Ndongamu wa Bisangilu bia Mudimu
Lumingu lua dia 10 Tshisanga
Musambu 122
Min. 10: Mamanyisha. Sungula mamanyisha makumbanyine a mu Mudimu wetu wa Bukalenge. Kupu muoyo bua kumanyisha bua muyuki wa pa buawu wenzeka mu dia matuku 16 Tshisanga udi ne mutu wa bualu ne: “Bua tshinyi bantu badi dijinga ne tshia-bupikudi.” Kankamija bantu bonso bua balonde programe wa dibala dia Bible watuadija mu dia matuku 14 too ne dia matuku 19 Tshisanga udi mu Tukonkononayi Mifundu dituku dionso—2000. Konkononayi “Malu a kuvuluka bua Tshivulukilu,” adi mu dibeji 4 dia tshisakidila.
Min. 15: “Udiku munange Kristo bu mudiye pende mukunange anyi?” Mbuelelu webe kafiki ku munite mujima to, pashishe tungunuka mu nkonko ne mandamuna. Buejamu ngenyi ya mu Tshibumba tshia Nsentedi tshia 1 Lumungulu 1998, mabeji 16-17, bikoso 12-13. Kankamija muntu yonso bua enze madikolela a pa buawu bua kubikila bantu mu Tshivulukilu.
Min. 20: “Ngondo muinayi ntshikondo tshia kuenza midimu mimpe ne lukunukunu.” Mu nkonko ne mandamuna. Diyukila dia musangelu pa malu onso atudi tujinga kuenza mu Tshisanga. Angata minite isatu peshi inayi ya ndekelu bua kuambulula malu adi mu tshiena-bualu tshia: “Tshisumi tshiabu tshiakasaka ba bungi ku mudimu.”
Musambu 199 ne disambila dia nkomenu.
Lumingu lua dia 17 Tshisanga
Musambu 25
Min. 13: Mamanyisha. Luapolo lua konte. Bu mudi mbingu mishale anu ibidi bua ngondo muinayi kujikaye, kankamija muntu yonso bua kuyishaye kumpala kua ngondo eu kujika. Enzayi dinaya dia tshilejilu dîpi bua kuleja mushindu wa kufila nimero mipiamipia ya bibejibeji. Bu mudibi bikengela pamu’apa bua kuandamuna bantu badi basue ne: tusekelele petu difesto diabu dia Pasaka, udi mua kukonkonona malu adibu bafile mu mukanda wa Comment raisonner, mabeji 165-166.
Min. 16: “Utuku ne lungenyi lua kudipangisha amue masanka anyi?” Mu nkonko ne mandamuna. Tudi ne bua kumanya malu adi ne mushinga kupita makuabu, kuateka pa muaba wa kumpala. Bitu bikengela kuenza malu kampanda, kabidi kumanya mua kudikanda bua kumona mua kusuminyina ne aa adi ambuluisha mu nyuma. Umvuija tshitudi mua kulongela ku tshilejilu tshia Yezu.—Tangila Étude perspicace, Vol. 2, mab. 32-33, bik. 5-7.
Min. 16: Fila bibejibeji muaba udi bantu mua kubiangata. Muyuki ne diyukidilangana ne bateleji. Konkonona ngenyi idi mu Réveillez-vous! wa dia 8 Tshiongo 1995, mabeji 22-24. Umvuija bua tshinyi mbimpe kukeba bantu badi mua kuanyisha biena-bualu bidi mu bibejibeji. Fila bilejilu bia nimero mishale ne bantu bavua bayanyishe bu mudi: bendi ba mishinga anyi bulongolodi kampanda buvua biena-bualu abi bilengelele mu teritware wenu. Lomba bateleji balonde ne baleje bipeta bimpe biakapatulabu pabu bualu bavua balonde ngenzelu eu.
Musambu 71 ne disambila dia nkomenu.
Lumingu lua dia 24 Tshisanga
Musambu 137
Min. 10: Mamanyisha. Manyisha bungi bua bantu bavua mu Tshivulukilu mu tshisumbu tshienu. Lomba bateleji balonde malu avua bantu aba bavua babuelamu bua musangu wa kumpala bambe.
Min. 17: Ambuluisha bapiabapia bua bikale babuela mu bisangilu. Muyuki muangatshila mu mukanda wa Dimanya, mabeji 161-163, bikoso 5-8. Kunyima kua bamane kulonga matuku ndambu ne bapiabapia, mbimpe bua batuadije dibuela mu bisangilu. Kubafikisha ku dilua mu bisangilu kakutu kupepele to. Kadi, tshiudi mua kuenza ntshinyi bua bisangilu kubasaminabi muoyo? Mbimpe kukonkonona nabu tshiapamue ngenyi idi mu mukanda wa Dimanya ne pashishe kubambuluisha bua balue kudisangisha netu mu ntendelelu mulelela.
Min. 18: “Utu uyisha Bukalenge pa tshibidilu anyi?” Muyuki ne diyukidilangana ne bateleji muenza kudi sekretere. Umvuija bua tshinyi tutu tufila luapolo lua buambi. (Tangila Mudimu wetu, mab. 108-110.) Umvuija imue ntatu itu imueneka patudi katuyi tufila luapolo luetu diakamue. Lomba bateleji bua baleje tshitubu benza bua kabapu muoyo bua kufila luapolo luabu pa dîba. Leja patoke mushindu udi balombodi ba Dilonga dia Mukanda dia Tshisumbu mua kuela pabu diboko. Bu mudi lumingu lushale lumuepele bua ngondo wa Tshisanga kujikaye, leja bua tshinyi muntu yonso udi ne bua kutungunuka ne buambi, pashishe kufila luapolo lua mudimu ku ndekelu kua ngondo.
Musambu 200 ne disambila dia nkomenu.
Lumingu lua dia 1 Lumungulu
Musambu 213
Min. 12: Mamanyisha. Vuluija bantu bonso bua bafile luapolo luabu lua mudimu bua Tshisanga. Balombodi ba Dilonga dia Mukanda dia Tshisumbu badi ne bua kusangisha luapolo ya bena mu tusumbu tuabu tuonso bua kumona mua kuyituma kumpala kua dia 6 Lumungulu. Konkonona Mandamuna ku nkonko yenu bilondeshile majinga a tshisumbu tshienu.
Min. 15: Majinga a tshisumbu.
Min. 18: “Ikala pabuipi bua kupingana!” Diyukidilangana ne bateleji. Konkonona malu adi mua kutupangisha bua kupinganyina bantu. Umvuija bua tshinyi diangata note mimpe ne dijinga dia kupinganyina muntu bua kumutangila bidi ne mushinga. Lomba bateleji bua badilamine mêba mu ndongamu yabu bua kupinganyina bantu. Konkononayi tshiakabidi ngenyi idi mu mukanda wa Mudimu wetu, mabeji 88-89. Ulonde bualu budi mu Annuaire 1995 dibeji 45.—1 Kol. 3:6, 7.
Musambu 68 ne disambila dia nkomenu.