Bisangilu bia Mudimu bua Kashipu

Lumingu lua dia 5 Kashipu

Musambu 6

Min. 10: Mamanyisha. Mamanyisha makumbanyine a mu Mudimu wetu wa Bukalenge. Ela nseka pa luapolo lua mudimu wa budimi lua ditunga dietu ne lua tshisumbu tshienu bua Luabanya.

Min. 20: “Sambila Yehowa bua akuambuluishe.” Mbuelelu webe kafiki ku munite mujima to, pashishe utungunuke mu nkonko ne mandamuna. Umvuija mudi masambila a mishindu mishilashilangane menza ne muoyo umue mikale ambuluisha bikole bua kupatula bipeta bimpe mu mudimu. Lomba bateleji bua balonde malu mamonamona adi aleja muvua masambila menza pa tshikondo tshiakanyine mabambuluishe mu mudimu wabu.​—Tangila Tshibumba tshia Nsentedi tshia dia 15 Kasuamansense 1996, dibeji 32.

Min. 15: Kuata mudimu bimpe ne broshire. Muyuki ne manaya a tshilejilu. Umvuija bua tshinyi broshire idi mikale bia-mudimu bia mushinga mu buambi. Itu yumvuija bimpe biena-bualu bidi bitamba kukoka ntema ya bantu, itu ne mutu wa bualu umue wa nshindamenu ne yumvuija bipepele malongesha a mu Mifundu. Tela broshire ya kufila mu buambi ngondo eu, ne leja eyi idi ya bungi mu stoke wa tshisumbu. Enzayi manaya a tshilejilu abidi anyi asatu mîpi mashila pa ngenyi mifila mu Index des publications de la Société muinshi mua mutu wa bualu wa: “Présentations.”

Musambu 181 ne disambila dia nkomenu.

Lumingu lua dia 12 Kashipu

Musambu 103

Min. 10: Mamanyisha. Luapolo lua konte.

Min. 15: “Didianjila kudilongolola didi dituala disanka.” Muyuki ne diela nkonko. Umvuija bua tshinyi didilongolola didi ne mushinga bua mudimu wa budimi ne mutudi dituambuluisha bua kupeta disanka dinene mu bitudi tuenza. (Tangila Manuel pour l’École, dibeji 38, bikoso 1-3.) Ela bamanyishi babidi anyi basatu bapiluke nkonko, balonde mutubu badilongolola kumpala kua kupatuka mu buambi ne mutubi bibambuluisha. Londa bualu buenzeka budi mu Tshibumba tshia Nsentedi tshia dia 15 Tshisanga 1993, dibeji dia 30, budi buleja mua kukuata mudimu ne mukanda wa Comment raisonner mu didilongolola bua mudimu wa buambi.

Min. 20: “‘Tuamba lukasa butudi nabu!’” Diyukidilangana ne bateleji ne manaya a tshilejilu. Konkonona ngenyi mifila yonso pa tshitudi ne bua kuamba bua kututelejabu ku biibi. Bamanyishi bapiluke benze manaya a tshilejilu pa mbuelelu mivule idi ipatula bipeta bimpe. Lomba bateleji bua basakidile ngenyi mikuabu mimpe ne balonde malu menzeka adi akankamija ne aleja tshidi tshiakanyine bushuwa kuenza mu teritware wenu.

Musambu 183 ne disambila dia nkomenu.

Lumingu lua dia 19 Kashipu

Musambu 31

Min. 10: Mamanyisha.

Min. 15: Bidi tshisumbu tshikengela.

Min. 20: Ndi ne bua kubuela mu bulongolodi kampanda anyi? Diyukidilangana ne bateleji diashila pa mukanda wa Comment raisonner, mabeji 270-274. Misangu mivule tutu tupetangana ne bantu badi bitaba mukenji wa Bukalenge kadi bikale bakina “dibuela” mu bulongolodi kampanda bua malu a Nzambi. Konkonona diumvuija dia muaku “bulongolodi” ne ngikadilu muanda-mutekete idi isunguluja bulongolodi bua Yehowa budi bumueneka. Umvuija bua tshinyi mbushilangane ne makuabu ne mushindu udi dibuelamu dituadilangana mabenesha malelela.

Musambu 189 ne disambila dia nkomenu.

Lumingu lua dia 26 Kashipu

Musambu 184

Min. 15: Mamanyisha. Vuluija bonso bua bafile luapolo lua mudimu bua Kashipu. Mandamuna ku nkonko yenu.

Min. 10: “Ndongamu mupiamupia wa mpuilu wa tshijengu.” Muyuki. Manyisha matuku enzeka mpuilu wa tshijengu wa musangu udi ulonda. Kankamija bapiabapia bua kuela meji bua batismo. Kankamija bantu bonso bua kubuela mu mpuilu mujima.

Min. 20: Tudi tuenza bayidi anyi? Mutangidi wa mudimu udi uyukidilangana ne musadidi wa mudimu umue anyi babidi ku diambuluisha dia Tshibumba tshia Nsentedi tshia dia 15 Luishi 1996 mabeji 19-22. Shindika tubingila tua mu Bible tudi tuleja bua tshinyi tudi ne bua kukeba bantu badi bakanyine mu teritware wetu ne kubavuija bayidi. (Mat. 10:11) Aba mbantu badi banyingalala bua nsombelu yonso mibi ne idi kayiyi ya buena Nzambi idibu bamona miaba idibu ne badi ne muoyo wa kukeba Yehowa bangabanga ne dituku dia tshiji tshiende kufikadi. (Yeh. 9:4; Sef. 2:2, 3) Munkatshi muabu mudi ‘aba badi badiakaje bimpe bua muoyo wa kashidi.’ (Bien. 13:48, NW) Mudimu mutupesha ng’wa kuikala benji ba bayidi, tulongesha bantu malu onso avua Yezu mutumine dîyi. (Mat. 24:14; 28:19, 20) Nansha mutudi mua kujula dijinga dia kumanya bulelela bua musangu wa kumpala patudi mu mudimu wa ku nzubu ne ku nzubu, buambi bua mu mpukapuka ne bua mu misesu, tudi tuenza bayidi mu mudimu wa dilondakaja dijinga edi​—mu makumbulula ne malonga a Bible. Fila mibelu mikumbanyine pa mushindu udi bateleji mua kuenza makumbulula ne malonga a Bible.

Musambu 14 ne disambila dia nkomenu.