Bisangilu bia Mudimu bua Kasuabanga

Lumingu lua dia 1 Kasuabanga

Musambu 156

Min. 10: Mamanyisha. Mamanyisha makumbanyine a mu Mudimu wetu wa Bukalenge. Konkonona tshiena-bualu: “Mona bukole budi nabu Bible!”

Min. 15: “Diyisha didi ditusunguluja.” Mbuelelu webe kapitshi munite mujima to, pashishe utungunuke mu nkonko ne mandamuna. Ku diambuluisha dia mukanda wa Dimanya, dibeji 173, tshikoso 8, umvuija mu mêyi makese tshitudi mua kuamba bua kukankamija mulongi wa Bible bua afike ku dipatuka mu buambi.

Min. 20: “Nnganyi udi mua kuitaba bua kulonga netu Bible?” Muyuki ne manaya a tshilejilu. Fila ngenyi, mu diumvuangana ne tshikoso 4, pa mishindu kabukabu ya kujula dijinga dia kumanya bivule pa dilonga bidi mu mikanda yetu. Enzayi manaya a tshilejilu mîpi abidi bua kuleja mudibi mua kuenzeka. Lomba bateleji bua balonde mushindu udibu bapatule bipeta bimpe mu dituadija malonga a Bible.

Musambu 198 ne disambila dia nkomenu.

Lumingu lua dia 8 Kasuabanga

Musambu 204

Min. 10: Mamanyisha. Luapolo lua konte. Kankamija bateleji bua badilongolole bua dikonkonona dia lumingu lualonda dia bikoso 18 bia ntuadijilu bia mu tshisakidila tshia Kasuabanga.

Min. 15: Mandamuna ku nkonko yenu. Muyuki. Manyisha malu adibu balongolole mu tshisumbu tshienu bua kulama Nzubu wa Bukalenge bimpe ne mankenda.

Min. 20: “Ntshinyi tshiwambila Mizilman?” Mu nkonko ne mandamuna. Ela kashonyi pa mushinga wa kuikala ne busunguluji patudi tuyikila ne bantu ba nshidimukilu mikuabu. Enzayi dinaya dia tshilejilu dilongolola bimpe. Bua kupeta mamanyisha makuabu pa ba-Mizilman, tangila tshisakidila tshia Mudimu wetu wa Bukalenge wa Luabanya 1998; mukanda wa Comment raisonner, mabeji 23-24; ne L’humanité à la recherche de Dieu, nshapita 12.

Musambu 208 ne disambila dia nkomenu.

Lumingu lua dia 15 Kasuabanga

Musambu 211

Min.  8: Mamanyisha. Vuluija mapangadika mangata bua mudimu wa buambi. Ufile luapolo lua mudimu wa budimi lua ditunga dietu ne lua tshisumbu tshienu bua Kashipu.

Min. 25: Majinga a tshisumbu tshienu anyi “Dimukilayi njiwu idi nayi programe ya Internet!” Nkonko ne mandamuna pa bikoso 1-18. Bala bikoso 4-7, 12, 16, 17. Kankamija bateleji bua badilongolole bimpe bua dikonkonona dia lumingu lualonda dia bikoso 19-36.

Min. 12: Baledi​—Nutu ne tshibidilu tshia kulombola dilonga dia Bible mu dîku dienu anyi? Muyuki pamue ne diyukidilangana ne bateleji. Umvuija bua tshinyi bidi bikengela bua bena mêku bikale balonga pamue. (Tangila Manuel pour l’École, mabeji 36-37.) Akula bua bipumbishi bidi bilonda ebi: (1) kutshinka ne: bana batshidi batekete ne kabena mua kukuata tshintu, (2) kuela meji ne: dibuela mu bisangilu bia tshisumbu ndikumbane, (3) Ditshioka bua midimu ya bungi idibu benza, ne (4) kupitshisha dîba mu ditangila televizion. (Tangila Tshibumba tshia Nsentedi tshia dia 15 Lumungulu 1994, mabeji 11-12.) Lomba baledi bua bumvuije mushindu utubu batshimuna malu aa atu apangisha bua kulama ndongamu muimpe wa dilonga dia mu dîku. Ela kashonyi pa bualu bua ne: bidi bikengela kuenza madikolela, kusuminyina ne kueleshangana diboko.

Musambu 217 ne disambila dia nkomenu.

Lumingu lua dia 22 Kasuabanga

Musambu 158

Min. 10: Mamanyisha ne malu mamonamona mu buambi.

Min. 10: Nngikadilu kayi uutu nende padibu bakupesha midimu? Muyuki kudi mukulu. Kudi midimu bungi tshianana ya mushinga mukole idi ikengela kuenza bua malu ende bimpe mu tshisumbu: kulongolola midimu ya kuenza idi mu programe; kuya kuangata bantu bua kulua nabu mu bisangilu anyi kuya nabu mu buambi; kuambuluisha bakulakaje; ne kukomba Nzubu wa Bukalenge, kumulongolola ne kumulama, kukosa mashinde ne kukomba pambelu. Utu wenza tshinyi padibu bakulomba bua wambuluishe? Bamue badi mua kubenga peshi kuitaba ku tshimfula-muoyo anyi kubenga kuenza mudimu bu mudibi bikengela. Umvuija bua tshinyi kuitaba ne kukumbaja midimu eyi mbualu bua disanka. Kankamija bantu bonso mu tshisumbu bua bikale benza malu ku budisuile.​—Mus. 110:3, NW, note; Yesh. 6:8.

Min. 25: Majinga a tshisumbu tshienu anyi “Dimukilayi njiwu idi nayi programe ya Internet!” Nkonko ne mandamuna pa bikoso 19-36. Bala bikoso 23-25 ne 34-36.

Musambu 223 ne disambila dia nkomenu.

Lumingu lua dia 29 Kasuabanga

Musambu 215

Min. 10: Mamanyisha. Vuluija bamanyishi bua kufilabu luapolo lua mudimu bua Kasuabanga.

Min. 15: Kankamijayi bapiabapia bua kubuela mu bisangilu. Diyuki pankatshi pa mukulu ne musadidi wa mudimu umue anyi babidi, diashila pa broshire wa Mu buobumue bua kuenza disua dia Nzambi, mabeji 14-15. Konkonona bua tshinyi bidi bikengela ne: bapiabapia babuele mu bisangilu. Badi mua kulongela malu a bungi mu bisangilu, kupetelamu dikankamija ne diambuluisha. Tela bisangilu bitanu bia ku lumingu, pa kumvuija bulenga bua tshisangilu tshionso. Umvuija mudi bisangilu bilela ngikadilu wa buena-Nzambi, bitukankamija mu nyuma, bitusemeja pabuipi ne bulongolodi, bituambuluisha bua kushemeja malanda ne bakuabu ne bua kujingulula tshipatshila tshia mudimu wetu. Kankamija bateleji bua bakuate mudimu ne broshire eu bua kufikisha bapiabapia ku dibuela mu bisangilu.

Min. 20: Tudi tusungula Traduction du monde nouveau. Muyuki ne manaya a tshilejilu. Ku bena malu a Nzambi, bulongolodi buetu mbua pa buabu bualu tudi tupatula, tuenza mudimu ne tuabanya nkudimuinu wa Bible mupatula kudi batendeledi bela manyi ba Yehowa. Katuena tujinga kuenda mushinga peshi kutangalaja mitabuja a kasumbusumbu kampanda to. Kadi dijinga dia kutumbisha dîna dia Nzambi ne kuambuluisha bakuabu bua kumumanyabu bimpe ke didi ditusaka. Nkudimuinu mikuabu idi ivuija Dîyi dia Nzambi dikole bua kudiumvua, nunku konkonona ngikadilu milenga kabukabu idi nayi Traduction du monde nouveau. (Tangila “Toute Écriture,” mabeji 327-331.) Tangila mumvuija adi mu tshikoso 3, fila bilejilu bia ngandamuinu miakaja mu tshikoso 6, ne leja bulenga bua nkudimuinu eu bumvuija mu bikoso 20-21. Enzayi manaya a tshilejilu abidi mîpi adi aleja mushindu utudi mua kuandamuna padibu batuambila ne: “Nutu ne wenu Bible.”​—Tangila mukanda wa Comment raisonner, dibeji 411.

Musambu 205 ne disambila dia nkomenu.