Ndongamu wa Bisangilu bia Mudimu

Lumingu lua dia 11 Luishi

Musambu 6

Min. 12: Mamanyisha a mu tshisumbu ne makuabu makanyine a mu Mudimu wetu wa Bukalenge. Kankamija bantu bonso bua kubala Genese 6:1 too ne 9:19 ne bua kutangila bande wa video wa Noé: il marchait avec Dieu bua kudilongolola ku tshisangilu tshia mudimu tshia lumingu lua dia 25 Luishi.

Min. 20: “Manyisha Dîyi dia Nzambi menemene.”a (Tshikoso tshia 1-13) Tshienzabu kudi mutangidi muludiki. Diyukidilangana dia musangelu pa tshitudi tujinga kuenza mu ngondo muisatu ne mikuabu yalonda. Muntu yonso udi mua kuenza mudimu ne kalandriye kadi mu tshisakidila etshi bua kuenza programe mulenga udi mua kumuambuluisha bua kuenza mudimu wa buambi wa bungi mu ngondo muisatu. Kankamija bonso badi ne mushindu bua benze bumpanda-njila buambuluishi mu ngondo muisatu. Panudi nufika mu tshikoso tshia 7-8, konka bua bantu bambe masanka avua bavua bampanda-njila mu tshikondo tshia Tshivulukilu tshia tshidimu tshishale bapete. Umanyishe ne: badi basue badi mua kuangata formilere ya dilomba nayi bumpanda-njila buambuluishi ku ndekelu kua tshisangilu etshi.

Min. 13: “Mushindu wa kufila bibejibeji.” Lomba bateleji baleje mushindu udi tshiena-bualu tshia mu Mudimu wetu wa Bukalenge etshi tshibambuluishe bua kudilongolola bimpe bua kulamakaja biena-bualu bia mu bibejibeji ne malu makole adi enzeka mu matuku aa makole. Ng’amue malu kayi avua bakuabu bamone pavuabu bakolesha bantu nabu ku muoyo ne babambuluisha bua kupetabu mandamuna a nkonko itu ibatatshisha? Nuenze manaya a tshilejilu abidi mîpi bua kuleja mushindu wa kufila Tshibumba tshia Nsentedi tshia dia 15 Luishi ne Réveillez-vous! wa dia 22 Luishi. Panuikala kanuyi banji kupeta bibejibeji ebi, enzayi mudimu ne bidibu batele mu Mudimu wetu wa Bukalenge wa Tshiongo 2002.

Musambu 49 ne disambila dia nkomenu.

Lumingu lua dia 18 Luishi

Musambu 95

Min.  8: Mamanyisha a mu tshisumbu. Luapolo lua konte.

Min. 12: “Bena disanka ku bonso badi pa buloba.”b Usakidile kabidi mu mêyi makese malu a mu kazubu ka: “Bidia bua kufika ku disanka” kadi mu Tshibumba tshia Nsentedi tshia dia 15 Kasuamansense 1997, dibeji 6.

Min. 25: “Manyisha Dîyi dia Nzambi menemene.”c (Tshikoso tshia 14-23) Tshienzabu kudi mutangidi wa mudimu. Wakule bua programe wa pa buende udibu benze mu tshisumbu bua bamanyishi kuvudijabu mudimu wabu wa buambi mu ngondo muisatu. Uleje muikala programe mujima wa bisangilu bia mudimu wa buambi bua ngondo yonso mujima. Utambe kuenza nangananga bua kukolesha bakadi balekele kuyisha bua babanguluile ne kabidi wenze muebe muonso bua kuambuluisha bana ne balongi ba Bible bua kudikumbaja bua kuluabu bamanyishi badi kabayi banji kutambula. Manyisha mêna a badi bangate bumpanda-njila buambuluishi bua ngondo muisatu, ne ukankamije bakuabu ba bungi bua bele meji bimpe bua kubatua mu nyima.

Musambu 143 ne disambila dia nkomenu.

Lumingu lua dia 25 Luishi

Musambu 174

Min. 15: Mamanyisha a mu tshisumbu. Longolola manaya a tshilejilu abidi a mu tshikoso adi aleja mushindu wa kufila bibejibeji, dimue dia difila dia Tshibumba tshia Nsentedi tshia dia 1 Luabanya ne dikuabu dia Réveillez-vous! wa dia 8 Luabanya. Nsonga kampanda alongolole dimue dia ku manaya aa. Vuluija bamanyishi bua bafile luapolo luabu lua mudimu lua ngondo muibidi.

Min. 15: “Malu adi mu bande ya video adi ayisha bantu.” Diyukidilangana ne bateleji. Mu bungi bua matuku, tukadi bakonkonone bande muanda-mukulu ya video mu programe wetu wa Tshisangilu tshia Mudimu. Paudi ujikija kuakula mu mêyi makese bua bilejilu bidibu bafile mu tshiena-bualu etshi, ulombe bateleji bua balonde malu malenga avuabu bamone pavuabu baleja bantu bakuabu bande ya video eyi.

Min. 15: “Bande wa video wa Noé: il marchait avec Dieu udi mua kulongesha muntu yonso.” Utuadije diakamue diyukilangana ne bateleji pa bande wa video wa Noé, ubela anu nkonko idi mifila mu kazubu kadi mu dibeji dia 7 nkayayi. Binuikala kanuyi ne bande eu, nudi mua kuteta bua kuandamuna ku nkonko eyi ku diambuluisha dia malu adi mu it-2-F dibeji dia 407-409 mu tshiena-bualu tshia “Noé,” ne mu Tshibumba tshia Nsentedi tshia dia 15 Tshisanga 1990 dibeji dia 11-13.

Musambu 215 ne disambila dia nkomenu.

Lumingu lua dia 4 Luabanya

Musambu 207

Min.  5: Mamanyisha a mu tshisumbu.

Min. 12: Majinga a mu tshisumbu.

Min. 12: Enza mudimu ne mukanda wa Dimanya bua kutuadija malonga a Bible. Mu ngondo muisatu tudi basue bua kuenza mudimu mukole wa buambi wa mushindu wa pa buawu bua kutuadija kulonga Bible ne bantu. Ulonde bualu budibu balonde mu Mudimu wetu wa Bukalenge wa Kabitende 1998 dibeji 4 tshikoso tshia 8. Bikalaku muntu udi mutuadije kulombola malonga a Bible matuku adi panshi aa ne mukanda wa Dimanya, ambululayi bualu ebu mu dinaya bua kuleja mushindu uvuaye mufike ku dituadija malonga aa. Uvuluije bantu “Ngenyi ya mushindu wa kufila mukanda wa Dimanya” idi mu tshisakidila tshia Mudimu wetu wa Bukalenge wa Tshiongo 2002. Wangate mukanda wa Dimanya eu wenze nawu dinaya dia tshilejilu bua kuleja mushindu wa kuenza mudimu ne lumue lua ku ngenyi idi mu dibeji 6 mu tshisakidila mu ka mutu ka bualu ka: “Mua kuya ne malu buludiludi.”

Min. 16: “Bua tshinyi tudi ne bua kutungunuka ne kuyisha?”d Bua kujikija, welaku muntu umue anyi babidi batshidi batungunuke ne kuyisha kukadi bidimu bia bungi nkonko. Ubalombe bua baleje tshidi meji abu: ntshinyi tshidibu basumishile ne kuenza mudimu eu nanku ne mushindu udiwu mubambuluishe.

Musambu 223 ne disambila dia nkomenu.

[Mêyi adi kuinshi]