Ndongamu wa Bisangilu bia Mudimu

DIMANYISHA: Mudimu wetu wa Bukalenge newikale ne programe wa Tshisangilu tshia Mudimu bua lumingu luonso mu ngondo wa muanda-mukulu ne wa tshitema. Bisumbu bidi mua kumuakajilula mudibi bikengela bua bantu bapete mushindu wa kubuela mu Mpungilu wa Distrike wa “Tutumbishayi Nzambi.” Padibi biakanyine, nuangate minite 15 mu Tshisangilu tshia Mudimu tshia ndekelu kumpala kua lumingu lua mpungilu bua kuvuluijangana mibelu idi ne mushinga ne mikumbanyine muaba unudi idi mu tshisakidila tshia ngondo eu. Mu ngondo wa dikumi, nebalongolole Tshisangilu tshia Mudimu tshijima bua kukonkonona malu manene a mu mpungilu. Bua kumona mua kudilongolola ku diyukidilangana adi, yonso wa kutudi udi ne bua kufundaku mu tshikoso malu manene a mu mpungilu, kabidi ne malu masunguluke atudi tujinga bua kutumikila muntu ne muntu mu nsombelu wetu anyi mu buambi. Pashishe netuikale mua kukankamija bakuabu pa kumvuija mushindu utudi batumikile ngenyi eyi kubangila katshia tuabuela mu mpungilu.

Lumingu lua dia 14 Tshisanga

Musambu 20

Min. 15: Mamanyisha a mu tshisumbu ne makuabu makanyine a mu Mudimu wetu wa Bukalenge. Ku diambuluisha dia ngenyi idi mu dibeji dia 8, enzayi manaya a tshilejilu abidi pa mushindu wa kufila Tshibumba tshia Nsentedi tshia dia 15 Tshisanga ne Réveillez-vous! wa dia 22 Tshisanga. Mu dinaya dionso, nebaleje muntu bibejibeji ebi bionso bibidi musangu umue, nansha bikalabu bamumvuije anu bualu bua tshibejibeji tshimuepele.

Min. 10: Mandamuna ku nkonko yenu. Muyuki kudi mukulu.

Min. 20: “Tukenke bu bimunyi bia butoke.”a Jikija ne muyuki wa minite itanu muashila pa Tshibumba tshia Nsentedi tshia dia 1 Kabalashipu 1997, dibeji dia 14-15, tshikoso tshia 8-13. Umvuija tshitudi tuepukila disokoka bakuabu mukenji wa Bukalenge.

Musambu 134 ne disambila dia nkomenu.

Lumingu lua dia 21 Tshisanga

Musambu 25

Min. 10: Mamanyisha a mu tshisumbu. Luapolo lua konte.

Min. 15: “Tudisangishayi popamue bua kutumbisha Yehowa.”b Ela nkonko idibu bafile. Kankamija bantu bonso bua bikaleku mu mpungilu mujima, kutuadijila ku Ditanu mu dinda too ne ku Dia lumingu mu mapingaja. Ela kashonyi pa mushinga wa kutumikila malu atudi tulonga pamutu pa kuateleja anu patupu. Wakula kabidi bua dimanyisha didi ku mutu eku didi ditangila tshidibu balongolole bua Tshisangilu tshia Mudimu tshia mu ngondo wa dikumi muikala ne bua kuenzeka diambulula dia malu manene a mu mpungilu. Ambila bantu bonso bua bafunde malu atelejabu mu mpungilu.

Min. 20: “Witabuje dîyi edi.”c Ela bamanyishi babidi badi bakuata mudimu bimpe ne bujike buabu bua kumona mua kutuma malu a Bukalenge kumpala nkonko. Bambile bumvuije tshidi tshibambuluisha bua kuikala ne disanka mu mudimu wabu.

Musambu 35 ne disambila dia nkomenu.

Lumingu lua dia 28 Tshisanga

Musambu 51

Min. 10: Mamanyisha a mu tshisumbu. Vuluija bamanyishi bua bafile luapolo luabu lua mudimu bua ngondo muinayi. Ku diambuluisha dia ngenyi idi mu dibeji dia 8, enzayi manaya a tshilejilu abidi mashilangane pa mushindu wa kufila Tshibumba tshia Nsentedi tshia dia 1 Lumungulu ne Réveillez-vous! wa dia 8 Lumungulu.

Min. 15: “Ikala tshilejilu mu malu mimpe.”d Ela nkonko idibu bafile. Umvuija bua tshinyi bidi ne mushinga bua muntu yonso kuikalaye ne ngikadilu muimpe.

Min. 20: “Dipinganyina bantu batuvua bayishe didi ditufikisha ku dilonga nabu Bible.”e Diyukidilangana dienzabu kudi mukulu ku diambuluisha dia nkonko idibu bafile. Lomba bateleji bua kulondabu mu tshikoso amue malu mamona mu mudimu wa buambi adi akuatshisha ngenyi mifila. Panuafika mu tshikoso 5, nuenze dinaya dia bualu anu muvuabu buenzeke muaba unudi pa mushindu uvua muanetu kampanda mutuadije dilonga dia Bible.

Musambu 89 ne disambila dia nkomenu.

Lumingu lua dia 5 Lumungulu

Musambu 120

Min. 10: Mamanyisha a mu tshisumbu. Konkononayi mu tshikoso ngenyi mifila mu Mudimu wetu wa Bukalenge wa Tshisanga 2002 dibeji 2, mu tshitupa tshidi tshiamba ne: “Tuadija kudilongolola bua tshikondo tshia dikisha.”

Min. 20: “Mvuadilu muakane udi uleja kanemu kudi Nzambi.”f Diyukidilangana dienzabu kudi mukulu. Ela nkonko idibu bafile. Usungule muanetu wa balume utu ubala bimpe bua kubalaye ne dîyi dikole tshikoso ne tshikoso tshionso.

Min. 15: Luapolo luimpe mbualu bua disanka. (Nsu. 15:30) Diyukidilangana ne bateleji bua kuleja bipeta bidi bena mu tshisumbu bapatula bua mudimu wabu wa pa buawu uvuabu benze mu ngondo muisatu ne muinayi. Lomba bena mu tshisumbu bua balonde malu adi akankamija avuabu bamone pavuabu: (1) bambuluisha muntu udi ne dijinga dia kumanya bulelela bua kubuelaye mu Tshivulukilu, (2) benza mudimu wa bumpanda-njila buambuluishi, (3) bakankamija mumanyishi ukavua mulekele dienza mudimu wa buambi bua kuupinganyinaye, (4) bambuluisha muntu mupiamupia bua kutuadijaye kuyisha ne (5) bakolesha dijinga dia kumanya bia bungi kudi bantu bavua babuele mu Tshivulukilu. Udianjile kulongolola amue a ku mumvuija aa. Wele bantu kalumbandi ne ubakoleshe bonso mu maboko bua basuminyine ne dienza mudimu mushindu eu mu matuku adi kumpala.

Musambu 126 ne disambila dia nkomenu.

[Mêyi adi kuinshi]