Ndongamu wa Bisangilu bia Mudimu

Lumingu lua dia 9 Kabitende

Musambu 209

Min. 13: Mamanyisha a mu tshisumbu ne makuabu makanyine a mu Mudimu wetu wa Bukalenge. Ne ngenyi idi mu dibeji dia 8, longolola manaya a tshilejilu abidi pa mushindu wa kufila Tshibumba tshia Nsentedi tshia dia 15 Kabitende ne Réveillez-vous! wa dia 22 Kabitende. Mu dinaya dionso, leja mishindu mishilangane ya kuandamuna ku mêyi atu bantu bamba bua kukosesha muyuki aa a ne: “Bantemu ba Yehowa kabatu bansankisha to.”​—Tangila mukanda wa Comment raisonner dibeji dia 17-18 anyi kakanda ka Mua kutuadija ne kutungunuka ne mayuki pa Bible dibeji dia 9-10.

Min. 17: “Tuambuluishayi bakuabu bua batumbishe Yehowa.”a Bikalaku dîba, tela bualu bumue anyi abidi a mu mukanda wa Comment raisonner, dibeji dia 200-202.

Min. 15: Bua tshinyi bantu mbapange ditabuja nunku? Diyukidilangana ne bateleji. Tutu tupetangana pa tshibidilu ne bantu badi ne ditabuja dikese. (2 Tes. 3:2) Bua kubayisha bulelela bua bidi bitangila Yehowa, tudi ne bua kuanji kumanya tshidi tshibapeshe lungenyi ludibu nalu bua Nzambi. Tangila malu anayi matela mu mukanda wa Comment raisonner, dibeji dia 169-170, adi mua kupumbisha bantu bua kupeta ditabuja. Ulombe bateleji bua baleje mbuelelu itudi mua kuenza nayi mudimu mu nsombelu yonso eyi. Londa bualu bumona bua mbuelelu muimpe anyi peshi udi mua kuangata umue mu Réveillez-vous! wa dia 22 Tshimungu 1993, dibeji dia 14-15.

Musambu 122 ne disambila dia nkomenu.

Lumingu lua dia 16 Kabitende

Musambu 163

Min. 10: Mamanyisha a mu tshisumbu. Luapolo lua konte. Ambila bantu bonso bua kubalululabu note yabu ivuabu bangate mu mpuilu wa tshijengu wa musangu mushale bua kudilongolola bua Tshisangilu tshia Mudimu tshia lumingu lualonda. Konkonona tshiena-bualu tshia: “Tudiku bamanye mushinga udi nawu mankenda anyi?”

Min. 18: Ntshinyi tshituvua benze tshidimu tshishale? Muyuki kudi mutangidi wa mudimu. Manyisha malu mimpe a mu luapolo lua tshisumbu lua tshidimu tshia mudimu tshia 2002. Wele bantu bonso kalumbadi bua malu mimpe avuabu bakumbaje. Utambe kuimanyina pa bungi bua bantu bavua babuele mu bisangilu bia tshisumbu, bungi bua makumbula mapiamapia menza, bungi bua malonga a Bible avuabu balombole ne bungi bua bavua bampanda-njila bambuluishi, ne ufile mibelu milenga ya tshidi tshikengela kuenza bua kulengeja malu. Uleje bipatshila bidi tshisumbu mua kukumbaja tshidimu tshidi kumpala.

Min. 17: Ntatu idi nayi baledi badi badikoleshila bana nkayabu. Mukulu udi wela muledi umue anyi babidi badi badikoleshila bana nkonko (anyi badi ne bena mabaka nabu kabayi Bantemu) bua kumona mushindu udibu bapite ne malu adi atangila dikolesha dia bana, dibalongesha ne dibalombola mu malu a mu nyuma. Ntshinyi tshitubu benza bua kuambula majitu a mu dîku, kubuela mu bisangilu ne kuikala kupatuka mu buambi pa tshibidilu? Umvuija imue ngenyi ya mu mukanda wa Disanka mu dîku, dibeji dia 104-110. Bu mudibu baleje mu dibeji dia 113-115, leja tshidi bakuabu mua kuenza bua kuambuluisha pabu.

Musambu 149 ne disambila dia nkomenu.

Lumingu lua dia 23 Kabitende

Musambu 107

Min. 10: Mamanyisha a mu tshisumbu. Ku diambuluisha dia ngenyi ya mu dibeji dia 8, mukulu umue aleje mushindu wa kufila Tshibumba tshia Nsentedi tshia dia 1 Kasuamansense ne musadidi wa mudimu yeye aleje mushindu wa kufila Réveillez-vous! wa dia 8 Kasuamansense. Kunyima kua dinaya dionso, wambulule tshiambilu tshimue tshia kumpala anyi bibidi bivuabu bambe bua kukoka ntema ya muntu.

Min. 10: Majinga a mu tshisumbu.

Min. 25: “Nutshine Nzambi, numutumbishe.” (Buak. 14:7) Muyuki ne diyukidilangana ne bateleji bua kukonkonona malu a mu mpuilu wa tshijengu wa tshidimu tshia mudimu tshishale. Lomba bena mu tshisumbu bua bumvuije malu manene avuabu balongemu ne mushindu uvua mumanyishi yonso anyi dîku dijima mua kuatumikila. (Nudi mua kudianjila kuabanyina bantu bitupa bia kulongololabu.) Nuakuilayi pa bitupa bia ndongamu bidi bilonda ebi: (1) “Tuambuluishayi bapiabapia bua bamanye mua kutshina Nzambi.” Mmushindu kayi utudi mua kuambuluisha bantu badi banyisha bulelela bavua babuele mu Tshivulukilu bua kudiundabu mu nyuma ne kuluabu basadidi ba Yehowa ba tshisumi? (2) “Kutshina Yehowa kudi kumvuija kukina malu mabi.” (w87-F 15/4 16-18) Mmushindu kayi udi Nsumuinu 6:16-19 utuambuluisha bua kuela malu adi Yehowa mukine nyima: diditambisha, dishima, dishala tshinaminayi anu mu dikeba dia bubanji, dijikija lutetuku dibi, dienza mudimu bibi ne Internet? (3) “Tuikalayi pabuipi ne bantu batudi banange.” Tudi banange Yehowa, Yezu, bena dîku dietu, banange ne bantu bakuabu mu tshisumbu; mmushindu kayi udi disemena pabuipi nabu dituepula ku malu a panu? (4) “Tshina Yehowa, kadi ki mbantu to.” Mmushindu kayi udi ditshina bua kubungamija Yehowa dikuambuluishe bua kumbusha buôwa paudi mu buambi, kulonda mikenji ya Nzambi ku mudimu anyi mu tulasa, peshi kubenga kuitaba padi mfumuebe wa mudimu ukuenzeja bua kupumbisha bisangilu, mpuilu ne mpungilu? (5) “Enzayi malu onso bua butumbi bua Nzambi.” (Mus. 119:37; Eb. 4:13) Bua tshinyi ditshina dia Nzambi didi dituepula ku bukanuayi, ku ditangila bindindimbi bia bantu kabayi bilamba anyi ku dienza mikuabu mpekatu mu musokoko? (6) “Tungunukayi ne kuenda mu ditshina dia Yehowa.” Mmushindu kayi udi Yehowa mukubeneshe bua paudi mulekele nyuma wende muimpe ulombola nsombelu webe?​—Mus. 31:19; 33:18; 34:9, 17; 145:19.

Musambu 171 ne disambila dia nkomenu.

Lumingu lua dia 30 Kabitende

Musambu 116

Min. 15: Mamanyisha a mu tshisumbu. Vuluija bamanyishi bua bafile luapolo luabu lua mudimu lua ngondo wa tshitema. Nukonkonone tshiena-bualu tshia ne: “Diasa Nzubu ya Bukalenge didi dienda diya kumpala.” Kunyima kua bamane kukonkonona tshikoso 4, kankamija bonso bua batue ne muoyo mujima mudimu eu nyama ku mikolo. Bikala tshisumbu tshienu tshipangadije bua kufila ku ngondo yonso dipa dia makuta bungi kampanda bua diasa dia Nzubu ya Bukalenge, uleje bena mu tshisumbu tshidibu benza bua muanda eu.

Min. 15: Ntshinyi tshidi tshivuija Bibejibeji bietu bia pa buabi? Muyuki ne diyukidilangana ne bateleji. Mu ngondo wa dikumi netufile Tshibumba tshia Nsentedi ne Réveillez-vous! Nuyukile pa malu adi avuija bibejibeji bietu bia pa buabi: (1) Bidi bitumbisha dîna dia Yehowa. (2) Bidi bikankamija bantu bua kuitabujabu Yezu. (3) Bidi bimanyisha Bukalenge bua Nzambi. (4) Bidi bikoka ntema ya bantu mu Bible bualu ke mukanda wa nshindamenu udi ne dîyi dia ndekelu. (5) Bidi biumvuija dikumbana dia milayi ya mu Bible. (6) Bidi bifila diumvuija dilelela dia malu adi enzeka pa buloba. (7) Bidi bileja mushindu wa kupita ne malu a mu nsombelu wa lelu. (8) Bidi bikoka ntema ya bantu ba nsombelu ya mishindu yonso. (9) Kabiena bibuelakana mu malu a tshididi to. Enzayi manaya a tshilejilu abidi mîpi, dionso dia kudiwu dileje mushindu wa kutuadija muyuki ne lumue lua ku ngenyi eyi.

Min. 15: “Leja dianyisha bua bintu bia mudimu wetu wa Nzambi.”b Tshienzabu kudi mukulu. Umvuije malu adi amueneka mu tshisumbu tshienu ne tshidi bena mu tshisumbu mua kuenza bua kuikala ne budimu mu dikuata mudimu ne mikanda yetu. Ukankamije bonso bua kuikalabu balomba anu mikanda idibu nayi dijinga menemene. Uvuluije bantu diakalenga ditudi nadi dia kufila mapa bua kukuatshisha mudimu wa buloba bujima.

Musambu 21 ne disambila dia nkomenu.

Lumingu lua dia 7 Kasuamansense

Musambu 129

Min. 10: Mamanyisha a mu tshisumbu.

Min. 15: Tushalayi balamate bulelela mu kalasa. Wele nkonko kudi mumanyishi umue utshidi nsonga anyi babidi badi bapingane mu kalasa ne badi bamona ne: bidi bikengela kukepesha malanda ne balunda badi kabayi bena kuitabuja. Mmushindu kayi udibu badilongolole bua kumanya mua kupita ne ntatu ne bilobeshanganyi bidi bifumina ku misekelelu ya mafesto a ditunga, maja mu kalasa ne masangisha makuabu a bena manaya ne ngikadilu mibi? Usakidile ne mumvuija a mushindu udibu badilongolole bua kuyisha mu kalasa.

Min. 20: “Epuka dikeba dia ‘bintu bidi kabiyi ne mushinga.’”c Kunyima kua bamane kuyukidilangana pa tshikoso 4, usakidile mumvuija a mu tshisakidila tshia Mudimu wetu wa Bukalenge wa Kasuabanga 1999, tshikoso tshia 30-32. Panudi nufika ku tshikoso 5, usakidile mumvuija adi mu kazubu mu Tshibumba tshia Nsentedi tshia dia 1 Kasuamansense 1994, dibeji dia 8. Pamue ne tshikoso 6, bala kabidi tshia 18 mu tshisakidila tshia ngondo wa dikumi ne umue 1999. Londayi mêyi aa ne ngenyi eyi panudi nufundilangana mikanda ne balunda anyi ne balela badi mu bulelela anyi panudi nuakula bua malu mamonamona mu buambi.

Musambu 105 ne disambila dia nkomenu.

[Mêyi adi kuinshi]