Ndongamu wa Bisangilu bia Mudimu
Lumingu lua dia 14 Kashipu
Musambu 56
Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Ku diambuluisha dia ngenyi idi mu dibeji dia ndekelu, enzayi manaya a tshilejilu abidi pa mushindu wa kufila Tshibumba tshia Nsentedi tshia dia 15 Kashipu ne Réveillez-vous! wa dia 22 Kashipu mu teritware wa tshisumbu tshienu binuikala nabi, anyi nuangate bia ngondo ikadi mipite bikala ebi kabiyiku.
Min. 15: Mmushindu kayi udi ntendelelu wa Yehowa ulengeja nsombelu wetu? Diyukidilangana ne bateleji. Ntendelelu mulelela ke tshintu tshinene tshidi tshifikisha bantu ku nsombelu wa nsongo ne wa disanka. (1) Udi utuambuluisha bua kutantamena ntatu ne tunyinganyinga. (Filip. 4:6, 7) (2) Udi utukankamija bua kuikala ne ngikadilu idi Nzambi wanyisha. (2 Pet. 1:5-8) (3) Udi utuambuluisha bua kuenza mudimu ne dîba dietu ne bintu bietu mu mushindu mutambe buimpe. (1 Tim. 6:17-19) (4) Udi utupesha ditekemena dilelela bua matuku atshilualua. (2 Pet. 3:13) (5) Udi utupetesha mushindu wa kudia malanda mashême ne Yehowa. (Yak. 4:8) Leja mudi malu aa mapangike munkatshi mua bantu badi kabayi bamanye Yehowa ne kabayi bamusadila.
Min. 20: “Tuikalayi ne dianyisha bua luse lua Nzambi.”a Panudi nufika mu tshikoso 3, fila ngenyi ya mushindu wa kutuadija kufila bibejibeji pa tshibidilu kudi bantu dîba dionso didibi bipatuka, angatshila ngenyi eyi mu Mudimu wetu wa Bukalenge wa Lumungulu 1998, dibeji dia 8. Ela bamanyishi babidi bapiluke nkonko bua bambe ngenzelu udibu bamone muimpe bua kutuadija malonga a Bible. Kankamija bantu bonso bua badifundile tshipatshila tshia kutuadija dilonga Bible ne bantu.—om-F dib. 92.
Musambu 176 ne disambila dia nkomenu.
Lumingu lua dia 21 Kashipu
Musambu 184
Min. 10: Mamanyisha a mu tshisumbu. Luapolo lua konte.
Min. 10: “Programe mupiamupia wa mpuilu wa tshijengu.” Muyuki ne diyukidilangana ne bateleji. Manyisha dituku dikala mpuilu wa tshijengu ne bua kuenzeka. Binuikala ne bua kuenza mpuilu eu mu ngondo mikese idi kumpala eku, umanyishe bantu buonso badi bakeba bua kutambula ne: badi ne bua kumanyisha mutangidi-muludiki dijinga diabu edi. Ambila bantu bonso bua benze muabu muonso bua kubikila bantu badibu balonga nabu Bible bua kubuelabu pabu mu mpuilu.
Min. 25: Idikijayi dikima diabu mu mudimu wa buambi. Diyukidilangana ne bateleji diashila pa mukanda wa Tutendelelayi Nzambi dibeji dia 170-171. Lomba bateleji bua bandamune nkonko idibu bele mu tshikoso tshia 7 ne babueje mu mandamuna abu mvese idibu batele. Sungula mvese mikese iwabadisha kudi bateleji. Leja malongesha atudi tulongela kudi bapostolo mu malu akenzabu aa ne mushindu udiwu atuambuluisha bua kuikala ne mmuenenu muimpe bua mudimu eu udibu batupesha wa kuyisha.
Musambu 201 ne disambila dia nkomenu.
Lumingu lua dia 28 Kashipu
Musambu 45
Min. 10: Mamanyisha a mu tshisumbu. Vuluija bamanyishi bua bafile luapolo lua mudimu lua ngondo wa muanda-mutekete. Ku diambuluisha dia ngenyi idi mu dibeji dia ndekelu, enzayi manaya a tshilejilu abidi pa mushindu wa kufila Tshibumba tshia nsentedi tshia dia 1 Tshimungu ne Réveillez-vous? wa dia 8 Tshimungu bikalabiku, anyi nuangate bia ngondo ikadi mipite bikalabi kabiyiku. Dimue dia ku manaya aa dikale dileja mumanyishi uyisha mu tshimpitshimpi dîba dionso didi mpunga umueneka.
Min. 15: Mandamuna ku Nkonko yenu. Mmalu kayi a kuvuluka padi bisumbu bibidi anyi bia bungi bia miakulu mishilangane bikale ne teritware umue wa kuyishila? Mbapeshe bimue bia ku bisumbu bietu mudimu wa kuyisha bantu bilondeshile muakulu udibu bakula. Nunku, bisumbu bibidi anyi bia bungi bia miakulu mishilangane bidi biyishila mu teritware umue nebilonde mibelu idibu bafile muaba eu.
Min. 20: “Diyisha pamue ne bakuabu mu kasumbu didi difila disanka.”b Panudi nufika mu tshikoso 3, ubueje mumvuija mangatshila mu Mandamuna ku nkonko yenu a mu Mudimu wetu wa Bukalenge wa Kabitende 2001. Ela mutangidi umue wa Dilonga dia Mukanda dia Tshisumbu nkonko mikese. Mmapangadika kayi adiye muangate bua mudimu wa buambi mu kasumbu kende ka dilonga dia mukanda ne masanka kayi adi bena mu kasumbu bonso bapeta padibu benza mudimu pamue.
Musambu 36 ne disambila dia nkomenu.
Lumingu lua dia 4 Tshimungu
Musambu 178
Min. 10: Mamanyisha a mu tshisumbu. Umanyishe mikanda ituafila mu ngondo eu. Enza dinaya dia tshilejilu dimue anyi abidi mîpi adi bantu mua kulonda bua kufila mikanda eyi.
Min. 20: “Tufilayi mikanda mu teritware idi bantu bakula miakulu ya bungi.”c Ela nkonko idibu bafile. Panudi nufika mu tshikoso 3, nuenze dinaya dia tshilejilu mu muakulu muenyi udi bantu bakula mu teritware wenu kadi kawuyi ne tshisumbu tshiawu.—km 7/02 dib. 1 tshik. 4.
Min. 15: Bansonga badi batumbisha Yehowa! Muyuki ne diyukidilangana ne bateleji ne diela nkonko. Bitu bitusankisha patutu tuteleja bansonga bafila mumvuija malongolola bimpe mu bisangilu. Tshisumi tshiabu ne diya kumpala diabu mu Kalasa ka Mudimu wa Teokrasi mmalu adi asankisha. Badi baleja ditabuja diabu dilelela padibu bayisha lumu luimpe bimpe. Ngikadilu wabu wa bantu badi batshina Nzambi udi utumbisha Yehowa. (yb88-F dib. 53-54) Dikola diabu dia mu nyuma didi tshishimikidi tshidi tshibambuluisha bua kupeta masanka a mudimu eu mu matuku atshilualua. Ela bansonga babidi anyi basatu batu badifila pa tshibidilu mu midimu ya tshisumbu nkonko mikese. Ela bansonga ba mu tshisumbu kalumbandi ne muoyo umue bua mudibu benza muabu muonso bua kutumbisha Yehowa.
Musambu 49 ne disambila dia nkomenu.
[Mêyi adi kuinshi]
a Mbuelelu webe kapitshi pa munite mujima to, pashishe utungunuke ne nkonko ne mandamuna.
b Mbuelelu webe kapitshi pa munite mujima to, pashishe utungunuke ne nkonko ne mandamuna.
c Mbuelelu webe kapitshi pa munite mujima to, pashishe utungunuke ne nkonko ne mandamuna.