Bisangilu bia Mudimu bua Kabitende
Lumingu lua dia 6 Kabitende
Musambu 190
Min. 10: Mamanyisha. Mamanyisha makumbanyine a mu Mudimu wetu wa Bukalenge. Ela nseka pa luapolo lua mudimu wa budimi lua ditunga dietu ne lua tshisumbu tshienu bua Lumungulu.
Min. 17: “Udi wenza mudimu ne tshipatshila anyi?” Mbuelelu webe kafiki ku munite mujima to, pashishe utungunuke mu nkonko ne mandamuna. Buejamu ngenyi miangata mu mukanda wa Mudimu wetu, mabeji 88-89. Kankamija bonso bua bananukile ne badienzeje mu mudimu wabu wa buambi.
Min. 18: “Baledi—Filayi tshilejilu tshimpe kudi bana benu.” Mbuelelu muîpi muenza kudi mukulu, pashishe diyukidilangana pa tshiena-bualu dienza kudi bana betu ba balume babidi badi baledi. Badi baleja mudibu baditatshisha bua kukuba bana babu ku bikadilu bibi bidibu bamona mu tulasa, ku televizion, kudi balela badi kabayi Bantemu ne bantu bakuabu. Bana betu aba badi bakonkonona ngikadilu mipange kanemu, ngakuilu ne ndengejilu wa mubidi bia bena panu, ne dijikija lutetuku didi kadiyi diakanyine. Bamane kuela meji bua mudibi bikengela kufila tshilejilu tshimpe, badi bayukila pa mishindu ya kukolesha musangelu bua dilonga dia mu dîku, bisangilu bia tshisumbu ne mudimu wa buambi.—Tangila Tshibumba tshia Nsentedi tshia dia 1 Kashipu 1999, mab. 8-22 ne Réveillez-vous! wa dia 22 Kabitende 1991, mab. 8-9.
Musambu 101 ne disambila dia nkomenu.
Lumingu lua dia 13 Kabitende
Musambu 171
Min. 10: Mamanyisha. Luapolo lua konte.
Min. 15: Mmunyi mutuvua benze mudimu tshidimu tshishale? Muyuki kudi mutangidi wa mudimu. Konkonona malu manene mangata mu luapolo lua tshisumbu bua tshidimu tshia mudimu tshia 1999. Ela kalumbandi bua malu mimpe menza. Leja malu adi akengela kuakaja. Shindamena pa bidi tshisumbu tshienze mu bungi bua bantu badi babuela mu bisangilu ne mu dilombola malonga a Bible. Umvuija bipatshila biakanyine bia kudifundila bua tshidimu tshidi tshilua.
Min. 20: “Ntshinyi tshiwambila muena Hindu?” Mu nkonko ne mandamuna. Ela kashonyi pa bulenga bua dipetangana ku mêyi ne muntu ne uleje ngenyi idi mua kuenza ne: tumvuangane ne muena Hindu. Umvuija mudi muntu mua kuakaja mayuki aa bua kuyisha bantu ba bitendelelu bionso. Enzayi dinaya dia tshilejilu dilongolola bimpe dia mumanyishi uyisha muena Hindu. Bua kupeta mamanyisha mavule pa Buena-Hindu, tangila tshisakidila tshia Mudimu wetu wa Bukalenge wa Luabanya 1998; broshire wa Mua kutuadija ne kutungunuka ne mayuki pa Bible, dibeji 14 anyi mukanda wa Comment raisonner, dibeji 22; ne mukanda wa L’humanité à la recherche de Dieu, nshapita 5.
Musambu 140 ne disambila dia nkomenu.
Lumingu lua dia 20 Kabitende
Musambu 193
Min. 12: Mamanyisha ne malu mamonamona mu buambi.
Min. 15: Bidi tshisumbu tshikengela.
Min. 18: Kuata mudimu mulenga ne mukanda wa Créateur. Muyuki ne manaya a tshilejilu. Mudimu wetu wa Bukalenge wa Tshisanga 1999 uvua umvuija ne: tudi mua kufila mukanda wa Créateur dîba dionso ditudi tupetangana ne bantu (1) badi kabayi bitabuja Nzambi peshi (2) badi bitabuja Nzambi kadi kabayi ne lungenyi lujalame lua tshidiye anyi kabayi bamanye ngikadilu yende ne malongolola ende to. Nkonko ne mumvuija bidi bieleshangana meji bidi pa tshizubu tshia nyima tshia mukanda eu bidi mua kuambuluisha bua kujula dijinga dia muntu bua kubala mukanda eu. Peshi nudi mua kukuata mudimu ne dibeji dia 152 bua kupatula bipeta bimpe. Mumanyishi udi mua kuebeja ne: “Nkuepi kutudi mua kupeta mibelu mitambe buimpe pa mushindu wa kujikija ntatu idi mitambe kutukolela?” Udi mua kuleja muntu mushindu uvua bamue bantu banene bamanyike bimpe banyishe bikole Muyuki wa Yezu wa pa Mukuna, umulomba bua kusungula bumue bua ku malu manene muanda-mutekete budi bumusankisha bikole, ne pashishe ubale imue ya ku mvese mitela. Enzayi manaya a tshilejilu pa ngenyi yonso ibidi eyi bua difila dia mukanda wa Créateur, pa kuakula bua mapa mu dinaya dionso. Kankamija bonso bua kuenda ne mukanda eu mu tshibuta padibu mu buambi, badiakaje bua kuufila mu tshikondo tshionso tshiakanyine.
Musambu 175 ne disambila dia nkomenu.
Lumingu lua dia 27 Kabitende
Musambu 141
Min. 15: Mamanyisha. Vuluija bamanyishi bua bafile luapolo lua mudimu bua Kabitende. Kankamija bonso bua kudilongolola bua kudifila bikole mu diabanya dia bibejibeji mu Kasuamansense. Balululayi imue ya ku ngenyi-mifila ya mushindu wa kulongolola mayuki adi mu Mudimu wetu wa Bukalenge wa Kasuabanga 1996, dibeji 8. Ku diambuluisha dia bibejibeji bipiabipia, leja bimue biena-bualu bimpe bia kuyukidilapu ne enzayi dinaya dia tshilejilu dimue anyi abidi mîpi. Leja mushindu wa kumanyisha muntu mapa a kufila.
Min. 15: Mandamuna ku nkonko yenu. Muyuki kudi mukulu.
Min. 15: “Ntendelelu mulelela udi wenda udiunda ku Mputu wa ku Est.” Mukulu udi ulombola tshitupa etshi mu nkonko ne mandamuna. Tela malu mamonamona ne bijadiki bia didiunda mu matunga adibu batele, bu mudibu bamanyishe mu mikanda ya Annuaire ya bidimu bishale ebi.
Musambu 87 ne disambila dia nkomenu.