Ndongamu wa Bisangilu bia Mudimu
Lumingu lua dia 9 Tshisua-munene
Musambu 193
Min. 12: Mamanyisha a mu tshisumbu ne makuabu makanyine a mu Mudimu wetu wa Bukalenge. Ku diambuluisha dia ngenyi idi mu dibeji dia 8, enzayi manaya a tshilejilu pa mushindu wa kufila Tshibumba tshia Nsentedi tshia dia 15 Tshisua-munene ne Réveillez-vous! wa dia 22 Tshisua-munene.
Min. 15: “Tumanyishayi mukenji wa Bukalenge.”a Panudi nufika ku tshikoso 3, wele ngenyi ya mushindu wa kubadila muntu buludiludi mu Bible patudi tuyisha lumu luimpe.—km 12/01 dib. 1 tshik. 3.
Min. 18: Tupatulayi bipeta bimpe mu mudimu wonso muimpe. Muyuki ne diela bateleji nkonko. Nebawenze kudi mukulu. Akuila pa mianda idi itangila dikola dia tshisumbu tshienu, kabidi ne bionso bivua bienza bua kufika ku ditshienza. Dianjila kulongolola malu bua bantu bavua bikaleku tshikondo atshi balonde malu avuabu bamone adi akankamija. Konkonona tshidi tshileja ne: didiunda nedienzeke kabidi kumpala eku, ne kankamija bantu bonso bua kudifilabu ne lukunukunu mu midimu ya mu tshisumbu.
Musambu 119 ne disambila dia nkomenu.
Lumingu lua dia 16 Tshisua-munene
Musambu 29
Min. 10: Mamanyisha a mu tshisumbu. Luapolo lua konte. Leja programe wa pa buende udi muenza bua buambi mu dia 25 Tshisua-munene ne dia 1 Tshiongo.
Min. 15: Bantu badi ne lungenyi nebumvue. (Dan. 12:3, 10) Dinaya dia tshilejilu. Muntu udi wanyisha bulelela udi ukonka ne: “Mmunyi mundi mua kujadika ne: ngumvuilu unudi nende wa tshidi Bible ulongesha ke mulelela?” Mumanyishi udi umvuija mushindu wa kuenza mudimu ne biena-bualu padibu benza makebulula. (w96 15/5 dib. 19-20) Ku diambuluisha dia tshilejilu tshimue anyi bibidi bia mu mukanda wa Comment raisonner, dibeji dia 403-408, udi uleja mushindu utudi bafike ku diumvua tshidi Nzambi mulongolole bua buloba patudi tukonkonona ne ntema mvese ya mu Bible. Mumanyishi eu udi umvuija mua kulonda ngenzelu umue umue au bua kufika ku diumvua bimpe malongesha makuabu a mu Bible pashishe udi umulomba bua kulongaye nende Bible.
Min. 20: “Tuvulukayi bena lulamatu bakadi bakulakaje.”b Buejamu mumvuija adi mu Tshibumba tshia Nsentedi tshia dia 1 Tshimungu 1994, dibeji dia 29. Manyisha bualu budibu balongolole bua se: muntu udi mulema udi mua kufila luapolo lua mudimu lua minite nansha yoyi mikale 15. Sungula bantu ndambu mukese bua balonde malu mamonamona adi aleja mushindu udi didia malanda ne bantu abu dibapetesha masanka.
Musambu 154 ne disambila dia nkomenu.
Lumingu lua dia 23 Tshisua-munene
Musambu 148
Min. 10: Mamanyisha a mu tshisumbu. Ku diambuluisha dia ngenyi idi mu dibeji dia 8, lejayi mushindu wa kufila Tshibumba tshia Nsentedi tshia dia 1 Tshiongo ne Réveillez-vous! wa dia 8 Tshiongo. Ambila bantu bonso bua babale “Nkonko ya babadi” mu Tshibumba tshia Nsentedi tshia dia 15 Kabalashipu 2000, dibeji dia 29-31 ne tshia dia 15 Kasuamansense 2000 dibeji dia 30-31 ne broshire wa Comment le sang peut-il vous sauver la vie? bua kudilongolola ku diyukidilangana dienzeka mu Tshisangilu tshia Mudimu tshia lumingu lua dia 6 Tshiongo.
Min. 15: Majinga a mu tshisumbu.
Min. 20: “Utuku ufila luapolo lujalame anyi?”c Panudi nufika mu tshikoso 2, ubuejemu mumvuija a mu mukanda wa Mudimu wetu, dibeji dia 106-108.
Musambu 165 ne disambila dia nkomenu.
Lumingu lua dia 30 Tshisua-munene
Musambu 152
Dimanyisha: Bisumbu kabiena ne bua kushintulula Tshisangilu tshia Mudimu tshia lumingu lua dia 30 Tshisua-munene kutshienza kumpala to, amba anu padiku dikumbula dia mutangidi wa tshijengu. Bisumbu bionso bidi ne bua kukonkonona malu adi mu tshisakidila adi akula bua mpungilu anu mu lumingu ludibu balongolole bua kuenza.
Min. 10: Mamanyisha a mu tshisumbu. Vuluija bamanyishi bua kufilabu luapolo luabu lua mudimu lua Tshisua-munene. Bikala tshisumbu tshienu ne bua kushintulula mêba a bisangilu mu tshidimu tshipiatshipia etshi, kankamija bantu bonso bua kuikalabu balua mu bisangilu pa mêba mapiamapia aa. Manyisha mikanda ya kufila mu Tshiongo, utambe kukoka ntema ya bantu pa mikanda idi tshisumbu nayi mu stoke.
Min. 15: Tukonkononayi mukanda wa Tutendelelayi Nzambi. Muyuki ne diyukidilangana ne bateleji. Umvuija mudibu balongolole bua se: mukanda mupiamupia eu wikale muibidi utuikala tulonga nawu ne bantu. (km 6/00 dib. 4 tshik. 5-6) Lomba bateleji bua bakule pabu bua malu adi mu mukanda eu adi matambe kubasankisha. Umvuija ne: bimue bitupa bia mu mukanda au bidi ne nkonko ne mvese idi isaka mulongi ku diela meji bikole pa Dîyi dia Nzambi. Fila tshilejilu tshia mu dibeji dia 47-49, tshikoso 13.
Min. 20: “‘Tutumbishayi Nzambi’ Mpungilu wa Distrike wa Bantemu ba Yehowa bua tshidimu tshia 2003.”d Nebatshienze kudi sekretere wa tshisumbu. Kumpala kua kukonkonona malu a mu tshisakidila aa, anji bala mukanda wa dia 15 Tshisua-munene 2002 mufundila bisumbu bua muaba udibi ne bua kuya kubuela mu mpungilu. Uleje mudimu wa sekretere udi muikale wa mulombodi wa mpungilu bua tshisumbu. Ela bantu bonso kalumbandi ne musangelu bua mudibu batuadija kudilongolola bua kubuela mu mpungilu.
Musambu 147 ne disambila dia nkomenu.
Lumingu lua dia 6 Tshiongo
Musambu 67
Min. 5: Mamanyisha a mu tshisumbu.
Min. 23: Diambuluisha bua kumona mua kutumikila Mukenji wa Nzambi udi utangila mashi. Muyuki wenzabu kudi mukulu mukumbane, muashila pa plan udi biro bia filiale mutume. Sekretere neikale mulame bungi bukumbane bua tuarte tua Instructions médicales prévisionnelles ne Document d’identité médical bua kutuabanyina bantu. Nebapeshe bamanyishi batambule tuarte etu padi bisangilu bijika, kadi KABENA ne bua kutuuja dilolo adi to. Ditua biala ne difunda matuku a ngondo pa tuarte kudi benatu ne kudi bantemu babu nebienzeke kunyima kua Dilonga dia Mukanda dia Tshisumbu dialonda ne diambuluisha dia mutangidi wa dilonga dia mukanda padibi bikengela. Nebapeshe baledi tuarte tua Document d’identité médical bua bana babu. Bamanyishi badi kabayi banji kutambula badi mua kudifundila wabu mukanda wa mêyi buabu buobu ne bua bana babu, bateta kuidikija mêyi adi pa tuarte etu bilondeshile nsombelu wabu ne malu adibu bitabuja.
Min. 17: “Tangila bande wa video wa No Blood—Medicine Meets the Challenge.” Nebatshienze kudi mukulu mupiluke. Tuadijayi musangu umue diyukidilangana pa bande wa No Blood ne bateleji ku diambuluisha dia nkonko idibu bele mu kazubu kadi mu dibeji dia 7. Pashishe ubale tshikoso tshia ndekelu tshidi mu kazubu aku. Panuikala kanuyi ne bande wa video eu, nudi mua kuangata broshire wa Comment le sang peut-il vous sauver la vie? dibeji 5-17, 19, 29.
Musambu 79 ne disambila dia nkomenu.
[Mêyi adi kuinshi]
a Mbuelelu webe kapitshi pa munite mujima, pashishe utungunuke mu nkonko ne mandamuna.
b Mbuelelu webe kapitshi pa munite mujima, pashishe utungunuke mu nkonko ne mandamuna.
c Mbuelelu webe kapitshi pa munite mujima, pashishe utungunuke mu nkonko ne mandamuna.
d Mbuelelu webe kapitshi pa munite mujima, pashishe utungunuke mu nkonko ne mandamuna.