Mushindu wa kufila bibejibeji

(Nuangata bia Mfualansa bikala bia Tshiluba kabiyiku)

Tshibumba tshia Nsentedi 15 Lui.

“Ukadiku muela meji bua mushindu mutambe bulenga utudi mua kulombola muoyo wetu ne kuangata mapangadika a meji anyi? [Lekela muntu andamune.] Imue ya ku ngenyi milenga idi mua kutulombola, tshilejilu Dîyi dia mushinga mukole, idi isanganyibua mu Bible. [Bala Matayo 7:12.] Mmêyi kayi makuabu a Nzambi adi mua kutuambuluisha lukasa? Neupete diandamuna mu tshibejibeji etshi.”

Réveillez-vous! 22 fév.

“Pamuapa ukadi pebe mumone ne: miaba ya mudimu ya bungi ikadi milue miaba ya njiwu. Tshibejibeji etshi tshidi ne ngenyi milenga pa mushindu wa kukuba miaba ya mudimu. Tshidi tshileja kabidi ne: bua tuetu kuikala bilenga, tudi ne bua kuikala ne nkatshinkatshi mu mushindu utudi tuangata mudimu wetu. Ndi nkulomba bua utshibale.”

Tshibumba tshia Nsentedi 1 Luab.

“Pa kumona bionso bidi bienzeka lelu’eu, bantu ba bungi badi badikonka bua kumanya muikala matuku atshilualua. Mu disambila diende dienda lumu diakenzaye, Yezu Kristo wakaleja bua tshinyi tudi mua kutekemena malu malenga mu matuku atshilualua. [Bala Matayo 6:9, 10.] Bantu badi benzulula bilema bivua bakuabu benze kale menemene. Kadi mu matuku au, aba bavua basadila Nzambi bakapeta masanka mu matuku avua kumpala. Tshibejibeji etshi tshidi tshileja mushindu utudi petu mua kuapeta.”

Réveillez-vous! 8 mars

“Bible udi uleja mushinga wa dilongesha dilenga. [Bala Nsumuinu 2:10, 11.] Ba bungi ba kutudi mbamanye mutubi bia mushinga bua bana kuikalabu ne balongeshi ba nsongo. Tshibejibeji tshia Réveillez-vous! etshi tshidi tshileja mudimu munene udi nawu balongeshi, tshileja mutudi mua kuleja dianyisha bua didifila diabu ne tshidi baledi mua kuenza bua kubambuluisha mu ntatu idibu bapeta mu mudimu wabu.”