Ndongamu wa Bisangilu bia Mudimu

Lumingu lua dia 11 Kabalashipu

Musambu 178

Min. 10: Mamanyisha a mu tshisumbu ne makuabu makanyine a mu Mudimu wetu wa Bukakenge. Kankamija bantu bonso bua batangile bande wa video wa: La fermeté des Témoins de Jéhovah face à la persécution nazie bua kudilongolola bua diyukidilangana dienzeka mu Tshisangilu tshia Mudimu lumingu lua dia 25 Kabalashipu.

Min. 15: “Tungunuka ne ‘kuenza malu mimpe.’” Muyuki udi ukankamija muangatshila mu Bible kudi mukulu.

Min. 20: “Lenga mutshima wa mulongi webe.”a Sakidilamu ngenyi milenga idi ileja mua kuambuluisha bapiabapia bua kukoleshabu munda muabu ditabuja ne dinanga bua Yehowa ne bua Yezu. Angata malu manene adi mu Tshibumba tshia Nsentedi tshia dia 15 Kashipu 1999, dibeji dia 14, tshikoso tshia 18-20.

Musambu 184 ne disambila dia nkomenu.

Lumingu lua dia 18 Kabalashipu

Musambu 194

Min.  5: Mamanyisha a mu tshisumbu. Luapolo lua konte.

Min. 10: Mushindu wa kuandamuna ku malu adi mua kunupumbisha panudi nuyukila ne bantu. Diyukidilangana ne bateleji. Tangila malu mafunda muinshi mua ka-tshiena-bualu: “Nseka” mu kakanda ka Mua kutuadija ne kutungunuka ne mayuki pa Bible, dibeji dia 7 anyi “Remarques” mu mukanda wa Comment raisonner, dibeji dia 15. Sungula amue malu atu apangisha mua kutununguka ne diyuki anutu nupetangana nau pa tshibidilu mu teritware wenu kutuadijila mu dibeji dia 8-13 mu kakanda aku peshi 16-20 mu mukanda wa Comment raisonner. Lomba bateleji bua baleje mishindu ya kuandamuna idi ipatuisha bipeta bimpe ne baleja bua tshinyi bidi nanku.

Min. 30: “Udiku mua kudifila pebe anyi?” Muyuki udi ukolesha ku muoyo muikale ne miaba idi bateleji mua kuandamuna ku nkonko mimana kulongolola mu tshikoso tshia 13 ne tshia 18-24. Kankamija baledi bua kuambuluisha bana babu bua badifundila tshipatshila tshia kuenza mudimu ku Betele. Lomba baledi bua kulongabu tshisakidila etshi mu dilonga diabu dia mu dîku.

Musambu 197 ne disambila dia nkomenu.

Lumingu lua dia 25 Kabalashipu

Musambu 2

Min. 15: Mamanyisha a mu tshisumbu. Konkonona mikanda ya kufila mu Kashipu ne mu Tshimungu. Akula bua broshire ibidi ya ku inudi nayi mu stoke wenu. Enzayi manaya a tshilejilu malongolola bilenga adi aleja mushindu wa kuyifila mu buambi. Tangila mibelu bua kumanya mushindu wa kuyifila mu dibeji dia ndekelu dia Mudimu wetu wa Bukalenge wa Tshiongo ne Luishi 1996 too ne 1998.

Min. 30: “Ndi nshala mushindame! Ndi nshala mushindame! Ndi nshala mushindame!” Diyukidilangana ne bateleji bilongeshile malu adi mu bande wa video wa Fermeté, ku diambuluisha dia nkonko idi mu tshikoso 2. Pashishe nukonkonone tshikoso 3-4. Bua kujikija, londela bateleji muyuki udi mu Réveillez-vous! wa dia 22 Kasuabanga 1999, dibeji dia 31. Mu ngondo wa muanda-mukulu netuakule bua bande wa video wa: La Société du Monde Nouveau en action.

Musambu 29 ne disambila dia nkomenu.

Lumingu lua dia 2 Kashipu

Musambu 5

Min. 15: Mamanyisha a mu tshisumbu. Vuluija bamanyishi bonso bua kufilabu luapolo luabu lua mudimu lua Kabalashipu. Konkonona tshiena-bualu: “Bansonga: Ikalayi ne meji panudi nusungula mudimu unuenza.” Etshi ntshitupa tshia kumpala tshia ku bitupa bisatu bia mu Tshisangilu tshia Mudimu biakonkonona mêyi a mu Bible adi atangila bualu bua dilonga dia tulasa tubandile. Bamue bansonga bena Kristo badi bipatshila midimu ya lumu pa kubuela mu bilongelu bibandile bia iniversite, kadi dienza nunku didi mua kunyanga makanda abu a mu nyuma. Tshitupa etshi netshikale diyukidilangana pankatshi pa baledi ne muanabu wa nsongalume anyi wa nsongakaji. Nsonga eu udi mu tshikondo tshidi tshimulomba bua angate dipangadika dikole bua matuku ende adi kumpala. Nansha mudi bamue mua kukeba bua kupeta bubanji, lumu, bena dîku badi bakonkonona Bible bua kumanya tshidiye utulomba. (Tangila mukanda wa Les jeunes s’interrogent, dibeji dia 174-175; Tshibumba tshia Nsentedi tshia dia 15 Tshimungu 1997, dibeji dia 21, ne tshia dia 1 Kabitende 1999, dibeji dia 19-20, tshikoso tshia 1-3 ne 5-6.) Nsonga udi witaba ne: mbia meji bua kudifundila tshipatshila kampanda tshialua kumuambuluisha bua kukumbaja malu a mu nyuma adi ayisha malu a Bukalenge kumpala.

Min. 13: “Keba tumama tudi mu teritware wenu ne ntema.”b Pikalaku mushindu, leja bungi bua tumama tudi mu teritware wa tshisumbu tshienu. Londa mu mêyi makese muyuki udi mu Mudimu wetu wa Bukalenga wa Luabanya 1998 dibeji 3 tshikoso tshia 7.

Min. 17: “Mukanda wa kudi Kasumbu Kaludiki.” Diyukidilanga pankatshi pa bakulu babidi.

Musambu 32 ne disambila dia nkomenu.

[Mêyi adi kuinshi]