Ndongamu wa Bisangilu bia Mudimu
Lumingu lua dia 11 Tshimungu
Musambu 101
Min. 10: Mamanyisha a mu tshisumbu ne makuabu makanyine a mu Mudimu wetu wa Bukalenge. Ku diambuluisha dia ngenyi idi mu dibeji dia ndekelu, enzayi manaya abidi a tshilejilu pa mushindu wa kufila Tshibumba tshia Nsentedi tshia dia 15 Tshimungu ne Réveillez-vous! wa dia 22 Tshimungu bikalaku bibejibeji ebi; bikalabi kabiyiku, nuangate bia ngondo mishale. Mu dimue dia ku manaya aa, nuleje mushindu wa kuandamuna muntu udi usua kubenga kuyukila netu, wamba ne: “Ndi ne mudimu.”—Tangila kakanda ka Mayuki pa Bible, dibeji dia 11, anyi mukanda wa Comment raisonner, dibeji dia 19.
Min. 15: “Tuidikijayi buimpe bua Yehowa.”a Lomba bateleji bua balonde malu makese adi aleja mushindu udi bienzedi kampanda bia buimpe bipeteshe bamanyishi mushindu wa kuyisha. Ela bena mu tshisumbu kalumbandi bua bionso bidibu benza bua kuambuluisha bena Kristo nabu.
Min. 20: “Mabenesha a mudimu wa bumpanda-njila.”b Ela nkonko idibu bafile. Lomba mpanda-njila umue anyi babidi bua baleje mabenesha akadibu bapete mu mudimu wa bumpanda-njila. Manyisha ne: muntu yonso udi musue kuenza bumpanda-njila udi mua kuangata formilere kudi sekretere.
Musambu 11 ne disambila dia nkomenu.
Lumingu lua dia 18 Tshimungu
Musambu 82
Min. 12: Mamanyisha a mu tshisumbu. Luapolo lua konte. Konkononayi tshiena-bualu tshia “Programe mupiamupia wa mpuilu wa pa buende.” Manyisha dituku dienzeka mpuilu wa pa buende wa musangu walonda ne wambile bantu bonso bua kubuelamu. Binuikala mua kuenza mpuilu eu mu ngondo mikese kumpala eku, manyisha ne: aba badi bajinga kutambula mbimpe bamanyishe mutangidi-muludiki.
Min. 15: “Mudimu udi ufila bukole.”c Dianjila kulongolola bua bana betu babidi anyi basatu kumvuijabu mushindu udi mudimu wetu wa bena Kristo ufila bukole.
Min. 18: “Tulamayi muaba wetu wa ntendelelu ne makenda.”d (Tshikoso tshia 1-5) Ela nkonko idibu bafile. Panudi nufika mu tshikoso 3 ne 4, uvuluije tshisumbu bua mapangadika mangata mu tshisumbu tshienu bua dilama dia Nzubu wa Bukalenge ne mankenda. Koka ntema ya bantu ku malu adi akengela kutabalela. Ela bena mu tshisumbu kalumbandi bua mudibu badifila badifidilamu bua kulama muaba wetu wa ntendelelu ne mankenda.
Musambu 114 ne disambila dia nkomenu.
Lumingu lua dia 25 Tshimungu
Musambu 175
Min. 10: Mamanyisha a mu tshisumbu. Ku diambuluisha dia ngenyi idi mu dibeji dia ndekelu, enzayi manaya abidi a tshilejilu pa mushindu wa kufila Tshibumba tshia Nsentedi tshia dia 1 Kabitende ne Réveillez-vous! wa dia 8 Kabitende (bikala bibejibeji ebi bikaleku, kadi bikalabi kabiyiku, nuangate bia ngondo mishale). Nuleje mu dinaya dionso muledi ne muanende wa balume anyi wa bakaji utshidi nsonga, bikale benza diambulula pa mushindu wa kufila bibejibeji mu buambi dituku dia bibejibeji. Badi banji kukonkonona ngenyi idibu bafile ayi mu tshikoso, pashishe balua kuenza dinaya dia tshilejilu.
Min. 15: Majinga a tshisumbu.
Min. 20: Peta dikima dia kuyisha. (1 Tes. 2:2) Muyuki ne diyukidilangana ne bateleji. Umvuija tshidi bantu ba bungi bumvuila buôwa bua kuyisha bakuabu mukenji wa Bukalenge. Bitu bienzekela nansha bantu bakadi ne bidimu bia bungi mu mudimu eu. Londa amue malu adi mu Tshibumba tshia Nsentedi tshia dia 1 Tshisua-munene 1999, dibeji dia 25; Tshibumba tshia Nsentedi tshia dia 15 Tshisua-munene 1999, dibeji dia 25; ne Tshibumba tshia Nsentedi tshia dia 1 Tshisanga 1996, dibeji dia 31. Lomba bateleji bua bumvuije mushindu uvuabu bapete dikima dia kuyisha lumu luimpe mu tshikondo tshivuabu bumvua buôwa bubakuata. Jikija ne mêyi a dikankamija nawu bantu bua bakebe bukole kudi Yehowa, malu mangatshila mu Tshibumba tshia Nsentedi tshia dia 15 Tshisua-munene 1999, dibeji dia 23-24.
Musambu 125 ne disambila dia nkomenu.
Lumingu lua dia 1 Kabitende
Musambu 84
Min. 10: Mamanyisha a mu tshisumbu. Vuluija bamanyishi bua bafile luapolo luabu lua mudimu bua ngondo wa muanda-mukulu. Manyisha mukanda wa kufila mu ngondo wa tshitema. Longolola bua mumanyishi umue anyi babidi balonde malu adi akankamija avuabu bamone pavuabu bayishe dîba divua mpunga mumueneke mu matuku a mpungilu wa distrike (pavuabu bayamu anyi bapingana), anyi mu bikondo bikuabu mu ngondo wa muanda-mutekete ne wa muanda-mukulu.
Min. 15: Utuku ukumbaja dîyi diebe paudi ulaya ne: neupingane anyi? Muyuki ne diyukidilangana ne bateleji muashila pa Tshibumba tshia Nsentedi tshia dia 15 Kabitende 1999, dibeji dia 10-11, pa ka-tshiena-bualu ka “Mishindu mikuabu ya kukumbaja malu atudi tulaya.” Patutu tupeta bantu badi baleja dijinga dia kumanya bivule mu buambi, pa tshibidilu tutu tuenza bua kuikale mushindu wa kulua kuyikila nabu dituku dikuabu. Tutuku menemene tupingana mututu tubalaya anyi? Konkononayi amue mêyi a mu Bible adi ne bua kutusaka bua kukumbaja malu atudi tulaya. Lomba bateleji bua balonde malu adi aleja muvuabu bapete mabenesha pavuabu bapinganyine bantu bavuabu balayangane nabu kabayi bajingakane.
Min. 20: “Tulamayi muaba wetu wa ntendelelu ne mankenda.”e (Tshikoso 6-12) Ela nkonko idibu bafile. Umvuija mudibi ne mushinga bua kulama Nzubu wa Bukalenge ne mankenda, uleje ne malu adi mu kazubu kadi mu dibeji 5. Buejamu mu tshikoso luapolo lua mushindu udi Nzubu wenu wa Bukalenge muikale, umanyishe kabidi mapangadika onso mangata bua kulongolola bintu bidi binyanguke anyi kulengeja bikuabu bintu.
Musambu 41 ne disambila dia nkomenu.
[Mêyi adi kuinshi]
a Mbuelelu webe kapitshi pa munite mujima to, pashishe utungunuke ne nkonko ne mandamuna.
b Mbuelelu webe kapitshi pa munite mujima to, pashishe utungunuke ne nkonko ne mandamuna.
c Mbuelelu webe kapitshi pa munite mujima to, pashishe utungunuke ne nkonko ne mandamuna.
d Mbuelelu webe kapitshi pa munite mujima to, pashishe utungunuke ne nkonko ne mandamuna.
e Mbuelelu webe kapitshi pa munite mujima to, pashishe utungunuke ne nkonko ne mandamuna.