudiku mushindu wa kuenza mudimu bimpe ne tusete 10 tua video ne etu tua drama 11 tupatula kudi Société anyi? Wewe ne dîku diebe, nukadiku batutangile peshi batuteleje tuonso anyi? Konkonona mitu ya bualu mishilashilangane, pa kuleja mushindu udi tusete etu mua kulengeja dibala dietu dia Bible, kukolesha makanda etu a mu nyuma ne kumanyisha bimpe bulelela. Ela mu tshisanji tusete tubidi anyi tusatu ne pitshisha tutupa tukese bua bantu bateleje. Lomba bateleji bua bele nseka pa kasete ka video anyi pa drama, baleje bivuabu bamone biambuluisha menemene mu dikankamija mêku abu anyi mu dilombola bapiabapia ku bulongolodi. Londa amue malu mamonamona adi aleja bipeta bimpe. (Tangila Annuaire 1999, mabeji 51-52.) Kankamija bantu bonso bua kukuata mudimu bimpe ne tusete tua video ne tua drama.
Min. 18: “Utu utangila anu mmuenekelu patupu anyi?” Muyuki ne diyukidilangana ne bateleji. Ela kashonyi pa tshitudi ne bua kuepukila dikala ne lukasa lua kuelela bantu batudi tupetangana nabu meji kampanda. Umvuija mu mêyi makese dilongesha divua Yehowa mupeshe Yona, bu muvuaye udishima mu dielela bantu bavuaye umona meji mabi. (Tangila Tshibumba tshia Nsentedi tshia dia 15 Tshimungu 1997, mabeji 21-22, bikoso 17-19.) Lomba bateleji bua bumvuije mutubu bapetangana ne bantu ba mishindu mishilashilangane mu teritware, balonde mudibu anu balama mmuenenu muimpe kudi bantu abu ne balekela Yehowa nkayende ubalumbuluisha.
Musambu 77 ne disambila dia nkomenu.
Lumingu lua dia 28 Kabalashipu
Musambu 85
Min. 12: Mamanyisha. Vuluija bonso bua bafile luapolo lua mudimu bua Kabalashipu. Konkononayi mikanda ya kufila mu Kashipu. Leja broshire idiku ya bungi mu stoke, ne fila lungenyi lumue anyi ibidi itudi mua kuelapu kashonyi mu maleja etu. Kuikala dinaya dia tshilejilu dilongolola bimpe.
Min. 13: Bua tshinyi Yehowa udi ulekela bakengesha bantu bende? Muyuki kudi mukulu, muashila pa mukanda wa Prédicateurs, mabeji 676-677. Anu bu muakadianjila kuamba Yezu, ‘bisamba bionso bidi netu lukuna.’ (Mat. 24:9) Tudi mua kutuilangana ne buluishi patudi mu buambi, patudi ne balela betu badi kabayi mu bulelela anyi patudi ne bantu badi kabayi Bantemu ku mudimu peshi mu kalasa. Ngamba-malu udi umvuija ne mmuenenu muimpe bua tshinyi Yehowa mmulekele dikengeshibua edi anyi buluishi ne mushindu wikala ditantamana dietu mua kufikisha ndekelu wa bionso ku mabenesha.
Min. 20: Ndayi muaba udi bantu! Muyuki muashila pa mukanda wa Annuaire 1997, mabeji 42-48. Nansha mutudi ne bua kutungunuka ne kudifila pa tshibidilu mu mudimu wa ku nzubu ne ku nzubu, tudi tukeba ne muoyo mujima bikondo bia kuenza buambi bua mu mpukapuka—dîba dionso, muaba wonso. Londa malu mamonamona a mu Annuaire adi aleja mudi bakuabu bapatula bipeta bimpe mu dienza nanku pavuabu mu bise, mu misesu peshi ku muelelu kua mâyi, basemena ku mashinyi mimanyika, baya miaba ya diangatshila mashinyi a diambula bantu, bakula ne bantu ku telefone ne bafundila bakuabu mikanda. Padiku dîba, lomba bateleji bua balonde amue malu mamonamona. Kankamija bonso bua kubabidila tshikondo tshionso tshidi tshimueneka bua kuyisha muaba wonso udi bantu.
Musambu 75 ne disambila dia nkomenu.