Mushindu wa kufila bibejibeji
(Nuangate bia Mfualansa bikala bia Tshiluba kabiyiku)
Tshibumba tshia Nsentedi 15 Kabit.
“Bantu miliyo mivule badi bitaba ne: ‘bansantu’ badi ne bukole bua pa buabu, bamba kabidi ne: mbimpe kupitshila kudibu patudi tusambila. Kadi wewe udi pebe wela meji kayi? [Lekela muntu andamune.] Teleja tshivua Yezu muambe. [Bala Yone 14:6.] Mêyi aa adi afikisha bantu bakuabu ku didiebeja bua tshinyi bidi bikengela kupitshila kudi ‘bansantu’ patudi tusambila. Nimero wa Tshibumba tshia Nsentedi eu udi wakuila pa tshiena-bualu atshi tshia mushinga mukole.”
Réveillez-vous! 22 sept.
“Bantu ba bungi lelu badi batshina malu a tshinyangu adi ba-teroriste benza ne bingoma bia mbutula bienza ne mulungu wa tuishi. Udi wela meji ne: mbulamatadi ya bantu idi mua kujikija malu a tshinyangu a ba-teroriste adi pa buloba apa aa anyi? [Lekela muntu andamune.] Bible udi uleja tshidi Nzambi mulongolole bua kuenza. [Bala Yehezekele 34:28.] Tshibejibeji tshia Réveillez-vous! etshi tshidi tshiakula bua malu aa.”
Tshibumba tshia Nsentedi 1 Kasuam.
“Bantu ba bungi batu badiebeja bikala ntatu idi mitunyunguluke eyi: mvita, dishipangana ne malu a tshinyangu adi ba-teroriste benza mua kujika yonso. Udi umona pebe bishi? [Lekela muntu andamune.] Kadi Bible yeye udi utusanguluja ne ditekemena edi. [Bala Musambu wa 37:10, 11.] Tshibejibeji etshi tshidi tshiumvuija bua tshinyi Nzambi ki muanji kujikija malu mabi ne ntatu yonso idiwu akebesha.”
Réveillez-vous! 8 oct.
“Lelu’eu mêku adi ne muledi umue mmavulangane biye ne kua tshianana. Bible udi uleja ne: Mufuki wetu udi umvuila mêku a nunku luse. [Bala Musambu 146:9.] Nimero wa Réveillez-vous! eu udi uleja mushindu udi mêyi a mu Bible mua kuambuluisha baledi badi badishadile bua kukolesha bana babu bimpe.”