Ndongamu wa Bisangilu bia Mudimu

Lumingu lua dia 10 Kashipu

Musambu 7

Min. 12: Mamanyisha a mu tshisumbu ne makuabu makumbanyine a mu Mudimu wetu wa Bukalenge. Akula bua luapolo lua mudimu wa buambi lua Kasuabanga 1999 lua ditunga ne lua tshisumbu. Akula bua kazubu aka: “Tangila mu dibeji dia panyima,” ne enzayi dinaya dia tshilejilu dishindamene pa dileja dimue dia ku adibu bafile aa dikala mua kupatula bipeta bimpe mu teritware wenu.

Min. 15: “Katuena mua kulekela kumanyisha.” Mbuelelu webe kapitshi pa munite mujima to, pashishe utungunuke mu nkonko ne mandamuna. Shindika malu adi atufikisha ku diangata mudimu wetu wa diyisha ne mushinga wa bungi menemene. Buejamu ngenyi miakanyine ya mu Tshibumba tshia Nsentedi tshia dia 15 Tshiongo 1997, dibeji 23-24.

Min. 18: “Malu onso enjibue bua kunudiundisha.” Bakulu babidi badi bayikidilangana pa tshiena-bualu etshi. Badi babala tshikoso tshionso ne mvese idi mitelamu. Badi baleja mêyi adi akengela kulonda. Badi baleja mudibi bikengela kuikala ne busunguluji patudi tuenda mushinga anyi patudi tuela makuta mu bintu bua kupeta makasa. Balululayi mibelu mifila mu Tshibumba tshia Nsentedi tshia dia 15 Luabanya 1997, dibeji 18-19, 22.

Musambu 15 ne disambila dia nkomenu.

Lumingu lua dia 17 Kashipu

Musambu 23

Min. 15: Mamanyisha a mu tshisumbu. Luapolo lua konte. Umvuija mu mêyi makese mushindu wa kuenza mudimu ne broshire wa Le nom divin bua kuambuluisha muntu udi munange bulelela bua ajingulule bua tshinyi bidi bikengela kumanya dîna dia Nzambi ne kuikala kuditela.​—Tangila Comment raisonner, dibeji 200-201.

Min. 10: “Ndongamu mupiamupia wa mpuilu wa tshijengu.” Mu nkonko ne mandamuna. Manyisha dituku dienzeka mpuilu wa tshijengu udi ulonda, ne kankamija bantu bonso bua kuikalaku matuku onso abidi au. Bonso badienzeje kabidi mushindu wa pa buawu bua kubikila balongi ba Bible. Kubuela mu mpuilu kudi mua kubapesha muoyo wa kuikala badisangisha ne tshisumbu pa tshibidilu.

Min. 20: Nnganyi udi ne bua kuikala tshilejilu tshienu? Tatu wa dîku udi ulombola dilonga dia mu dîku ne muana umue anyi babidi bakadi mipiankunde. Mmumone matuku adi panshi aa ne: bana bende aba badi batamba kutela mu mayuki abu bantu badi batumbe mu manaya, mu filme, ku TV ne bimbi ba mijiki. Udi uleja mudibi bimutonda bualu dinanga malu aa mushindu eu didi dileja lungenyi lua bena panu. Badi bakonkonona Réveillez-vous! wa dia 22 Lumungulu 1998, dibeji 12-14. Bana aba badi balua kumona ne: kudi njiwu padi muntu unanga unekesha bantu ba panu aba badi bende lumu, pashishe bana badi bafika ku ditaba ne: kutumba panu kakuena ne mushinga kudi bena Kristo nansha. Badi bakonkonona bipeta bilenga bidibu mua kupeta padibu bangata baledi, bakulu ne bakuabu bana betu mu tshisumbu ne nangananga Yezu Kristo bu bilejilu bimpe bidibu mua kulonda.

Musambu 34 ne disambila dia nkomenu.

Lumingu lua dia 24 Kashipu

Musambu 45

Min.  5: Mamanyisha a mu tshisumbu.

Min. 15: Tudimanyishayi bu bena mudimu ba Nzambi. Basadidi ba mudimu babidi badi bayukila bua mubelu wa mu Bible mufila mu Tshibumba tshia Nsentedi tshia dia 15 Tshisua-munene 1998, dibeji 19-20. Badi bajingulula bua tshinyi mbimpe kukumbaja malu malomba bua basadidi ba mudimu ne kabidi bakonkonona tshidibu ne bua kuenza bua kuleja ne: badi bakumbaja midimu yabu bimpe. Badi bamona mushinga wa kufila tshilejilu tshimpe mu mudimu wa buambi ne bakonkonona malu adibu mua kuenza bua kukuatshisha bakulu ne kuambuluisha bakuabu. Badi baleja ne: mbapangadije bua kuenza tshionso tshidibu mua kuenza bua kuambuluisha tshisumbu tshijingulule ne: tudi mu tshikondo tshia kuenza mudimu wa buambi ne tshisumi, kukola ne kulama makanda a mu nyuma.

Min. 10: Tufundilayi bantu batudi katuyi mua kupetangana nabu mikanda. Muyuki ne diyukidilangana ne bateleji. Bu mudibi mpindieu bikale bikole bua kupeta bantu kumbelu, bamanyishi bakuabu batu bapatula bipeta bimpe padibu bafundila bantu mikanda. Londa mibelu eyi: Mikanda iudi ufunda idi ne bua kuikala mîpi, ileja kanemu ne ngenyi miangatshila mu mvese ya mu Bible. Kutumi mikanda kayiyi mifunda dîna diebe to. Uyifunde ku tshianza anyi ku tshiamu ne maleta adi amueneka bimpe adi muntu mua kubala. Fila adrese wa muaba udi Nzubu wa Bukalenge wenu ne mêba anutu nuenza bisangilu mu tshisumbu tshienu ne utumine muntu kabeji ka dimubikila naku mu bisangilu. Kufidi adrese wa Société to. Bala mibelu mifila mu mukanda wa Manuel pour l’École, dibeji 86-87, ne Mandamuna ku nkonko yenu mu Mudimu wetu wa Bukalenge wa Tshisua-munene 1996.

Min. 15: Ikala ne mbuelelu mituile. Sungula mbuelelu ibidi peshi isatu mu kakanda ka Mua kutuadija ne kutungunuka ne mayuki pa Bible, dibeji 2-7 (rs-F, dib. 9-15), ne leja mudi mbuelelu eyi mua kunuambuluisha mu teritware wenu. Ebeja bateleji ne: “Mmbuelelu kayi inutu nutuadija nayi mayuki ne bantu banutu nututakena nabu mu musesu, nupetangana nabu mu mpukapuka anyi banutu nutuilangana nabu muaba mukuabu?” Pikala dîba dikaleku, enzayi dinaya dia tshilejilu dimue anyi abidi.

Musambu 54 ne disambila dia nkomenu.

Lumingu lua dia 31 Kashipu

Musambu 66

Min. 15: Mamanyisha a mu tshisumbu. Vuluija bamanyishi bonso bua bafile luapolo lua mudimu bua ngondo wa Kashipu. Lomba bateleji bua balonde malu avuabu bamone ngondo eu pavuabu babanya broshire.

Min. 12: Majinga a tshisumbu.

Min. 18: “Utuku wanyisha lutulu lua Yehowa anyi?” Mu nkonko ne mandamuna. Buejamu mumvuija matuile anyi mimpe adi aleja lutulu lua Yehowa.​—Tangila Étude perspicace, Volime 2, dibeji 499-500.

Musambu 75 ne disambila dia nkomenu.

Lumingu lua dia 7 Tshimungu

Musambu 88

Min. 10: Mamanyisha a mu tshisumbu.

Min. 17: “Utu utshina bantu anyi?” Mu nkonko ne mandamuna. Londa bualu bumue budi bukankamija bantu buangatshila mu Annuaire 1997, dibeji 43-44.

Min. 18: Ikalayi ne meji mu matuku adi kumpala kuenu. Muyuki kudi mukulu. Dijinga dia bansonga ndia kupeta disanka mu matuku atshilualua pamue ne badibu banange. Nansha mudi dijinga edi kadiyi dibi, badi ne bua kutumikila mibelu ya Nzambi bua buobu kushisha kupeta disanka. (Nsu. 19:20) Ku bunsonga, muntu udi umvua muoyo umukoka bikole kudi muntu udi kayi mulume anyi mukaji bu yeye. Padi muntu kayi udikanda dîba didi majinga a nunku amujuka, udi mua kudikebela njiwu. Kudi nkonko ya bungi idi itangila meji a bansonga padibu babanga dinangangana ne bakuabu badi kabayi balume anyi bakaji bu buobu, bashemeja nabu mananga adi afikisha too ku dituadija kuseselangana. Konkonona mushindu udibu badimuija bua bualu ebu mu mukanda wa Les jeunes s’interrogent, dibeji 231-235. Leja malu manene a mu Tshibumba tshia Nsentedi tshia dia 15 Kasuabanga 1999, dibeji 18-23, mudibu baleja bua tshinyi bidi bikengela bua bansonga kukumbajabu tshionso tshidi Nzambi ubalomba. Kankamija bansonga bua bele meji bua mubelu eu ne kuyukidilanganapu ne baledi babu padibu ne malu adi atangila tshilumbu etshi adibu bajinga kumanya.

Musambu 101 ne disambila dia nkomenu.