Ndongamu wa Bisangilu bia Mudimu

Lumingu lua dia 11 Luabanya

Musambu 2

Min. 13: Mamanyisha a mu tshisumbu ne makuabu makanyine a mu Mudimu wetu wa Bukalenge. Ne ngenyi idi mu dibeji dia 8, longolola manaya a tshilejilu abidi pa mushindu wa kufila Tshibumba tshia Nsentedi tshia dia 15 Luabanya ne Réveillez-vous! wa dia 22 Luabanya. Mu manaya onso abidi aa, leja mishindu mishilashilangane ya mua kutungunuka ne diyuki padi muntu wandamuna bua kukosa musangu umue diyuki ne: “Kabiena binsankisha to.”​—Tangila mukanda wa Comment raisonner, dibeji dia 16 anyi kakanda ka Mua kutuadija ne kutungunuka ne mayuki pa Bible dibeji dia 9.

Min. 12: Tulamayi ngikadilu wetu wa bena Kristo wa dibenga kubuelakana mu malu a tshididi. Muyuki wenzabu kudi mukulu mushindame mu nyuma. Dinanga dia ditunga diabu dinekesha mmuanda udi mutangalake bikole mu tulasa, ku mudimu ne mu turtié. Ba bungi badi batua lungenyi elu nyama ku mikolo badi benza nunku bu wabu mushindu wa kumbushisha buôwa ne tunyinganyinga bua malu makole adi mafikile ditunga diabu. Nansha malu adi enzeka mikale atubungamija petu, kadi tshilumbu tshinene tshidiku tshidi tshitangila bumfumu butambe bunene bua Yehowa ku mutu kua bionso ne kabidi mukenji wa Bukalenge ke udi utukolesha ku muoyo. Patudi tumvuija bantu bakuabu ne budimu buonso bua tshinyi katuena tubuelakana mu malu a kunanga ditunga kunekesha, tudi kabidi mua kubamanyisha busambi ne ditekemena bitudi bapetele mu Dîyi dia Nzambi. Broshire wa Les Témoins de Jéhovah et l’instruction, dibeji dia 20-24, pa ka mutu ka bualu ka ne: “Le salut au drapeau,” badi bumvuija bua tshinyi katuena tubuelakana mu malu a matunga. Nuyukidilangane pa ngenyi minene, ne ukankamije baledi bua bakonkonone bimpe malu adi mu broshire eu ne bana babu. Londa muyuki udi mu dibeji dia 20 dia broshire eu. Uleja ne: anu Yehowa nkayende ke utudi ne bua kukukuila nansha mutudi ne bua kunemeka bamfumu ba mbulamatadi.

Min. 20: “Nuikale babanji mu midimu mimpe.”a Tshienzabu kudi mutangidi wa mudimu. Ukankamije bantu bonso bua kudifilabu bikole mu buambi bua kudilongolola ku musekelelu wa Tshivulukilu wenzeka mu dia matuku 28 a ngondo muisatu. Nuyukidilangane bua mushindu mulenga wa kufila tubeji tua dibikila natu bantu bua Tshivulukilu. Lomba bamanyishi bua baleje mushindu uvuabu bafike ku dibikila balela babu, bena mutumba, balongi ba Bible ne bantu bakuabu batu banyisha bulelela bua kulua kubuela mu Tshivulukilu tshia tshidimu tshishale ne kabidi balonde bua malu malenga avuabu bapete. Kankamija bantu bonso badi mua kuenza bumpanda-njila buambuluishi mu ngondo muinayi bua kuuja dibeji dia dilomba mudimu eu ku ndekelu kua bisangilu.

Musambu 82 ne disambila dia nkomenu.

Lumingu lua dia 18 Luabanya

Musambu 7

Min. 10: Mamanyisha a mu tshisumbu. Luapolo lua konte. Yukidilanganayi pa “Malu a kuvuluka bua Tshivulukilu.” Kankamija bantu bonso bua kulonda programe wa dibala dia Bible bua Tshivulukilu kubangila mu dia matuku 23 too ne dia 28 a ngondo muisatu bilondeshile mudibi bileja mu broshire wa Tukonkononayi mifundu dituku dionso​—2002.

Min. 15: “Mu buobumue ne disanka ne Yehowa ne Muanende.” Muyuki udi ukolesha mushindamene pa Bible wenzabu kudi mukulu. Kankamija bantu bonso bua benze muabu muonso kubangila anu ku mpindieu too ne mu matuku 28 a ngondo muisatu bua kubikila bantu ba bungi mu Tshivulukilu.

Min. 20: Mmunyi mudi dibala dia mukanda wa Annuaire dikuambuluisha? Muyuki ne diyukidilangana ne bateleji. Tshia kumpala, bala ne umvuija malu manene adi mu “Mukanda wa kudi Kasumbu Kaludiki.” Pashishe, ulombe bateleji bua balonde bua luapolo ne bua mianda kampanda idi mu Annuaire 2002 idibu bamone itamba kukankamija bantu ne ikolesha ditabuja diabu. Kankamija bantu bonso bua kubala Annuaire 2002 yonso mujima panudi numupeta ne kuambuluisha nende balongi ba Bible bua bamanye bulongolodi bua Yehowa bimpe.

Musambu 45 ne disambila dia nkomenu.

Lumingu lua dia 25 Luabanya

Musambu 12

Min. 14: Mamanyisha a mu tshisumbu. Umvuija ne: dîba ki ndianji kupita bua kulomba mudimu wa bumpanda-njila buambuluishi nansha. Angata ngenyi idi mu dibeji dia 8, ne ulongolole nayi dinaya dia tshilejilu dienzabu kudi mukulu kampanda bua kuleja mushindu wa kufila Tshibumba tshia Nsentedi tshia dia 1 Tshisanga ne nsonga kansanga yeye aleje mua kufila Réveillez-vous! wa dia 8 Tshisanga. Kunyima kua dinaya dionso, leja patoke amue malu mimpe a mu dinaya adi.

Min. 15: Majinga a tshisumbu.

Min. 16: Enza mudimu ne mukanda wa Comment raisonner bua kukolesha bantu ku muoyo. Diyukidilangana ne bateleji. Muntu yonso utu ujinga bua bamukoleshe ku muoyo. Nunku, bidi bikengela bua tuetu bonso tuikale ne ‘mêyi a busambi’ a kusamba nawu bakuabu, kabidi kuikala ne mêyi a kusamba nawu bantu batudi tumona bikale babungame batudi tuyikila nabu mu mudimu wa buambi. (1 Tes. 5:14, NW) Ne mukanda wa Comment raisonner, ulombe bateleji bua batele mvese idibu mua kukankamija nayi muntu udi ne lutatu lua ku idibu batele mu dibeji dia 119-122 mu mukanda eu. Wambile muntu yonso bua atete mua kukoleshaku muntu kampanda ku muoyo dîba dionso didibi bikengedibua.​—Gal. 6:10.

Musambu 131 ne disambila dia nkomenu.

Lumingu lua dia 1 Tshisanga

Musambu 27

Min.  7: Mamanyisha a mu tshisumbu. Vuluija bamanyishi bua bafile luapolo luabu lua mudimu lua ngondo muisatu.

Min. 18: “‘Mapa adi mikale bantu’ adi adifila bua kulama mikoko ya Nzambi.” Muyuki kudi mukulu. Nukonkonone mvese idibu bafile. Uleje mudi bipeta bimpe mua kumueneka padi bakulu benza mudimu wa bulami ne badienzeja bua kuya kutangila bantu bakadi balekele kuyisha ne kuambuluisha aba badi balema bua kuenzabu mudimu eu bilondeshile muabu mudibu namu. Balami ba dinanga badi banyisha ne bangata ne mushinga bionso bidi mikoko yenza bua kutungunuka ne mudimu wa Yehowa.

Min. 20: “Vudija disanka diebe mu mudimu wa buambi.”b Panudi nufika ku tshikoso tshitanu, ulombe bateleji bafile ngenyi idi miakanyine idi mua kuambuluisha menemene bua kuenza mudimu bimpe mu teritware wenu. Longolola dinaya dia tshilejilu dimue anyi abidi pa mushindu wa kutuadija diyukidisha muntu bua kumuyisha mu minite mikese. Kankamija muntu yonso bua kukeba mishindu mishilashilangane ya kuyisha lumingu elu.

Musambu 15 ne disambila dia nkomenu.

[Mêyi adi kuinshi]