Diambulula dia mu Kalasa ka Mudimu wa Teokrasi

Diambulula edi nedienzeke ne mikanda mibuikila pa biena-bualu bilonga mu Kalasa ka Mudimu wa Teokrasi kutuadija ku lumingu lua dia 6 Lumungulu too ne lua dia 19 Tshimungu 2002. Wikale ne dibeji dikuabu pa bule bua kufunda mandamuna a nkonko yonso iudi mua kuandamuna mu dîba dikosa.

[Dimanyisha: Padi diambulula dienzeka, wenze mudimu anu ne Bible nkayende. Mikanda mitela idi kunyima kua lukonko luonso neyikuambuluishe mu makebulula ebe nkayebe. Nimero ya mabeji ne ya bikoso ki mmifila yonso bua makebulula ebe mu Tshibumba tshia Nsentedi to.]

Andamunayi Bulelela peshi Dishima ku biambilu bidi bilonda ebi:

1. Yelemiya 18:1-6 udi uleja ne: Yehowa udi wenzeja bantu malu kabiyi ku disua diabu. [Dibala dia Bible dia ku lumingu luonso; tangila w99 1/4 dib. 22 tshik. 3-4.]

2. Baprofete ba dishima bakiba bukole bua mêyi a Yehowa ne bipeta bivua mua kufumina ku diateleja, e kukankamija bantu bua kutelejabu malu a dishima pamutu pa kuteleja didimuija dilelela dia kudi Nzambi. (Yel. 23:30) [Dibala dia Bible dia ku lumingu luonso; tangila w92-F 1/2 dib. 4 tshik. 3.]

3. Mu Yelemiya 25:15, 16, ‘lupanza elu lua mvinyo wa njiya’ ludi luvuija ‘bisamba bionso bu bia bantu bapale’ ludi lumvuija malu a dikema a bitendelelu bia dishima. [Dibala dia Bible dia ku lumingu luonso; tangila w94 1/3 dib. 20 tshik. 13.]

4. Bilondeshile mushindu udi Matayo umvuija mulayi wa Yelemiya, “buloba bua bena lukuna” budi bumvuija buloba bua bafue, muafuma bana bavua Helode Munene mushipe pabikabu ku lufu. [Dibala dia Bible dia ku lumingu luonso; tangila w79-F 1/10 dib. 19 tshik. 13.]

5. Yelemiya 37:21 udi utushindikila se: Yehowa udi mua kukuatshisha basadidi bende ba lulamatu mu tshikondo tshia ntatu mikole ya mua kupeta mfranga. [Dibala dia Bible dia ku lumingu luonso; tangila w97 15/9 dib. 3 tshik. 4–dib. 4 tshik. 2.]

6. Mukanda wa Muadi udi umvuija kanyinganyinga kakole bua kabutu ka Yelushalema mu 607 K.B.B., kabutu kafumina kudi Nebukadenesâ mukalenge wa Babulona. [si-F dib. 130 tshik. 1]

7. Muadi 5:7 udi uleja bimpe ne: Yehowa utu unyoka bana bua mpekatu ya baledi babu. [Dibala dia Bible dia ku lumingu luonso; tangila w88-F 1/9 dib. 27 kazubu (Mfual.).]

8. Tshimanyishilu tshidibu bafunda bantu pa mpala tshidibu bambe mu Yehezekele 9:4 tshidi tshiumvuija ne: dimanya nkayadi nedipandishe muntu. [Dibala dia Bible dia ku lumingu luonso; tangila w88-F 15/9 dib. 14 tshik. 18.]

9. “Mapa mikale bantu” adibu batele mu Efeso 4:8 mbakulu bena Kristo, badibu bateke kudi nyuma muimpe ne bapeshibue bukokeshi bua kukuba bena kuitabuja nabu mu nyuma. (Bien. 20:28) [w00 1/8 dib. 6 tshik. 3]

10. Mu diumvuija dia buena-lelu dia Yehezekele nshapita wa 23, tudi mua kufuanyikija bena Mishonyi ne Oholiba, bena Katolike bu Ohola yayende wa Oholiba. [Dibala dia Bible dia ku lumingu luonso; tangila 88-F 15/9 dib. 21 tshik. 22.]

Andamunayi nkonko idi ilonda eyi:

11. Mbaprofete kayi basatu bavua benze mudimu wa pa buawu mu bidimu bia malu makole biangatshile mu 617 too ne 607 K.B.B., biakalua kushikila ku kabutu ka Yelushalema? [si-F dib. 133 tshik. 2]

12. Mmunyi mudi bantu baleja dianyisha bua mulambu wa tshia-bupikudi wa Kristo, bua kuandamuna ku dilomba didi mu Luka 9:23? [w00 15/3 dib. 8 tshik. 1]

13. Mmushindu kayi uvua Yehowa ‘muenzeje’ anyi mulobeshe Yelemiya? (Yel. 20:7) [Dibala dia Bible dia ku lumingu luonso; tangila w89-F 1/5 dib. 31 tshik. 6.]

14. Ntshinyi tshivua Yezu usua kumvuija pakambaye ne: nyuma muimpe ‘neanuyishe malu onso, neanuvuluije mêyi onso anakunuambila’? (Yone 14:26) [w00 1/4 dib. 8 tshik. 7-8]

15. Bilondeshile Yelemiya 35:18, 19, nditekemena kayi didiku bua bena Lekaba ba lelu? [Dibala dia Bible dia ku lumingu luonso; tangila su-F dib. 131 tshik. 7.]

16. Bua tshinyi bavua babikile ba-Nefilime ne: mbantu “banene ba mfiondo” ne “bantu ba butumbi”? (Gen. 6:4) [w00 15/4 dib. 27 tshik. 9]

17. Mmunyi muvua Baluka mujimije nkatshinkatshi wende mu malu a mu nyuma, ne ndilongesha kayi ditudi mua kupetela ku bualu buakamufikila ebu? (Yel. 45:1-5) [Dibala dia Bible dia ku lumingu luonso; tangila w97 15/8 dib. 21 tshik. 14-16.]

18. Ntshikondo kayi ne mushindu kayi uvua mulayi wa mu Yelemiya 50:38 mukumbane? [Dibala dia Bible dia ku lumingu luonso; tangila dp dib. 150 tshik. 2-3.]

19. Bilondeshile Muadi 1:15, bualu buakafikila Yelushalema ‘muana mukaji wa Yuda,’ budi bumanyisha tshinyi bua Bukua-buena-Kristo? [Dibala dia Bible dia ku lumingu luonso; tangila w88-F 1/9 dib. 27 kazubu.]

20. Tshiambilu tshidi mu Yehezekele 21:26 tshia ne: “Umusha tshitambala, utule tshifulu tshiebe tshia bumfumu” tshidi tshimvuija tshinyi? [Dibala dia Bible dia ku lumingu luonso; tangila w88-F 15/9 dib. 19 tshik. 16.]

Kumbajayi miaba idi mishale patupu mu biambilu bidi bilonda ebi:

21. Muntu wa budipope anyi muena bupuekele kêna utupa ku ․․․․․․․․ a ․․․․․․․․ muimpe ne mmumanye se: kudi ․․․․․․․․ bua malu onso adiye ne bua kuenza ne adiye mua kuenza. (Mika 6:8) [w00 15/3 dib. 21 tshik. 1-2]

22. Nansha mudi nyuma muimpe kayi mua kutumushila ․․․․․․․․ peshi ․․․․․․․․ udi mua kutuambuluisha bua ․․․․․․․․. (1 Kol. 10:13; 2 Kol. 4:7) [w00 1/4 dib. 11 tshik. 6]

23. Muprofete Danyele wakajingulula mu mêyi akafunda Yelemiya ne: Yelushalema neashale mubutula munkatshi mua ․․․․․․․․; bujalame budi bukemesha bua mêyi aa budi bukolesha ditabuja dietu dia se: Yehowa udi ne bukokeshi bua kukumbaja ․․․․․․․․. (Yel. 25:12; Dan. 9:2) [si-F dib. 129 tshik. 37]

24. Mukanda wa Muadi udi ne bua kupesha batendeledi balelela muoyo wa ․․․․․․․․ ne ․․․․․․․․ ne kabidi udi ne bua kuikala bu didimuija didi ․․․․․․․․ kudi bantu badi balengulula Yehowa Nzambi. [si-F dib. 132 tshik. 13]

25. Tshilejilu tshia Abalahama tshia kubenga kukandamena disua dia bakuabu pavuaye ukosa tshilumbu tshidi tshitukankamija bua kubenga kulekela ․․․․․․․․ ta ․․․․․․․․ binyanga malanda etu a mushinga atudi nawu ne bana betu. (Gen. 13:5-12) [w00 15/8 dib. 24 tshik. 3-4]

Sungulayi diandamuna dijalame mu tshionso tshia ku biambilu bidi bilonda ebi:

26. Yobo uvua wangata ne mushinga (dimanya dia; luse lua; ndumbuluishilu wa) Yehowa nunku uvua wenzela bapika bende malu ne (busunguluji; luse; buakane). (Yobo 31:13, 14) [w00 15/3 dib. 26 tshik. 1]

27. Mu Yelemiya 16:2-4, bavua batumine muprofete dîyi bua se: ashale mujike (bua kuleja lungenyi luende lua didifila; bua kuikala tshimfuanyi tshia muvua Masiya mushale mujike; bua kujadika ne: mêyi a Yehowa avua atangila kabutu ka Yelushalema avua ne bua kukumbana menemene). [Dibala dia Bible dia ku lumingu luonso; tangila w78-F 15/7 dib. 31 tshik. 2.]

28. Mu Nsumuinu 4:7, meji adi umvuija (kuibidilangana ne malu; kumona mushindu udi malu apetangana; kuenza mudimu ne dimanya ne lungenyi). [w00 15/5 dib. 21 tshik. 1]

29. Kakuena muntu udi mua kujadika mushindu uvuabu bashindumuna dîna dia Nzambi mu tshiena-Ebelu tshia kale bualu tshiena-Ebelu tshia mu Bible bavua batshifunda kale ne (maleta majikuke nkayawu; ne maleta matshintamane nkayawu). [rs-F dib. 198 tshik. 1]

30. Dikalu dia Nzambi didibu bumvuije mu Yehezekele nshapita wa 1 didi dileja (Bukalenge bua Masiya wa Nzambi; bulongolodi bua mu nyuma bua Yehowa buenza ne banjelo; diyukidilangana dia Yehowa ne bashadile). [Dibala dia Bible dia ku lumingu luonso; tangila w88-F 15/9 dib. 11 tshik. 5.]

Suikakajayi mvese idi ilonda eyi ku biambilu bidi kuinshi eku:

Dut. 7:25, 26; Nsu. 4:18; 5:21; Yel. 46:28; Lomo 15:4

31. Dîyi edi didi dileja ngenzelu wa kulonda wa mushindu udi bantu ba Yehowa ne bua kuangata bimfuanyi bionso bivuabu mua kuikala bakukuila kumpala. [rs-F dib. 189 tshik. 5]

32. Bua kusamba bantu, Yehowa udi wenza mudimu nangananga ne Dîyi diende difunda didi difila ditekemena dilenga bua matuku atshilualua. [w00 15/4 dib. 5 tshik. 4]

33. Dinyoka dia baledi kadiena ne bua kupita mikalu idi ikengedibua peshi kutupa ku tshipatshila tshiadi tshia kubela ne kulongesha to. [Dibala dia Bible dia ku lumingu luonso; tangila kl dib. 148 tshik. 20.]

34. Bu mudi Yehowa upetesha basadidi bende mushindu wa kumvua anu ku kakese ku kakese tshidi dijinga diende, bitu bikengela misangu mivule kuakajilula ngelelu wetu wa lungenyi padi dimanya dietu dienda dibandila. [rs-F dib. 400 tshik. 1]

35. Tshienzedi kayi tshionso tshia buendenda bua masandi, nansha tshisokoka mushindu kayi, katshiena tshisokome ku mêsu kua Nzambi nansha. [w00 15/7 dib. 31 tshik. 3]