Diambulula dia mu Kalasa ka Mudimu wa Teokrasi

Diambulula edi nedienzeke ne mikanda mibuikila pa biena-bualu bilonga mu Kalasa ka Mudimu wa Teokrasi kutuadija ku lumingu lua dia 1 Lumungulu too ne lua dia 21 Tshimungu 2000.

[Dimanyisha: Padi diambulula dienzeka, wenze mudimu anu ne Bible nkayende. Mikanda mitela idi kunyima kua lukonko luonso neyikuambuluishe mu makebulula ebe nkayebe. Nimero ya mabeji ne ya bikoso ki mmifila yonso bua makebulula ebe mu Tshibumba tshia Nsentedi to.]

Andamunayi Bulelela peshi Dishima ku biambilu bidi bilonda ebi:

1. Mushindu uvua Gideona muandamune bena Efelayima bavua bamutandishe kapayi bualu, wakaleja muvuaye mupole-malu ne mudipuekeshi, ke muakatuyishaye dimujana diabu ne kushalabu mu ditalala. (Bal. 8:1-3) [Dibala dia Bible dia ku lumingu luonso]

2. Nansha muakamba Manoa ne: “tuakumona Nzambi,” mu bulelela yeye ne mukajende bakamona muleji-mpala wa Nzambi uvua ne mubidi wa muntu, kabavua bamone Yehowa to. (Bal. 13:22) [Dibala dia Bible dia ku lumingu luonso; tangila w88-F 15/5 dib. 23 tshik. 4.]

3. Mu Balumbuluishi 5:31, ka-tshiambilu aka: “badi bakusue,” kadi kaleja mu tshiprofete bantu 144 000 bapianyi ba Bukalenge. [si-F dib. 51 tshik. 28]

4. Kabakasangana bitupa bia mukanda wa Luta mu Mivungu ya ku Mbuu Mufue to. [si-F dib. 51 tshik. 3]

5. Balumbuluishi 21:25 udi wakula bua tshikondo tshivua Yehowa mulekele tshisamba tshia Isalele kayi utshiludika kabidi. [Dibala dia Bible dia ku lumingu luonso; tangila w95 15/6 dib. 22 tshik. 16.]

6. Bimfuanyi bia bakeluba bivua pa mushete wa tshipungidi bivua bileja dikalaku dia bumfumu bua Yehowa, ne bavua bamba ne: Yehowa “mmusombe pa mutu pa [anyi, “munkatshi mua”] bakeluba.” (1 Sam. 4:4, NW, diumvuija kuinshi) [Dibala dia Bible dia ku lumingu luonso; tangila w81-F 1/2 dib. 29 tshik. 2.]

7. Bu muakadia basalayi ba Shaula mashi pavuabu mu nsombelu mukole ne kupangabu kubanyoka, bualu ebu buakaleja ne: kudi mua kuikala tumue tubingila tuakanyine tudi muntu mua kuanji kutupa ku mikenji ya Nzambi bua kupandisha muoyo wende. (1 Sam. 14:24-35) [Dibala dia Bible dia ku lumingu luonso; tangila w94 15/4 dib. 31 bik. 7-9.]

8. Nansha mudi bamue bangata muaku ‘dituisha’ bu dinyungululangana lungenyi ne budimu, badi mua kuwangata mu ngumvuilu mulenga: wa kuitabijija ne kushintuluisha lungenyi lua muntu ku diambuluisha dia ngelelu muimpe wa meji. (2 Tim. 3:14, 15) [w98 15/5 dib. 21 tshik. 4]

9. “Tshibombi tshia muoyo” tshidi tshileja ndongoluelu wa Nzambi wa dilama ne dikuba, mmushindu uvuaye mua kukuatshisha nawu Davidi bu yeye mua kuepuka dipia tshibawu tshia mashi ku mêsu kuende. (1 Sam. 25:29, NW) [Dibala dia Bible dia ku lumingu luonso; tangila w91-F 15/6 dib. 14 tshik. 3.]

10. Tshipungidi tshia Bukalenge tshienza ne Davidi, tshidibu batele mu 2 Samuele 7:16, tshiakakepesha mulongo wa bankambua ba Dimiinu udi ufikisha too ne kudi Masiya ne tshivua tshijadiki tshia mu mikenji tshia se: muntu wa mu mulongo wa Davidi uvua ne bua kulua kukokesha “tshiendelele.” [Dibala dia Bible dia ku lumingu luonso; tangila w89-F 1/2 dib. 14 tshik. 21–dib. 15 tshik. 22.]

Andamunayi ku nkonko idi ilonda eyi:

11. Ndijadika kayi didi Musambu 34:18 utupesha? [w98 1/4 dib. 31 tshik. 2]

12. Bua tshinyi bavua binyike Yosefe ne: Bânaba? (Bien. 4:36) [w98 15/4 dib. 20 tshik. 3, note]

13. Bua tshinyi Bible udi wamba ne: Eli wakatumbisha bana bende ba balume ku mutu kua Yehowa? (1 Sam. 2:12, 22-24, 29) [Dibala dia Bible dia ku lumingu luonso; tangila w96 15/9 dib. 13 tshik. 14.]

14. Bua tshinyi mukanda wa Luta udi ne bua kukolesha dieyemena dietu dia malu adibu balaye bua Bukalenge? [si-F dib. 53 tshik. 10]

15. Bilondeshile 1 Samuele 1:1-7, ntshilejilu kayi tshia pa buatshi tshiakashiya dîku dia Samuele? [Dibala dia Bible dia ku lumingu luonso; tangila w98 1/3 dib. 16 tshik. 12.]

16. Mmu ngumvuilu kayi mutudi mua kuamba ne: ‘biuma bidi ne mashimi’? (Mat. 13:22) [w98 15/5 dib. 5 tshik. 2]

17. Nansha muvua Yonatana mukulumpe kudi Davidi (muela manyi wa Yehowa), mmunyi muakalejaye ne: uvua mumuanyishe, ne bualu ebu budi tshimfuanyi tshia tshinyi lelu’eu? (1 Sam. 18:1, 3, 4) [Dibala dia Bible dia ku lumingu luonso; tangila w89-F 1/1 dib. 24 tshik. 4, dib. 26 tshik. 13.]

18. Nansha muvua Yobo muikale muntu “mujalame, kabidi muakane,” mmunyi mudi mukanda wa Yobo uleja ne: kabiena bisua kumvuija ne: uvua mupuangane? (Yobo 1:8, MMM) [w98 1/5 dib. 31 tshik. 1]

19. Tshiambilu tshia ne: “dienzejayi bikole nuenu bine” tshidi tshiumvuija tshinyi? (Luka 13:24, NW) [w98 15/6 dib. 31 bik. 1, 4]

20. Mu dienza mudimu pamue ne bakuabu, ndilongesha kayi dia mushinga ditudi mua kulama bilondeshile 2 Samuele 12:26-28? [Dibala dia Bible dia ku lumingu luonso; tangila w93 1/12 dib. 19 tshik. 19.]

Kumbajayi miaba idi mishale patupu mu biambilu bidi bilonda ebi:

21. Mushindu uvua Yehowa mudiwule bikole ntendelelu wa Bâla udi ne bua kutusaka ku diepuka malu a buena-lelu adi mafuanangane ne ntendelelu au bu mudi ․․․․․․․․ ne ․․․․․․․․. (Bal. 2:11-18) [si-F dib. 50 tshik. 26]

22. Tshikondo tshia ․․․․․․․․ tshiakafika ku ndekelu kuatshi mu matuku a Samuele ne tshikondo tshia ․․․․․․․․ tshiakatuadija, tshikondo tshiakalua bena Isalele kujimija ndekelu wa bionso dianyisha dia Yehowa. [si-F dib. 53 tshik. 1]

23. Dîna dia Nzambi, Yehowa, didi diumvuija ne: “__________________________” ne didi dileja ne: Yehowa udi mua kudivuija tshionso tshidi tshikengedibua bua kukumbaja ․․․․․․․․ ende. [w98 1/5 dib. 5 tshik. 3]

24. Eli ne Shaula bakapangila mu malu akenzabu. Eli ․․․․․․․․ bua kuenza amue malu, ne Shaula wakenza malu ․․․․․․․․. [si-F dib. 58 tshik. 27]

25. Mufuanu wa Yezu wa muena Samariya wa muoyo muimpe udi uleja ne: muntu udi muakane bulelela ng’eu udi utumikila ki ng’anu ․․․․․․․․ ya Nzambi kadi udi widikija ․․․․․․․․ yende kabidi. (Luka 10:29-37) [w98 1/7 dib. 31 tshik. 2]

Sungulayi diandamuna dijalame mu tshionso tshia ku biambilu bidi bilonda ebi:

26. Tudi tumona bualabale bua (meji a; bukole bua; dinanga dia) Yehowa mu disungula diende dia mukaji wa bena Moaba (Luta; Naomi; Ôpa), uvua kumpala mutendeledi wa (Bâla; Kemoshe; Dagona), wakalua pashishe kubuela mu ntendelelu mulelela ne kuluaye nkambua wa Yezu Kristo. (Mat. 1:3, 5, 16) [si-F dib. 51 tshik. 1]

27. Tshikondo tshivua balumbuluishi bakokesha mu Isalele tshiakafika ku ndekelu kuatshi pakelabu (Samuele; Davidi; Shaula) manyi bu mukalenge ne katupa kîpi panyima wakatshimuna (bena Amona; bena Moaba; bena Peleshete) ne diambuluisha dia Yehowa. (1 Sam. 11:6, 11) [Dibala dia Bible dia ku lumingu luonso; tangila w95 15/12 dib. 9 tshik. 2–dib. 10 tshik. 1.]

28. Bakalongesha Timote “mifundu minsantu” kudi (mupostolo Paulo; tatuende; mamuende ne kakuende mukaji) ne kuluaye pashishe misionere ne mutangidi mulenga. (2 Tim. 3:14, 15; Filip. 2:19-22) [w98 15/5 dib. 8 tshik. 3–dib. 9 tshik. 5]

29. Mudimu wakenza (Davidi; Samuele; Yonatana) mu bunsonga buende udi ne bua kukankamija bansonga bua badifile mu mudimu lelu, ne mushindu wakatungunukaye kayi ulekela too ne ku lufu luende udi ne bua kukolesha aba bakadi batekete bua bukulakaje. [si-F dib. 58 tshik. 30]

30. Mukanda wa 2 Samuele udi wakula bua malu akenzeka kubangila mu (1077 too ne mu 1040; 1077 too ne mu 1037; 1070 too ne mu 1040) K.B.B. [si-F dib. 60 tshik. 3]

Suikakajayi mvese idi ilonda eyi ku biambilu bifila kuinshi eku:

Bal. 11:30, 31; 1 Sam. 15:22; 30:24, 25; 2 Bak. 6:15-17; Yak. 5:11

31. Yehowa udi utujadikila ne: neenze mudimu ne biluilu biende bia mu diulu bua kukuba bantu bende bilondeshile disua diende. [w98 15/4 dib. 29 tshik. 5]

32. Batangidi ba bisumbu badi ne bujitu bua kukumbaja bipungidi biabu nansha mutubi imue misangu bisamisha muoyo ne bitatshisha bikole. [w99 15/9 dib. 10 bik. 3-4]

33. Kulama muoyo-mutoke mu mateta kudi kufikisha ku dipeta difutu dinene kudi Yehowa Nzambi. [w98 1/5 dib. 31 tshik. 4]

34. Dinanga dilelela dia Nzambi didi dilomba kutumikila mêyi a Nzambi, ki nkufila milambu patupu to. [Dibala dia Bible dia ku lumingu luonso; tangila w96 15/6 dib. 5 tshik. 1.]

35. Lelu’eu Yehowa udi wanyisha bikole bantu badi benza midimu idi ne diambuluisha mu bulongolodi buende. [Dibala dia Bible dia ku lumingu luonso; tangila w86-F 1/9 dib. 28 tshik. 4.]