Diambulula dia mu Kalasa ka Mudimu wa Teokrasi
Diambulula edi nedienzeke ne mikanda mibuikila pa biena-bualu bilonga mu Kalasa ka Mudimu wa Teokrasi kutuadija ku lumingu lua dia 7 Tshiongo too ne lua dia 22 Tshisanga 2002. Wikale ne dibeji dikuabu pa bule bua kufunda mandamuna a nkonko yonso iudi mua kuandamuna mu dîba dikosa.
[Dimanyisha: Padi diambulula dienzeka, wenze mudimu anu ne Bible nkayende. Mikanda mitela idi kunyima kua lukonko luonso neyikuambuluishe mu makebulula ebe nkayebe. Nimero ya mabeji ne ya bikoso ki mmifila yonso bua makebulula ebe mu Tshibumba tshia Nsentedi to.]
Andamunayi Bulelela peshi Dishima ku biambilu bidi bilonda ebi:
1. Lungenyi ludi Solomo musue kuleja mu Muambi 2:2 ndua ne: tuseku ne masanka mbintu bia kuepuka. [Dibala dia Bible dia ku lumingu luonso; tangila w87-F 15/9 dib. 24 tshik. 5.]
2. Pa mutu pa kuikalawu mukanda udi unyanga mmuenenu wa malu wa bantu, mukanda wa Muambi mmukanda udi muwule tente ne malelela a mushinga mukole adi aleja meji a Nzambi ne kabidi udi uleja ne: midimu idi kayiyi itua mikenji ya Nzambi mushinga mmidimu ya njiwu. [si-F dib. 114 tshik. 15]
3. Mu Yeshaya 1:7, muprofete udi wakula bua kabutu ka Yuda tshikondo tshivua Ahaza ukokesha. [Dibala dia Bible dia ku lumingu luonso; tangila ip-1-F dib. 17 tshik. 16.]
4. ‘Kuimana kumpala kua nkuasa wa butumbi ne kumpala kua Muana wa mukoko’ mudibu bamba mu Buakabuluibua 7:9 kudi kuleja dikala mu muaba kampanda wa mu diulu. [rs-F dib. 67 tshik. 3]
5. ‘Kutumbisha Yehowa’ ne bitudi nabi, tuamba ne: dîba dietu, mamanya etu, makanda ne tshionso tshitudi natshi, kudi kutuadila muntu mabenesha a bungi a kudi Yehowa. (Nsu. 3:9, 10) [w00 15/1 dib. 25 tshik. 1]
6. Mu tshikondo tshietu etshi, ‘mudimu udi ukemesha bantu ne tshienzedi tshidiye kayi muanji kuenza diambedi’ biakalayabu mu Yeshaya 28:21 bidi biumvuija dibutuka dia bisamba ku Armagedone. [Dibala dia Bible dia ku lumingu luonso; tangila ip-1-F dib. 295 tshik. 16; dib. 301 tshik. 28.]
7. Anu mudi Matayo 24:38, 39 uleja, kudia ne kunua, ne kuenza malu makuabu atu bantu benza, ke bintu biakabutuishisha bantu ba mu tshikondo tshia Noa ku Mvula wa kabutu. [w00 15/2 dib. 6 tshik. 6]
8. Yehowa utu misangu yonso ukumbaja majinga a basadidi bende badipuekeshi badi bamuenzela mudimu ku budisuile. [w00 1/3 dib. 4 tshik. 3]
9. “Bisamba” bidibu batele mu Yeshaya 60:3 mbena tshididi badibu bakoka kudi butoke bua Nzambi. [Dibala dia Bible dia ku lumingu luonso; tangila w00 1/1 dib. 12 tshik. 4.]
10. Yehowa ‘wakajidila’ Yelemiya bangabanga ne kuledibuaye, bileja ne: Ukavua mudianjile kufundila Yelemiya malu amuenzekela bua kashidi. (Yel. 1:5) [Dibala dia Bible dia ku lumingu luonso; tangila w88-F 1/4 dib. 10 tshik. 2.]
Andamunayi nkonko idi ilonda eyi:
11. Mu Muambi 11:1, ‘kuela bidia’ kudi kumvuija tshinyi? [Dibala dia Bible dia ku lumingu luonso; tangila w87-F 15/9 dib. 25 tshik. 11.]
12. Mu Yeshaya 6:8, nnganyi udi Yehowa utela padiye wamba ne: “petu”? (MMM) [Dibala dia Bible dia ku lumingu luonso; tangila ip-1-F dib. 93-94 tshik. 13.]
13. Mu dikumbana dia Yeshaya 9:2 (Mukanda wa Mvidi Mukulu [Mishonyi, MMV 9:1]), mmunyi mudi “bukenke bukole” butokesha mu Galela? [Dibala dia Bible dia ku lumingu luonso; tangila ip-1-F dib. 126 tshik. 17.]
14. Ndifuanangana kayi ditudi mua kumona lelu pankatshi pa dikuluka dia Babulona mu 539 K.B.B. ne dibutuka diende dia kashidi dilualua kumpala eku? (Yesh. 13:19, 20; 14:22, 23) [Dibala dia Bible dia ku lumingu luonso; tangila ip-1-F dib. 188 tshik. 30-31.]
15. Mmunyi mudi “mupika wa lulamatu ne wa budimu” wenza mudimu bu “mutentekedi” udibu bumvuija mu Yeshaya 21:6 (MMM)? (Mat. 24:45, NW) [Dibala dia Bible dia ku lumingu luonso; tangila ip-1-F dib. 221-222 tshik. 11.]
16. Mmubelu kayi wa meji udi mu Nsumuinu 31:10 udibu bapesha nsongalume udi ukeba mukaji wa kusela? [w00 1/2 dib. 31 tshik. 1]
17. Bilondeshile Yeshaya 43:9, ntshilumbu kayi tshidibu batekela nzambi ya bisamba kumpala? [Dibala dia Bible dia ku lumingu luonso; tangila w88-F 1/2 dib. 16 tshik. 3.]
18. Mmu mushindu kayi udi makasa a badi bamba lumu luimpe lua Bukalenge bua Nzambi mikale “malengele”? (Yesh. 52:7) [Dibala dia Bible dia ku lumingu luonso; tangila w97 15/4 dib. 27 tshik. 6.]
19. Ntshinyi tshitudi ne bua kuenza bua kukuba mutshima wetu kautudingi? (Yel. 17:9) [w00 1/3 dib. 30 tshik. 4]
20. Ntshinyi tshidi bantu badi ‘benda mu njila ya Yehowa’ ne bua kuenza? (Yel. 7:23) [Dibala dia Bible dia ku lumingu luonso; tangila w99 15/8 dib. 29 tshik. 6.]
Kumbaja miaba idi mishale patupu mu biambilu bidi bilonda ebi:
21. ‘Mutshima wa muena meji udi ku tshianza tshiende tshia balume’ mu mushindu wa se: “tshianza tshia balume” tshidi tshifila lungenyi lua ․․․․․․․․ ; nunku, bidi biumvuija ne: ․․․․․․․․; wende udi umusaka bua kuenza malu makane, kulonda njila milenga. (Muam. 10:2; Mat. 25:33) [Dibala dia Bible dia ku lumingu luonso; tangila w87-F 15/9 dib. 25 tshik. 8.]
22. Ku malongesha a mushinga atudi tupetela mu mukanda wa Musambu wa Solomo tudi mua kutela ․․․․․․․․, ․․․․․․․․, ne ․․․․․․․․ ku mikenji ya Nzambi. [si-F dib. 117 tshik. 16]
23. Mubutudi wa misoko ya Yuda, udibu bumvuije mu Yeshaya 33:1 nditunga dia ․․․․․․․․, divua diodi ne bua kubutudibua padi mu tshidimu tshia 632 K.B.B., dinyema dishiya bintu bionso kudi bena ․․․․․․․․, badi balua ‘kubisangisha bu mpenzu.’ (Yesh. 33:4, NW) [Dibala dia Bible dia ku lumingu luonso; tangila ip-1-F dib. 343 tshik. 4; dib. 345 tshik. 6.]
24. Difuanyikija dia Yeshaya 54:1 ne Galatia 4:26, 27 didi dileja ne: ‘mukaji wa nkumba’ eu udi tshimfuanyi tshia “․․․․․․․․”; ne ‘mukaji mubaka,’ ntshimfuanyi tshia ․․․․․․․․. [Dibala dia Bible dia ku lumingu luonso; tangila w95 1/8 dib. 11 tshik. 8.]
25. Padi bantu batuseka anyi babenga kuteleja malu atudi tubambila mu mudimu wetu wa diyisha, tudi ne bua kuvuluka ne: udibu baluisha n’․․․․․․․․, muena mukenji utudi tuyisha kadi, ․․․․․․․․ to. (2 Kol. 4:1, 7) [w00 15/1 dib. 21 tshik. 2]
Sungulayi diandamuna dijalame mu tshionso tshia ku biambilu bibi bilonda ebi:
26. Pavua Paul ufunda bua tshikena-kumona tshia butumbi bua Yezu mu diulu, wakakula bua yeye Paulo bu “muana wa kabishi,” usua kumvuija ne: (uvua ufuminaku ku diledibua mu nyuma; uvua ufuminaku ku disungudibua bu mupostolo wa bisamba; bivua anu bu uvua mupete diakalenga dia kuledibua, anyi kubishibua bua kuikala ne muoyo bu tshifukibua tshia mu nyuma dîba kadiyi dianji kukumbana to). (1 Kol. 9:1; 15:8) [w00 15/1 dib. 29 tshik. 6]
27. Muanzu wa ne: “Tatu wa Tshiendelele” udi umvuija bukole ne bukokeshi budi nabu Mukalenge Masiya bua kupesha bantu (bukole bua mu nyuma; muoyo ukena ne nshikidilu mu diulu; ditekemena dia kuikala ne muoyo wa kashidi pa buloba). (Yesh. 9:6; Yone 11:25, 26) [Dibala dia Bible dia ku lumingu luonso; tangila ip-1-F dib. 131 tshik. 26.]
28. Mu dikumbana dia Yeshaya 66:7 dia mu tshikondo tshietu etshi, “muana wa balume” uvuabu balele udi (Yezu Kristo; Bukalenge bua Masiya; tshisamba tshipiatshipia tshia mu nyuma tshia mu tshidimu tshia 1919). [Dibala dia Bible dia ku lumingu luonso; tangila w95 1/1 dib. 11 tshik. 3.]
29. Dibala ne ntema Matayo 10:28 didi dituambuluisha bua kumanya ne: Ngena wa kapia (mmuaba wa makenga adi bantu bumvua; ntshimfuanyi tshia dibutuka dia kashidi; udi uleja dibengibua kudi Nzambi). [rs-F dib. 128 tshik. 1]
30. Mu dikumbana dia mu tshikondo tshietu etshi, ‘tshisamba tshia bantu badi kabayi batumikile dîyi dia Yehowa,’ tshidibu batela mu Yelemiya 7:28 (m’Babulona Munene; Bukua-buena-Kristo; bukokeshi bua muanda mutekete bua pa buloba bujima). [Dibala dia Bible dia ku lumingu luonso; tangila w88-F 1/4 dib. 18 tshik. 10.]
Suikakaja mvese idi ilonda eyi ku biambilu bidi kuinshi eku:
Nsu. 24:16; Muam. 3:11; Yesh. 40:8; Lomo 10:15; 1 Pet. 4:6
31. Mu tshikondo tshiakanyine, netumanye muaba udi Nzambi mulongolole bua tshifukibua tshiende tshionso. [Dibala dia Bible dia ku lumingu luonso; tangila w87-F 15/9 dib. 24 tshik. 8.]
32. Diyisha lumu luimpe kudi bantu badi bafue mu nyuma kudi kubapesha mushindu wa buobu kufika ku dinyingalala ne kulekela malu mabi abu. [rs-F dib. 63 tshik. 1]
33. Nansha mudi muntu kayi mua kuepuka bipumbishi mu malu ende onso, muntu udi mulamate Nzambi kena utekesha mu maboko mu diluangana diende bua kuenza malu adi makane. [w00 1/2 dib. 5 tshik. 1]
34. Dîyi dia Nzambi anyi dilongolola diende, kadiena mua kujimina anyi kupangila bua kukumbana nansha. [Dibala dia Bible dia ku lumingu luonso; tangila ip-1-F dib. 401-402 tshik. 10.]
35. Bapostolo ba Yezu bakenza mudimu bilenga ne mulayi wa Yeshaya, kuyishabu bua kuutumikila. [si-F dib. 123 tshik. 37]