Ndongamu wa Bisangilu bia Mudimu

Lumingu lua dia 9 Kasuamansense

Musambu 11

Min.  8: Mamanyisha a mu tshisumbu ne makuabu makumbanyine a mu Mudimu wetu wa Bukalenge.

Min. 12: “Ikala ne ntema ku midimu ya Nzambi ya dikema.” Mbuelelu webe kapitshi pa munite mujima to, pashishe utungunuke mu nkonko ne mandamuna. Leja bimue bimfuanyi bidi mu mukanda mupiamupia au bidi bifikisha bantu ku dianyisha mulayi wa Yeshaya.

Min. 25: “Bidimu tshinunu bipiabipia​—Mmalu kayi adi matuindile kumpala eku?” Mutangidi wa mudimu ke walombola ne musangelu diyukidilangana edi. Kunyima kua yeye mumane kubala dimanyisha didi mu mukanda wa mu dia 3 Kashipu 2000 udi Société mufundile bakulu, bapeshe muntu yonso wikala mu tshisangilu trakte umue wa Ngumu ya Bukalenge No. 36. Pashishe utungunuke ne tshiena-bualu etshi mu nkonko ne mandamuna. Umvuija tshidibu balongolole mu tshisumbu tshienu bua kufika ku diabanyina bantu ba mu teritware wenu mujima trakte eu. Kebayi mushindu unudi mua kuambuluisha bapiabapia ne bana bua bafike ku dikumbaja malu adibu babalomba bua kushisha kulua bamanyishi badi kabayi banji kutambula. Enzayi dinaya dia tshilejilu dîpi. Leja muntu yonso bua amanye ne: udi ne bua kudifila bikole mu kampanye aka.

Musambu 53 ne disambila dia nkomenu.

Lumingu lua dia 16 Kasuamansense

Musambu 104

Min. 10: Mamanyisha a mu tshisumbu. Luapolo lua konte. Vuluija bamanyishi ne: nebafile Tshibumba tshia Nsentedi ne Réveillez-vous! pamue ne Ngumu ya Bukalenge No. 36 padibu bapatuka mu buambi ku ndekelu kua lumingu.

Min. 15: “Bia mudimu bidi bitulongesha, bitusaka ku ditumikila ne bitupesha bukole.” (Anu tshikoso tshia 1 ne 2.) Muyuki. Akula mu mêyi makese bua kuleja mushindu wakatuadija Société kupatula filme ya video. (Tangila mukanda wa Prédicateurs, dibeji dia 600-601.) Kankamija muntu yonso bua adianjile kutangila filme wa: Les Témoins de Jéhovah​—Un nom, une organisation bua kumanya tshia kuandamuna mu diyukidilangana dienzeka mu Tshisangilu tshia Mudimu tshia lumingu lua dia 30 Kasuamansense. Badi ne filme eu badi mua kumusombesha ba-wetu badi kabayi nende, anyi pamu’apa badi mua kudisangisha pamue bua kumutangila.

Min. 20: Tuetu bonso tudi mua kuleja lungenyi lua bumpanda-njila. Diyukidilangana pankatshi pa mulombodi wa dilonga dia mukanda ne tshindondi tshiende, diashila pa ngenyi ya mu Tshibumba tshia Nsentedi tshia dia 15 Kasuamansense 1997, dibeji dia 22-23. Badi bayikila baleja bua tshinyi bidi mua kuikala bimpe bua kuikala ne bampanda-njila ba bungi mu tshisumbu ne tshidi bantu bonso mua kuenza bua kufika ku tshipatshila etshi. Badi bakonkonona tshidibu ne bua kuenza bua kukankamija bana betu badi bampanda-njila bua batungunuke, ne tshidi muntu yonso udi mu tshisumbu ne tshia kuenza bua kukolesha lukunukunu luende mu buambi.

Musambu 131 ne disambila dia nkomenu.

Lumingu lua dia 23 Kasuamansense

Musambu 150

Min. 10: Mamanyisha a mu tshisumbu.

Min. 15: “Ndekelu wa tshikisu mu dîku.” Muyuki. (Tangila Réveillez-vous! wa dia 8 Luishi 1993, dib. dia 10-14.) Mukulu udi ufila tshilejilu tshimpe tshia bu tatu wa dîku muena malu malenga ke wenza muyuki eu. Neakule nangananga bua ngikadilu udi muntu ne bua kuikala nende kudi bana ne kudi muena dibaka nende. Nealeje bimpe mêyi a mu Bible adi ajadika ne: ‘kukuma mukaji anyi kututa bana ne tshikisu tshionso ki mbualu butudi mua kubingisha nansha. Kukuma mukaji peshi kukisa bana nkutupa ku mikenji ya mbulamatadi, ne mikenji ya Nzambi idi ipisha mu mishindu yonso tshikadilu etshi.’ Midimu yonso ya buena-Kristo idi mulume muena Kristo udi ukuma mukajende wenza, kayakuikala ne mushinga nansha mukese ku mêsu kua Nzambi. Ngamba-malu neavuluije bateleji ne: “mukumianganyi” ki mmuakanyine bua kumupeshabu midimu ya pa buayi mu tshisumbu nansha. (1 Tim. 3:3; 1 Kol. 13:1-3) Bia muomumue kabidi, “muena Kristo yonso udi ne tshibidilu tshia kukuatshika biji bikole ne kayi ulekela tshibidilu etshi, badi mene nansha mua kumuipata mu tshisumbu.” Kankamija bena mêku bonso bua balekele tshikisu ne dikengeshangana dia mishindu yonso mu dîku. Kadi pamutu pa bikadilu bibi ebi, bambile balonge mua kunemekangana ne kunangangana bu bena Kristo.

Min. 20: Dilongolola bimpe bua bisangilu. Muyuki ne diyukidilangana ne bateleji. Bisangilu nebitukuatshishe bilondeshile mushindu utudi tudienzeja bua kubilongolola bimpe. Konkononayi ngenyi miakanyine idi mu Tshibumba tshia Nsentedi tshia dia 1 Luabanya 1998, dibeji dia 15-16, tshikoso tshia 8-11. Lomba bateleji bua bumvuije mushindu utubu badienzeja ne bapeta dîba dikumbane dia kudilongolola bimpe bua bisangilu.

Musambu 211 ne disambila dia nkomenu.

Lumingu lua dia 30 Kasuamansense

Musambu 167

Min.  8: Mamanyisha a mu tshisumbu. Vuluija bamanyishi bua bafile luapolo lua mudimu wa buambi lua Kasuamansense.

Min. 12: Malu avua bamanyishi bamone dîba divuabu mu mudimu wa diabanya dia Ngumu ya Bukalenge No. 36. Lomba bamanyishi bashilangane bua bakule bua bipeta bimpe bidibu bapatule pavuabu mu diabanya dia Ngumu ya Bukalenge No. 36. Lomba bampanda-njila ba pa tshibidilu ne bambuluishi bua baleje mudibu banyishe mudimu wa bungi udi muenzeke bua kampanye aka ne mudibi bibambuluishe bua kupatuka ne bamanyishi bashilashilangane.

Min. 25: Les Témoins de Jéhovah​—Un nom, une organisation. Diyukidilangana ne bateleji. Konkononayi nkonko idi mu tshikoso 3 mu tshiena-bualu tshia: “Bia mudimu bidi bitulongesha, bitusaka ku ditumikila ne bitupesha bukole.” Fila ngenyi pa mushindu wa kuenza mudimu ne filme wa video eu bua kuambuluisha bantu badi banyisha bulelela bua bafike ku dimanya malu a bulongolodi buetu. Londa mu mêyi makese bualu bumue anyi abidi mamona.​—Tangila Tshibumba tshia Nsentedi tshia dia 1 Kasuamansense 1992, dib. dia 30-31 (Mfual.).

Musambu 15 ne disambila dia nkomenu.

Lumingu lua dia 6 Kasuabanga

Musambu 198

Min. 15: Mamanyisha a mu tshisumbu. Leja mushindu udi diabanya dia Ngumu ya Bukalenge No. 36 ditungunuka ne kuya kumpala. Manyisha teritware inukadi babanye trakte eu ne tshidi tshikengela kuenza bua kumuabanya mu idi mishale bangabanga ne tuetu kufika mu dia 17 Kasuabanga.

Min. 20: Mmalu kayi atutu tulongesha? Muanetu wa balume udi upinganyina muntu uvua mukonke ne: “Mmalu kayi atu Bantemu ba Yehowa balongesha adi abasunguluja ne bitendelelu bikuabu?” Yukidilanganayi pa malu adi mu kazubu kadi mu dibeji 6 dia Tshibumba tshia Nsentedi tshia dia 1 Kasuamansense 1998. Umvuija mushindu utu bena mu bikuabu bitendelelu kabayi bamanye peshi babenga kuitaba malelela a nshindamenu aa a mu Bible ne balongesha malu adi bantu bafuikakaja patupu.

Min. 10: Dimba misambu ntshitupa tshia mushinga mu ntendelelu wetu. Mulombodi wa dilonga dia mukanda udi uyikila ne bamanyishi babidi malu adi atangila dimba diabu dia misambu mu bisangilu bia tshisumbu. Mmumone se: kabena bimba bimpe dîba dia bisangilu bia tshisumbu to. Udi uyikila nabu amue malu adi mu Tshibumba tshia Nsentedi tshia dia 1 Luishi 1997, dibeji dia 27-28. Badi bakonkonona mêyi a musambu umue wimbabu mu Dilonga dia Tshibumba tshia Nsentedi lumingu elu, anu mudibu batulombe mua kuenza mu Tshibumba tshia Nsentedi tshia dia 1 Kashipu 1999, dibeji dia 20, tshikoso tshia 12. Patudi tuangata dimba misambu yetu ne mushinga, netufike ku ditumbisha Yehowa ne muoyo mujima mu nsombelu wetu.

Musambu 223 ne disambila dia nkomenu.