Diambulula dia mu Kalasa ka Mudimu wa Teokrasi

Nkonko idi ilonda eyi nya kukonkonona mukana mu Kalasa ka Mudimu wa Teokrasi mu lumingu luatuadija mu dia 30 Kabalashipu 2003. Mutangidi wa kalasa neenzeje diambulula edi mu minite 30 dishindamene pa midimu ivua mienzeke mu kalasa kubangila mu lumingu lua dia 5 Lumungulu too ne mu lua dia 30 Kabalashipu 2003. [Dimanyisha: Padibu kabayi baleje miaba iudi mua kupetela diandamuna kunyima kua lukonko, bidi bikengela wewe kudikebela diandamuna mu mikanda yetu.​—Tangila mukanda wa Kalasa ka mudimu, dib. 36-37.]

NGIKADILU YA BUNGAMBA-MALU

1. Bua tshinyi dishintulula dia dîyi didi ne mushinga paudi wenza muyuki, ne mmunyi muudi mua kudienza? [be dib. 111 kazubu; dib. 112 kazubu]

2. Nansha bikala ngamba-malu mutuishibue mudi malu adiye wamba mikale malelela ne munange Yehowa, bua tshinyi udi mua kupangila musangelu padiye wakula? [be dib. 115 tshik. 3-4; dib. 116 tshik. 1]

3. Ntshinyi tshiambuluisha ngamba-malu bua kuakulaye ne bulenga ne muoyo wa munda wonso, ne mbua tshinyi bidi ne mushinga bua kuenzaye nunku? [be dib. 119 tshik. 1-4]

4. Ntshinyi tshidi mua kuleja ne: muntu udi ne musangelu mukumbanyine mu diakula, udi wakula ne bulenga ne ngikadilu mikuabu miakanyine padiye wenza muyuki? [be dib. 120 tshik. 2-5]

5. Bulelela anyi Dishima: Jeste ne tshilunji tshia mpala bidi ne mushinga anu padi bantu badi bakuteleja bakutangile buludi. Umvuija. [be dib. 121 tshik. 3]

MUDIMU NO. 1

6. Ntshinyi tshivua tshiambuluishe Yoshiya bua kulonda njila muakane nansha muvuaye mumone malu mapite bubi ku buana buende? (2 Kul. 34:1, 2) [w01 15/4 dib. 27 tshik. 1-6; dib. 28 tshik. 4]

7. Nsumuinu 9:7, 8a udi umvuija tshinyi, ne mmunyi mutudi mua kumutumikila mu mudimu wa buambi? [w01 15/5 dib. 29 tshik. 4-5]

8. Yehowa uvua musue kuamba tshinyi pavuaye muambile bena Isalele ne: ‘Kanupu muoyo,’ ne mmunyi mutudi mua kuepuka bipua-muoyo? (Dut. 4:9; 8:11) [be dib. 19 tshik. 4-dib. 20 tshik. 2]

9. Mmunyi mudi miaku ya Davidi ivua yumbukila mu mutshima wende idi mu Musambu 32:1, 5 ne Musambu 51:10, 15 ileja ne: muntu yeye muenze mpekatu kampanda munene kêna ne bua kupingana tshianyima kudimona ne: katshiena kabidi ne mushinga to, kadi udi ne bua kunyingalala ne muoyo mujima bua mpekatu wende au ne kumulekela? [w01 1/6 dib. 30 tshik. 1-3]

10. Ntshinyi tshitudi mua kumanya pa bidi bitangila mushindu wa kuambuluisha badi bakenga bilondeshile mibelu ya Paulo idi mileja mu 1 Timote 5:3-16? [w01 15/6 dib. 11 tshik. 1]

DIBALA DIA BIBLE DIA KU LUMINGU LUONSO

11. Yezu uvua wakula bua tshinyi pavuaye muambe bua ‘kuledibua tshia kabidi’ bu mudibi bileja mu Yone 3:3? [w95 1/7 dib. 9-10 tshik. 4-5]

12. Mmushindu kayi uvua Yezu muenze mudimu ne dimanya diende ne ndilongesha kayi dia mushinga mukole didi muanda eu utulongesha? (Yone 7:15-18) [w96 1/2 dib. 9-10 tshik. 4-7]

13. Bua tshinyi ki mbafunde Yone 7:53–8:11 mu Bible wa Traduction du monde nouveau bu mudibu bafunde mvese mikuabu yonso?

14. Mmunyi muvua Yezu ‘mupingane kabidi mushindu wa muomumue’ ne uvuaye mubande mu diulu? (Bienzedi 1:11, Mukanda wa Mvidi Mukulu [Katolike, MMM]) [w90-F 1/6 dib. 11 tshik. 5]

15. Bua tshinyi ‘kakuakadi muntu wa bakadi bashale wakadi ne bukitu bua kudisangisha ne [bayidi],’ bu mudi Bienzedi 5:13 wamba?